ZOMI DEVELOPMENT FUND ZDF
————————————————
03/29/2025

Zomi Development Fund makai tengin a diakin amau Fund kipawlna panin apai thei teng tawh kimuh khopna hunhoih nei khawm cih kiza hi. Hih kimuhna sungah Zomi Movement thahat nading leh Zomi te kigawm nading bulphuh ahih leh mai ngak lah huai mahmah cih kiza hi. ZDF in abeisa sungah Fund tawh kisai lawh cing mahmah ahih manin tu’ ni ciang hih Fund tetawh Tonzang gal bei nading tup leh ngim ahih manin tu’ ni ciang ZPCC/ZRAEC nasepna zekai tuam mahmah cih gen hi.

Zomi Development Fund makai te genna ciangah sum ngah khempeuh lakah a tamzaw USA Dollar teng 1 val kikhak khin ahih manin report kician takin hi zah tawh nasepna muh cian ding om nailo cih makai khatin pulak hi. Pawi galin tu’ ni ciang Zogam sungah mun leh mual hong nei beh ahih manin hih tawh kisai-in sum khakna leh Zogam galkap te kisapna lang leh langah ki tangsam mahmah cih gen hi. ZDF in Zomi Movement lungtup ahih leh ZPCC/ZRAEC ah hong bual khop theih nading lampi tampi om ahih manin makai te ki lam en mahmah cih zong Miami pawi sim khatin pulak hi.

Myanmar နိုင်ငံရေး sungah Zomi Movement ZPCC/ZRAEC in agam leh amun zui-in a sep loh phamawh ahihna thu zong Tulsa, tual sungmi ten gen khia hi. SAC in ukna hong lak khit a kipan tu’ ni ciang Myanmar gam din mun pen minam thuneihna tawh ki zom ahih manin Kawl kumpi-in kitelna hong sam kik thei hi leh, Myanmar နိုင်ငံရေး pen a tuam dangin kal suan mai thei ding cih Portland Zomi khatin gen beh hi.

Khasim ZPCC/ZRAEC in Zogam sungah minam thautawi Zomi galkap te’ adingin Monthly sumkhak pen mipi panpihna mah tawh ki zom toto cih thu kiza hi. Social media tungah mipi lungsim hong khemcip thu zuau te khempeuh mipi-in um nawn kei hen, Myanmar Zomi te gamthu ZPCC/ZRAEC in theihoihna hi cih confirmed အတည်ပြုပြီး theihpihna hi, cih na muh kei leh thuman lo ahi hi, ci-in Zogam galkap mang te in gen hi. Pawi te’ din mun panin Zogam နိုင်ငံရေး pen thahat nading Myanmar Zomi te kawl lakah kibual mi tampi kisam hi. CNA in Zomi te sangin sumtha hatzaw, နိုင်ငံရေး amau ki makaihna pen na sang zaw ahih manin makai te’ sepna pen Zomi din munah ki teh theilo cih mu khia hi. Zomi te makai hoih panpih ding leh makai siam neih beh semsem ding pen lungsim kipua lo cih gen hi. CNA zong mipi ki thutuak hi peuh mah lo uh hi, ahi zongin sum leh pai na panpih uh a, na sem khempeuh leh biakna te mahmah khasim in CNA sum leh pai ah kipawl siam mahmah cih Kentucky Zomi khatin gen beh hi.

ZBCnews#Conrrespondent#ZPCC/ZRAEC#ZDF