US LEH UKRAINE KILEMNA DING GUAKSUAK
——————————————————————
Ukraine in galpi tuak a, sihna manna, lungkham mangbangin a om lai takin Pu Trump in huh ning, panpih ning cih lam sangin a neihsa, sum gum pai gum, lei sung sum piangte (rare earth) a kim khat 50% tawdawh sawmin kipan a, Ukraine in a kisap pen leh a deihpen uh ahi, security guarantee lah ciam ngam lian loin kilemna bawlpih sawm uh hi.

Hi bang hun sungin Ukraine gam mipite in Pu Trump pen koi lamah pang a hiam cih pen a theih nop pen uh ahi hi. Ukraine kumpite in muanmawhna lungsim nei uh ahih manin in ama lang pang kumpi khat tawh khang sawmsawnte lei ba loh ding suai kaih sawm lo phawt uh hi ci hi.

Pu Trump in kilemna om leh American nasem tampi tak Ukraine gamah om ding a, Russiate in hong khoih ngam nawn lo ding hi cih paulam in kilemna bawlpih tantan sawm uh a, Ukraine lamin kidona a om ma in, American leh gamdangmi tampi tak Ukraine gamah om uh a, Russiate in hong simh hong buluh veve uh hi ciin security guarantee a kisap thu gen uh hi.

2014-2022 sungin Russiate in Crimea gam hong laksak uh a, tua ni tua kuma kipanin Russiate in Ukrainete hong simh hong that den uh a, hih hun sungin Obama, Trump len Biden kumpite hong kah man uh a, kua mah in Russiate nang ngam lo uh a, Ukraine gam phal lang khat lak sawma Russiate hong kipat kik uh ciangin hi bang buaina leh kidona hong piang hi ciin Ukraine in Security guarantee a kisap thu gen uh hi.

A sawtna ciangin US maitang zahtakna lianpi tawh a kip a kho pah ding zong hi lo, tawmvei sung daih ding, Temporary agreement bawlpih phawt ding hoihsa uh a, tua bang hun sungin US kumpi in Ukraine gam security Guarantee a piak zoh kei leh kilemna khawlsan dingin gel uh hi.

Tua kilemna suai kai dinga hong pai kim lai kam kisang khial in Pu Trump leh Zelenskyyte ki-algual khen phawt uh hi. Copy paste #Zonupa

ZBCnews#Correspondent