A KIPAT CIL IN THUMEILET KI CIANLO
—————————————————————

Zoland PDF in laih zel.
•Kum 2021 in minam cih galkap PDF
•Kum 2025 ciangin Zomi Movement Zomi hawm hen!

Zom gam sungah SAC in ukna hong luah kik ciangin mipi kem hi ung, mipi galkap hi ung, Zomi galkap ka hi kei uh, acii Zomi thautawi adiak CNA tawh kizom PDF Zoland te, akipat cilin Zomi Movement lungtupin kalsuan nuam hi leh Zomi galkap leh Zomi makai tetawh pang khawm thei ding uh a, hi bangin pawite khemna nuai panin akipawl lo bangin thu suah zel, kisim pawl zel uh ahihna Zomi khempeuh in tel lua ahi hi.

ZPCC/ZRAEC in Zomi Movement minam bulphuh in nasem kipan a, Myanmar နိုင်ငံရေး pen SAC in hong pat masak masiah khuapi leh Zogam khua te, mipi gentheih haksatna ding lampi ki tawn masa nuam lo ahihna 2021 kum panin ki gengen khin ci hi. Zoland PDF leh CNA hong kipawlin Min Aung Hliang bek hong target uh ciangin နိုင်ငံရေး tello pi-in CNA tawh hong ki uitui pha deuh citciat uh hi. CNA in a deih bangin nasem in a thukhun leh a policy teng laih zel, zangzel peisuk peito ahih manin kipawlpih teng lakah hilh theih loh Zoland mipi galkap bulphuh deuh Zomi te amit vak zaw deuh ahih manin inn tuan khia uh hi.

ZPCC/ZRAEC in Zomi Movement, Zomi te’ zingvai, Zomi Tualsuak Thuneihna Zogamah kilamin a ki din zawh nading Zomi te’ zingvai Zomi-in mawh puak kila hi, cih pen 2021 SAC in ukna alak kik ciangin ki gen tawntung hi. Kum 2025 ciangin Zogam/land Tedim kual a tengin “ Mipi galkap cih hong bulphuh nawn loin, Zomi Movement, Zomi te zingvai Zomi’n hawm hen” hong nung cih duakduak zen uh hi. Mipi namchih galkap acihna bulgen nawnlo, Min Aung Hlang do ding acih te’ bul gen nawn loin Zomi sungah thumeilet kician neilo ahih manin Zomi Zingvai Zomi hawm hen cih tawh kum4 zawhteh amit uh keuh thei pan hi.

CNA in apuan silh pen SAC kap ding cih tawh akim apam teng ui zolin zol a, ahi zongin CNA in a sungah apuansilh pen minam thuneihna leh SAC sangin a siahuai zaw uk nopna i minam sungah na paipih gige ahih lam tel pah lo uh hi. CNA leh SAC kipawl gige ahihna zong tel loin adeih pen Zoland tetawh kikap lo ding cih pen puatham ahi hi, hih banga mi khemkhem leh ZPCC/ZRAEC tawh thukimna palsat ngamte in no teng hong mek lup theihna dingin ZRAEC te in SAC kaplo uh hi, kipawl lehcih zen uh hi. ZRAEC in SAC kaplo ahih manin kipawl hi cih tawh note khuak hong pei kha ahih manin note zong tua sungah awk cip kha na hi uh hi. Zomi te gam sungah gal phualsat in mun kip hong la CNA pen Zogam Tedim kual tengin na minam galkap te dalpih het loin (Min Aung Hliang)2 na cihcih pen lah ci nawnlo , Zomi Zingvai Zomi hawm hen , na cih leh hih pawi te bang hangin Zogam pan hawl khiat pih lo, Zomi Movement lah pom nuam, pom kei uh teh ci lenglah Zogam, Zoland(Gam pen Land) len kicih ma pekin Zogam i cih vive khit ahi uh hi.

Thumeilet kician om loh manin na mai uh a khim khua zing semsem ding hi, kum2025 ciangin Zomi Movement cih khawng pomin asem bangin nong gen kik dualdual uh leh na minam makai ZPCC/ZRAEC tawh ki ngawngkai-in khut kilet ding lungsim hong nei un cih Vangteh Zotang khatin gen khia hi. Kum2021 hun laitak in Zomi galkap hilo, mipi namcih galkap na kici uh hi, tu’ in kum2025 ciangin tua kamte laih leuleu, Zomi zingvai leh Zomi movement Zomi ten hawm hen’ ci leuleu, lunggim huai mahmah na din mun uh cih ki tel mahmah hi. Khatna minam bulphuh leh minam kepbitna tawh thuneihna Zogam/land ah na deih taktak uh leh tu’ni pen kigawm ding hun hita hi.

Gam dangah bang mah telcian lo political နိုင်ငံရေးkimawl ngeilo napu te uh kaihsuk kaihtohna nuai panin lunggim singim in om sawm nawn kei un, CNA te hong belhpih zel ding, a sim thamin CNA leh Zomi kikal ah hong kimawl pih zel ding uh hi. Tedim kap ding tua ciangin no uk ding cih tawh gal maiah no tengmah antahin hong nei masa ding hi. Tua khit teh na pu CNA te galkap thahat na tawh a din mun leh adeih lem ci-in acian lai teng hong mek lum ding uh hi. Zokual Pa Zo Mung , Pa Puite cih te CNA nuaiah Zomi te langah နိုင်ငံရေး ki mawl siam kisa in hai paupau hi. SAC paizia leh minam တိုင်းရင်းသား te kalsuan zia in နွေဦးတော်လှန်ရေး ah kipai nawnlo hi. Minam တိုင်းရင်းသား ciatin mun leh gam kikem in kidal ciat ta hi.

ZBC news#Conrrespondent#Minam တိုင်းရင်းသား