ZOGAM LEIZA DINGIN CNA AHI HI
——————————————————————-
Pa Puite leh Pa Zo Mung Zogam a niin sak nihte!

Khalkha CNA minam thautawi te in khua tuamtuam ah khua sung mite manin thusitna leh ZRAEC minam galkap lamah pang kei un cih vau na thaumuk ngat uh ahih manin mipi-in pan lak mahmah ding cih thu kiza hi.

Pa Puite leh Pa Zo Mung in Zogam sungah kih huaina a sep a khawl san kei leh, mipi deihna bangin thu kibawl to ding cih uh hi. Zogam sung a ninsak leh zilepsal in kiinei Zomi vive hihna sungah Khalkha te khemsa in hai tat semsem uh ci hi. Phaltang, Bukphil leh akuam a khua te adeih bangin a sepna uh kiciam teh ci hi.

Na deih bangin nasep mah bangin na sep zawh loh hun zong om ding ahih manin Zogam Charter leh Zogam khempeuh ZRAEC kembit ahih manin Zomi mipi tangta te hehna ding beh lap thuah nawn kei un, Pa Puite leh Pa Zo Mung, mipi-in kuamah note hong thapia support het lo hi. Khalkha CNA panin nek guk nasep leh na ahi luatna uh sihpih taktak ding na hi uh aw, na naupang te uh cian sak in pilna sinsak leng Zogam pallun baih zaw ding ci hi.

Pa Puite leh Pa Zo Mung warming ki piapia ta hi.
Zomi gam dangah zokual vekpi ahilo Pa Zo Mung bel nam teng kitel mahmah uh a, Pa Puite zong Zomi ten kitel mahmah hi. Indianapolis ah Pa Puite in Zomi nupakal sinlung nop mawhna piang sak hi. A hangin Khalkha CNA kiang pan nek guk tawh nasem in amau te khutzatin hai gamtat uh ahih manin a nuntakna tom mahmah ding hi.

Zomi Revolutionary Army Eastern Command ZRAEC mai nawt semsem ta hi. Zogam Charter hong lang pang peuh mah kei un, ZPCC/ZRAEC minam galkap peuh mah ki langpan zo ngeilo ding ahi uh chih phawk chiat ta un, Zopau theilo kuamah ki om lo uh a, tu lai takin Zogam sungah om Zomi hualngo te mul kim thei leh pil thei un maw, Zokam in na pau uh a, mipih te thaumuk tawh ton gawpgawpna te na zat uh dawi-in hong siam khin vek ta uh ahi hiam, Zomi Political Coordination Committee ZPCC/ZRAEC kimawl pih kei un vui leh vai na suak ding uh hi.

Humpi dik mahmah ahih manin na kimawl pih siam kei leh kamkhat hong suah thei hi. A dikna neu ngaihsut peuh mah kei un, Zomi leh Zogam ading na minam te uh langah om nawn kei un nisuak zel, tum zel ahih manin mihing te kalsuan dan zong ki hei kawikawi hi. SAC hun beita ahih manin ZRAEC minam galkap peuh mah paulapin hong kap hong kuan lai peuh mah Zogam leiza dingin na lung uh na phum ding uh hi.

ZBCnews#Correspondent#Zomi sinsota