ZOGAM MINAM VAI LAWH CING
—————————————————-
Minam sungah ki-itna khangin Zogam Charter leh ZPCC/ZRAEC makai te thukhualna hangin Zogam phuhna ding hun sawt nawnlo ding ahi hi. Minam vei makai te kipawl siamna hangin amunmun ah support te zong ki-itna tawh gun khawm tui bangin ki gawm diamdiam ding hun hita hi. ZRAEC sungah galkap khatin ki lemlohna dingin minam sungah thu om peuh mah lo hi, ki-it siam leng nuam mahmah ding a, mipi cing hihna hong minam luan hihna lampi sungah ki paipai ahi hi.

Zogam a niin sak CNA nasepna leh Pasian sumpi te zangin hong kuan uh ZRAEC hong kap pen tamvei mahmah ta uh ci hi. Zomi sungah kawlmi vaimi te galkap PDF Zomi te in na minam galkap ZRAEC alut innkuan leh mipi te’ tungah buaina bawl peuh mah kei un cih galkap khatin gen khia hi. CNA ki lau peuh mah lo hi, gal te maiah ZRAEC galkap kiciamna pen ki mang ngilh cih bang om lo hi. CNA lamah thupuak leh thukan Zomi sungah sakhal tuang bangin alehtat peuh mah thupiakna om nawnlo ding ahih manin galte tungah minam thu te apuak khempeuh khawl ta uh hen ci-in galkap khatin gen beh hi.

Zomi Revolutionary Army Eastern Command ZRAEC sungah kipiasa mi khat in cihtakna tawh minam ading sisan alum laiteng kipiakna tawh kiciam na ahih manin hih thu te neu ngaihsut loin hangsan thuman thutak siksan in Zogam phuhna ding kalsuanna pial sawm ngeilo cih thu kiza hi. ZRAEC mi khat ahih kei leh galkap lutin tai khia mi khat in, mun dang panin galkap hihna leh thuneihna paipih theilo ding uh ci hi. Galkap thukhun policy tel lo uh ahih manin pawl khat ten a ut bangin gamta thei mah leh zuih ding thukhun pen galkap ki-ukna sungah lau huai mahmah ci hi.

Leitungbup gamkim ah ZPCC/ZRAEC ading nasem pai ki om ahih manin tua sungah kihel mi khatin ZPCC/ZRAEC minam panpih hihna kician kisim thei pan ding ci uh hi. Mi pawl khatin galkap hihna nusia in mun dangah deih bangin kampau leh gamtatna masuan theilo ding uh ci hi. Galkap panin taikhia mi peuh mah mun dangah zong ki zang theilo uh a, a vang uh bei mahmah uh ahih manin hih bang mi om loh nading pilvang huai mahmah hi. ZPCC/ZRAEC galkap mangpipa leh MP telcing ZNC/ZCD Pu Pau Lun mipil leh picing takin minam ading pang khawmin kiho in lungzuan khua ngaihna minam leh gamin bei dong takin masuan ah ki om ahihna te ki kum uh a, Zogam banah Zomi khempeuh lungtup pen support teng zong hi bang mahin kigengen na bei sakin pan lak ding hunin tu’ ni hi cih thu kiholim ci uh hi.

ZPCC/ZRAEC galkap mangpipa in koikoi panin minam apanpih khempeuh in kei kiangah official in nong puak sese loh hangun naupang te’ tungah kipiak ahih nak leh bang mah poi sakna omlo ci hi. Ki gensiatna te bei-in masuan ah panmun leh makai cih te tawh buaina te kikal ah buai lo zaw in, hun khat ciangin makai cih pen ki laih toto ding a, tua bang kikal ah mite nuam nadingin ei teng ki lem kei leng Zogam amai zum huai mahmah suak zaw cih gen khia hi. Galkap mangpi tungah piak khiatna pai khempeuh ki-ap kei zongin thuman kalsuan dan ahih leh theisak ciang bek level ah mipi kalsuan leng pai dan man ahih manin ei mipi lam panin et lawm mahmah ding hi.

Zogam ah lokuan hun ta, lo nasep nading gam sungah CNA sawktak Zomi Hualngo leh Zo Mung pawl tengin lo kuan ding phal lo cih thu kiza hi.

ZBCnews#Conrrespondent#ZPCC/ZRAEC