Zomi-India gammi hihna ID nei Mizoram State
——————————————————————-

Mizoram Zomi te thu:

Mizoram khuapi Aizawl khua sungah Zomi milian leh Zomi khempeuh in na laizom te ading in Mizoram panin Khalkha te bangin pan lakna makai te tungah Zomi te pawi te in hong khiatna te ado ding leh ahilh cian dingin pan nong lakna uh om nai lo hi. Hong diang khia ta hun la Mizo makai te tungah Khalkha te in ZPCC/ZRAEC hong kap nading fund zonna leh Mizo tawh Zomi kizopna hong khak tanna te a phelkham dingin Zomi khempeuh hong kipan ta un cih laizom aw nazak leh tu in kisa ta ni’

India gam hihna nei-in Mizoram State sungah teng khawl Zomi khempeuh theih dingin thu kigal gen hi. Khalkha te’n Mizo khuapi Aizawl sungah inn sapin tual tangin Eastern Command ZRAEC a do nading pang khawm uh a hangsan takin Mizo tawh kiho thei ahihna thu te i mu hi. Hih bang din munah Mizoram sungah India mi hihna ID tawh om Zomi te bang hangin tu’ tan hong ki pek khia loin om thei zenzen na hi uh hiam,? Kumpi nasep Officer, Bank nasem Maneger, Galkap leh Palik bu, Mizoram sunga mi lian a i neih tengin mipi tawh Zogam East ading nong phul ding uh ki han thawn hi.

Aizawl khuapi sungah kumpi nasem mipil milian teng bang hangin mei dawi na lungsim pua kawmin na na laizom te ki bawlsiatna thu te Mizo mipi te tungah lak khia loin dai om mawk na hi uh hiam? Khalkha pawi te in pan theihna tuamtuam tawh no zong ong hem nuam ahih lam tak thei loin ki muh mawh bawl na hi uh hiam, ?

Leitungbup gam tuamtuam Zogam ading ma kipang khawm lai takin Aizawl Zomi te leh India gam Zomi te dai takin nong om mawk uh lungsim na mahmah hi. A diakin Aizawl khuapi sungah teng Zomi khempeuh milian leh mipil teng na tungsiah te’ tungah ma hong pang unla hih pawi Khalkha te nasepna khak tanin ahoih lohna thu na gen giapgiap ngam nading uh ki deihsakna leh Zomi hong vei un cih thu vai khakna ahi hi.

India, Mizoram State sungah teng Zomi te hong khanglo ta un cih sapna ahi hi. Na mei dawi na panin Modekai bangin lampi hong zong ta un cih thu ahi hi.

ZBCnews#Correspondent#Aizawl