ZOGAM DAMTAK IN KILAM TOTO ZPCC/ZRA EC ZOGAM KUMPI ZINGVAI HAWMNA KAL KHAT KHIT KAL KHAT MASUAN KI ZOM TOTO

Zogam ah mi palang misia CNA leh a pawlte Tuikhiang khua pan Zogam galkapte in notkhia hawlkhia mang uh hi. Zogam ah nam dang ngongtat misual peuh mah Zogam Zomi nam galkapte in kuamah mawk koihlo ding hi a vek uh in vatmai mang ding hi cih ZRA EC galkap te tungpan kiza hi.

Zogam galkapte in Zogam kem bit ding leh Zogam ah misual mipoi peuh mah Zogam pan lawnkhia mang dingin a tawntung in mansa in ka om uh hi ci hi.

Tutung tuikhiang khua ah mipoi damiah te tampi tak si in liam in om hi. Vanglian Pasian Zomite Pasian a nungta Pasian Israel Pasian in hong nusia lo in Zogam galkap ZRA EC in ki mawk koih nawnlo ding hi. Zogam maban Zogam Charter tungtawn in na kisem toto ahih ziakin khawl cih om nawnlo ding hi cih zong gen beh lai uh hi.
Galte van ZRA EC in van leh na thau, thautang, cycle leh mawtaw tampi ki matsak hi.

Zogam hong simmawh vial a Zomite bang mahin hong thusimlo CNA leh a pawlpih khempeuh pen ki mawk koih peuh mahlo ding, Zogam pen Zomite tenna pupa luahsa nam dang thu neinuam leh hong uk nuamte khut suangah khupeek cia zong kipia lo ding ci hi.

Zogam galkap ZRA EC thahat in cidam uh a kikapna Topa kepna tawh bang cilo uh hi, Vanglian Pasian Zeisu in kem hi. Israel Pasian Zomite Pasian a tawntung a min kiphat denta hen.

ZBC CORRESPONDENT
Tedim, Zogam