Ngalbual Khua leh ZRAEC

——————————————–

Zomi Revolutionary Army Eastern Command ZRAEC in Zogam sungah nam dang gal ki neih lai takin Zogam Tedim uksung Ngalbual khua ah khialhna kituak kha ahih manin na kisa mahmah cih galkap te khatin gen khia hi.

Zomi sungah thu tel loin lai ki suah tuamtuam om ding ahih manin hih tawh kisai-in Zomi sungah tel khialh loh nading in galkap te khat in hoih tak gen tel khia hi. Hong nusia sanggam te hangin ki thumin thei khin uh a, itna sang pen tawh Zomi ngeina bulhphuhin inn tek tetawh thu khempeuh ki maisak uh ci hi.

ZRAEC sungah galkap mangte zong khialhna hangin dik sa vetlo ahih manin hih khialhna galkap sungah mawh piakna ki bawl ding cih gen thuahin nei ci hi. Zomi Revolutionary Army Eastern Command (ZRAEC) vai kipuakna sungah galkap thukhun zong khauh mahmah ahih manin thukhun pasal ngam om leh thukhun bangin mawhna kipia giap ding ci hi.

ZRAEC galkap khat ahih leh thumanna leh itna picing takin Zogam kembit dingin kipia ahih manin mipi tungah itna taktak tawh gamtat siam ding makai ten gen beh lai hi. Zomi ten zong galkap te thapiak siam ni’ Zomi galkap ten zong mipi te huai siam in Itna tawh Zogam a lam khawm dingin kipumkhatna tawh naasem khawm Zomi te hihna ki lang khia sak ni’ ci hi.

Tungzang khua leh Tuithang khua ah pawi galin a deih bangin gamtatna zang ta ahih manin mipi-in ning mahmah ta ahih manin galkap te in man lang takin hong not khiat sak uh hen cih sapna aw’ ging ta ci hi. Zomi Movement Zomi thuneihna phuh ta ni’ ci uh a, Zogam sungah hih bangin om leh inn le lo neihsa teng nek tum sakin thuneihna tawh thaumuk mah suan belin nei uh a, mipi-in Zomi Revolutionary Army Eastern Command ZRAEC tungah kiko ta ci hi.

Zomi te pen tuak taktak leng bilpil thei pan a, tuak kei leng khaugui bangin zam kawikawi uh ahih manin Zogam sungah CNA khawng tawh kithuah loin pai suk paitoh ah pilvang huai mahmah ci hi. CNA tawh man kizaih khakna khawng om lohna dingin ki dawm siam ni’SAC in Tedim leh Kawlpi na lut ciangin deih takin hong et sak ding hi.

Hih khialhna thu khempeuh inn teek khua’ nu le pa akipan leh ZRAEC tawh kamsiatna kawm kalah lungdam huai takin ki mai sakna thupi tak ki nei khawm ta ci-in thu phuang khia uh hi. Hih thu hangin khua nu leh makai akipan galkap te in mipi te vai khakna ah thu bei sakin kua man gengen nawnlohna dingin gen beh ci hi.

#ZBCNews thukannna.