——————————————————-
Zogam Charter siksanin ZPCC/ZRAEC

Leitung husap tuamtuam lakah USA vangin gam dang mite leh gam tuamtuam te deihna tawh bangin gam tang theilo ahihna muhsa hun paisa sungah tampi om hi. A lunglut huai mahmah khatin kumpi Trump leh kumpi Zalensky a maite kimuhna tungtangah etteh dingin muh theih khat pen kumpi Zalensky lungtangh phatna leh gal hangin a gam mite taisan loin asih tanin mapanna pen lang khatah etteh huai dingin Zomi makai te leh mipi ten thalakna in lak siam ding hi. USA in ahuh lohin pianglo ding pen thei mah ta leh mihing lam panin ki muang ngamin hangsan in Innkangpi nung heisan lel hi.

Kumpi Zalensky pen Russia in Ukraine a kap cilin kumpi Biden in na tai nop leh mu’ ak lakin kong tuah khiaziau ding uh hi acih pen kumpi Zalensky in ka gam ading ka pang dinga, ka mipi tetawh kisi khawm ding hi,’ ci-in Russia galpi nang giap ahi hi. Russia pen adin mun en leng nawk ngam loh dingin husap anei gam khat ahih manin Ukraine kumpi Zalensky in galvan hau in Nuclear ☢️ nei-in sum leh van hau mah leh hih mipi leh Ukraine gam kua in dal ding ahi hiam, ci -in mipi te han thawnin Russia galpi hong nang uh a, kumpi Putin in nawk ziah ding in angahsut ol mahmah pen kum2-3 hong pai to hi.

Galpi thumna ahih leh a tung phial zongin leitung gambup kido na ahih manin hun nu’nung thu suak hi. A hi zongin tu’ tung Ukraine in hangsan takin Russia galpi nung kik het loin hong dalin a lungtang khauh sakin a thau sialphei kuahin thuman dinpih ahih manin Russia pen zawh siang om pah loh hangin N.Korea peuh tawh Ukraine hong do suak hi.

ZPCC/ZRAEC makai te zong Zogam sungah thuman loin SAC sangin gamtatsia leh Zomi veve CNA tung panin ankuang deihna tawh bel pawl tuamtuam om mah leh hih makai te in tom no sung bek ngimna tawh pai loin gam khat level bangin Zomi Movement pai pih toro uh a, a thu leh gamvai pen CNA in nawk lah mahmah ahi hi.

Zomi Political Coordination Council ZPCC leh Zomi Revolutionary Army Eastern Command ZRAEC makai pite gamtatna Zomi Thuneihna Federal kilam zia ding pen ngak lah manin zong gam kikhel zanzan hi loin, Buh zong i tuh ciangin Kha6 alak ding ki ngak ahih manin gam tuamtuam ZPCC palai te hong kipan diamdiam ding uh ahihna zong ZPCC mi khatin gen khia hi.

Khalkha CNA te bangin khemna a lawh cin loh ciangin a thukhun laih zel uh a, a nokai tengin a theih tan zui-in a tel ciang pek zel uh a, tua ciangin CNA in phuah pha zel hi. Chin State sungah Zomi Movement ki hanciam zawh kum40 huam bang pai khin a, Zomi Thuneihna Federal mipi thuneihna Aung Sak Suu Kyi sep sung mahmah in zong ki ngen den ahi hi. SAC ukna lak kik ciangin mipi ki tomna pen damdam in hong kiam a, tua kawmin minam leh gam deihna lamah civil war mipi ki dona minam neuneu buaina lamah hong ki hei kik ahi hi.

Zogam khua khempeuh ah pilvang huai thu ZRAEC makai te khatin gen khia hi. Zogam sungah Zomi galkap te thugen te ngaihsakin mipi-in zong galkap te bek galdo sak loin Zogam panin mipi leh galkap te kipum khatin hawl khia ding hi hang! Zomi ten pawi gamah ZRAEC in va pai-in mun luah zenzen lo uh a, Zogam sungah Khalkha CNA sawltak in om Hualngo, Zo Mung, leh khuano mite Zogam sungah ih galte tawh kipawl teitei in hong om lai peuh mah ZRAEC in ki ngai dam peuh mah lo ding ci hi.

Zogam Charter thute hangin Khalkha CNA khemna nuaiah Zomi te hong gam ta khial nawn kei un, Pu Kim Tuang thu zong veng nai loin Zogam sungah bitna leh daihna mipi sang kahin mipi lakah galkap te om loh ZPCC lungtup ahi hi. Hih bangin Zogam Charter siksanin kalsuanna Khalkha CNA in etteh in a khuapi pen mawk khoih lo uh a, a koih om le zong a dal dingin ki ging ahi hi. Kawlpi leh Tedim leh khua tuamtuam Zomo PDF te nasep inn sia teng ki phuah zo nai loin Zogam sungah khuapi sungah Zogam Charter sungthu bangin gal phuang nawn kei un cih mipi te’ deihna thu zong gen beh hi.

Ami en ken la, a lungtag en in
Zomi Takkheh
ZNV Corps ma zang ta ni’ ZPCC/ZRAEC thuman thu lelah tawh kalsuan toto amau te nungah hong tha hat un Zogam pan zong ki han ciam hi.

ZBCnews#Correspondent# Thupuak Zogam