Revolutionary Army Eastern Command ZRAEC
——————————————————————-

Zomi galkap te in Zogam sungah khua’ tuamtuam naupang te tungah cidamna leh damna zatui te hawm khia uh a, naupang te pahtah huai ahihna hong khangto ding khangno te pilna leh theihna bukim aneih nading ZPCC/ZRAEC makaipi te’ tup leh ngim lung hih mawh mahmah thu te Zogam Charter sungah bukim minam khattohna thute siksan in panlakna kipai pih zel cih thu kiza hi.

Zomi galkap ZRAEC in khua’ tuamtuam ah hi bangin nasepna hangin khua’ mite leh naupang te lungdam mahmah ci hi. Minam sungah hi bangin minam galkap te’ Zogam leh minam kembit ding, SAC ukna panin Zomi te in “ Ei leh Ei” thuneihna tualsung thuneihna te bukim takin ki ngahna dingin lam tuamtuam tawh Zomi makai te’n nasep pen kikhawl loin ki semsem ci-in gen khia hi.

Zogam sungah hong buai sak Khalkha CNA tawh kizom Zomi Hualngo leh Pa Zo Mung mite in minam lakah dahna tampi kimuh khelhna tampi khaicii bawh ahih manin minam luan Zomi te sungah hi bang mite ahun ciangin mawh piakna om ding cih gen khia hi. Mipi te in CNA khemsa mite khasum tawh acial uh ahi Pa Puiite leh Pa Zo Mung hite Zogam Hualngo/Zokual tengah minam tuam bangin amai kiliah bawlin ZRAEC aleh dona hangin naupang khangno te ading mailam supna tampi ki beh lap cih thu khua sung mite in general khia hi.

ZPCC/ZRAEC makaihna tawh Zogam khua mun pawl khat tengah nasepna te hangin Zogam
mite’ sim mawhna pan in nop sakna hong tun ding baih nading Pasian gelna om hizaw ci uh hi. Zomi te’ minampi lungsim nei uh a, lungduai na in gual zawhna hong tung veve ci hi. Lungduai na pen a hai huai tawh kibat hangin Pasian zia leh tong ama deihna ahih manin Zomi te ading i gal ado pen Topa hi zaw cih thungetna pawlpi te khatin gen hi.

ZBCnews#Conrrespondent#Zogam