Galmai leh Haksatna Min siatna
——————————————————————————

Hyenas in gamsa bangmah mat zawh nei loin Humpi leh Sahang te matsa zongin nek ziau ding zongin ki thuah in tai kunkun uh hi. Gamsa delh zawh lah nei lo, mat zawh lah nei lo, gal dakdak in kua matsa va sut thei ding ci-in Hyenas zong sa lian te nawknawk hi.

Humpi leh Sahang in delh le lah leh tai kunkun in a nungah lah zui khualkhual se hi. Gamsa lakah a mel chiabok melpoi bel ani a, Hyenas te bel na en le uh cin hoih khol loin matsa nek ding leh gilvah takin ama matsa ne bangin pual lillel mawk hi.

Zomi sungah ZPCC leh ZRAEC tungah thunei nuam ki tamin galmai samai ah kuamah kipia zong om lo, tua kawm kal ah Zomi Movement na sem te minsiatna leh haksatna buaina teng apua agim atawl Humpi leh Sahang bang hi uh a, a met dokin matsa ne ziau Hyenas bangin Zomi kheng khat ki om kawikawi ahi hi.

Hunpi leh Sahang matsa asut nuam leh matsa bek gal etin lawino ham bangin a kunkun Hyenas bangin makai te minsia pua, nang a met la, makai te gual zawhna phat lo nang a sem bangin thu gen cih pen ki tel in!