A LAUHUAI OPERATION ZRAEC
———————————————-06/03/2025# ZBCnews

ZRAEC operation bawlna Zogam Tungzang khua ah na sia takin ki gual zo hi. Zogam galkap ten hingmat zong nei uh a, hih a amt te in SAC do ding mah kisa in a ngaihsun uh ahi hi. Kal khat sungin SAC zo ding danin ngaihsun uh a, Zogam lam ah hong sakna thu zong theilo uh ahih manin na sa mamah ci hi.

Zomi galkap ZRAEC tungah hingmat tengin Tonsim lamah nong khah nading un kong thum uh hi cih kiza hi. Zogam na lut a SAC paulapin hong kuan khempeuh sihna lo ngal tawh gual zawhna cih na mu kei ding uh hi. Tua ahih manin CNA na sepna a theilo ten pilvang huai hi, CNA kiangah panin gilpi khualna tawh sum ngahin minam langpang teng zong sian suahna om toto ding ci hi.

Zomi Revolutionary Army Eastern Command ZRAEC operation bawlna Zogam sungah minam thuneihna tawh gam luh Khalkha CNA pen gamtatna tampi khialhna om khin ahih manin mipi tawh thasan in ki do khawm ta ahi hi.

Zogam Charter siksan ZPCC/ZRAEC ma suan lawh cing toto ta hi. Makai gensia pan mun. peuh hawmthawh in Zomi sungah mimal khat leh nih te zong thu hilhna makai ten neih sawm cih kiza hi.

Zogam galkap mangpi Pu Min Thang nasepna mipi muan leh deih mi cii tak ahih manin Topan om pih ngiat ahi hi. Makai dangte bangin zuu dawn zatep leh golhguk peuh tawh buai-in minam vei hi loin gal maiah luangkham in nasem a zah tak huai mahmah ahi hi. Minam makai sum keh pai deihna tawh thusia bawlin nek guk lunggulhna tawh mipi sum neihsa inn pi looi lamna in anei zong om cih thu kiza hi.

Khalkha CNA in Zogam sungah a deih luatna in Zomi cih limlim kammal abei nading han ciam uh hi. SAC tawh kizom uh a, SAC tawh kilemna nei uh ahih manin tua kilemna nuai panin Chin State ukna minam thuneihna khalkha lai leh pau te sin theih nading lampi sial den uh hi. Z- tawh kipatna khempeuh in Chin tawh Zomi te zol uh a, Chin cihna sungah Laimi-in pom leuleu uh hi.

Khalkha te mi zol dan theih telin pilvang huai mahmah hi.

• Christian paulapin na sem
• Fellowship paulapin na sem
• Biakna paulapin na sem
• Pahtawina nam tuamtuam tawh Chin min vawhin mite zol
• Zomi a kheng khatin thu hoih masa in kibual uh
• A makai te nasepna tel loin Zomi te va ki sawh zel hi.

Bangzahin hong pahtawi a, hong sam zongin CNA in laizom te SAC hi ci-in a kaplap lai takin amau te lak ah va ki bual sese kei leng hoih pen hi. Pua tham nopsakna lamah hong zol ding a, Chin mi maw laitong na siam hiam hong ci leuleu ding uh hi. Chin min vawhin Laitong na thei hiam cih pen tel mahmah peuh lecin Chin mi or Zomi na hihna ki tel pen ding hi.

Zomi Federal Democracy
Thuman tawh kalsuan ZPCC/ZRAEC
Kuakua in lang pangin a do zongin Zogam thu bek ki buai pih ding hi.
Tungzang Khuamite in makai pi te gel tungah lungdam kohna nei ding cih kiza hi. Zogam zing ni nuam semsem hi.