THEIH GIGE DING CNA PAWLTE NASEPNA INNHAL VAI TAWH KISAI

CNA leh a pawl kizopte nasep in Zomi te hong khenkham ding sanggam unau khat hong ki mudah sak ding uh a nasep uh ahi hi.

Zogam khua Nakzang, Bungmual khuahal te pen CNA pawlte nasepna mah ahi hi. Ahang in sanggam zou awsuah te tawh ki muh khelh theihtheihna dingin ZRA EC thumanlo in ngawh in lam tuamtuam tawh Zogam galkapte a kipan Zomi siatna ding muh khelhna ding nasep uh ahi cih pen i tel gige ding thupi hi. Mipi ki hai nawnlo in thu manlo pi ki theih ahih manin lungdam hang. ZPCC/ZRAEC in zong hoihtak in ahihlohna statement bawl in pilak khin uh a mipi CNA nasepna mah hi cih theih gige ding ahi hi.

A beisa in zong en to leng PIDAWTA, MAINUAI KHUA cihte Zomi te khuapi nuam tampi hong halkhitsak uh hi hih te i theih gige ding ahi hi. Zomi te lalthang sak mang ding a kikhen thang ding in hong bawl nuam uh ahih manin huh bang nhimna a nei CNA te leh a pawlte nasepna uh hi cih theih ding hi.

Zomi khempeuh kipum khat ding deih ngiatlo uh ahih manin a diakdiak in ZRA EC Zomi galkap a bei ding pen a tup leh ngim bulpi uh ahi hi. Zogam galkapte mipi muh khelhna om theihna dingin hih dan na semtoto in thu manlo pi in ngawhsiat in mawh mat in SAC tawh kipawl cih khawng leh galkapte do nuamlo cih bang engneng zuauphuahna tawh mipi tel khelh theitheih ding online tuamtuam leh mdedia tuamtuam ah zuau kithang sakin mindai sak den hi. Hih bang nasepna te pen umhetlo a Zomi khempeuh in a neu a lian in pilvang takin i tel ding thupi hi.

ZPCC/ZRAEC in Zomi tenna khuate hal peuhmah lo ding uh ahi, ahang in Zogam leh Zomi ngiat a kem dingin a kipumpiak ih galkapte uh ahi hi. Zomi a itngiat a huai ngiat deidan neilo Zogam sungah aw kaih tuamtuamte leh beh tuamtuamte Zou, Sihzang, Teizang, Khuano, Dim, Saizang etc… cih bang kipum khatna dinga i minam bup in i neihsun i minam galkapte uh ahi hi cih theiin pomon i panpih den ding thupi mahmah hi.

ZBC News Correspondent Tedim, Zogam