NAKZANG KHUA, ZOGAM CNF LEH A PAWLTE IN HALTUM

Nakzang khua mite aw no thuak bangin ko Khua Pyidawtha in na thuak khin ung, ka khua uh hong ki haal tum sakzawh kum 1 cingdekta hi, kong dahpih mahmah hi.

Hun nunung hita hi, gam khat leh gam khat ki do in, zinling in, minam khat leh khat ki do ta hi. Topa Jeisu genkholhnate tang tungtung ta hi. Tu a hong piangte nidang pek pan in ih upmawh teng mah tun aki thuak toto ta ahi hi.

SAC do paulamh in thau kitawi in gal kido a, tua kawm mah in minam khat tha hat zawk nading tup leh sawm anei sim agel sim mah na omin, ko khua in ka thuak dikdek khin uhhi. Ko khua in nisim nasep sum bawl nateng akisep theihloh teh namdangte khuadangte in nasem thei veve uhhi, tua in ko khua supna lianpi hi pah hi. Khua bup in gal kitai a tuni tan ka ciah kik thei naikei uhhi.

Tua mah bangin CNF in amau kiang a SAC omna Thantlang dolo (lazo nailo) Hakha khuapi zong dolo pi in SAC do paulam in amau mun ahilo Zogam ah hong kuan in Zomi te hong do hi cih ih tel sinsen ahi hi. CNF te (gal te) ih mun ih mual ah asam zong kua mah dang hilo hihang, Zomi te hong thahlup sak mi tampi omta hi. Sial hong kaplup sak, inn khawi ganhing Ak leh vokte aki pan tampi hong suhsak uh in, Numei te hong buansak na ngawn zong tampi om khin hi. Tua dante lah ki theih mawh bawl kei ni.

SAC paulamh in Zomi galkap te hong ki do ahih lam phawk ni. Zogam hong luah theih nading in sum tampi bang ana ki dong liang uh ahi lam phawk ni. Media tawh nasem uh in zuau bekbek tawh hong bum den hong khem den ahih lam phawk phapha ni. CNF te nasap man un na khua uh ah daihna om tuanlo ding hi. Galte in nuntaak nuam in hong tungta sak tuanlo ding hi.

SAC gamtat hoihlo ih theih leh tua bang a agamta CNF te zong agamtat hoihlo lam zong ih theihsa hinapi banghang in ih gam ah omom saklai ding ih hi hiam? Amau kiangah bang hangin to va kai laizang ding ih hi hiam? CNF Zogam ah hong omlai teng Zogam nuam ngeilo ding hi cih phawk kawm tekni.

Lai gelh: Do S. Pau Superlife
https://www.facebook.com/share/p/18seYo71U2/