ZOGAM TONZANG AH VANGUKNA
—————————————————-

Tonzang pan Pa Zo Mumung galtai Nupi khat hong laikhak hi, Edit vetlo, a nuai a bang hi.

Tonzang te van a guk uh, tun amau thuak kha uh hi. Nakzang pan Tonzang nailang zong kipai lo hi,
Tonzang te galtai ciangin Nakzang zokhua, e’ aw te akhuakhua pan Tonzang te vangu dingin 125 Kenbu R tawh hong kuan uh aa, ni khat vial 10 valbang vangu vannawn in hong ki leh ziahziah uh hi.

Pawlkhat bangin Tonzang ah kholphot zizen in nihle thumbang kipawl uh in Tonzang te’vangil Pupa neihsa tangtawn a ih kep vanle nate hong laksak mang mawk uh hi. Puankhuina set taubel (Zomi ten melmuh aa ih zat vanle nate) tampi honglak sak uh hi. Puansawp na set na leng tuah uh aa pawlkhat bang mawkngah kisa lua kisa Tonzang khua sung mahmah na lengah zuak sawnlai uh hi.

Gankhawi ak khawi na leng vokno na leng hong guk sak tak uh teh na kisa lua mahmah hi. Van a guk na vuah RC sister te Puantual te na leng sit lo mawk uh aa, RC te tonu lim neu , Pasian tau aa ki koih teng LST na leng la mang mawk uh hi. Vialtampi tak van nawn in Tonzang ah nong pai uh hi. Cycle neilo te bang ki kawm ( kompak ) zizen aa van na guk uh hi-in, Van a guk na inn pawlkhat ah thau muk mah ma suan uh aa temtawi zong om uh hi.

Kipau ngam vet lo hi, tun na inn na lo uh koi lai ah om ta , Hunkhat lai aa nahtahlah/city lam ah van teng na lak uh pen tun tuan munah ki phualsak hi uh teh, tualai aa sangnau pangte vanteng zumvan teng nawnkei le uh teh tun nazat theih ding uh hi ven maw, tun bangmah zat ding om lo a hawmpi hi ta hi.

Note # hi kalai at pen minam deidan na khua leh tui te ka min daisak nop na hi lo hi. Ih vawhbang in ki at hi tel tek ni.

ZBcnews#Conrrespondent#Van gukna#Copy