ZOGAM AH MI HING SA NE CNA DEIHLO
••••••••••••••••••••••••••••••••••••••••••••••••••••••••

Zomi te sihna thahna thuak CNA hangin Zogam ah tu’ ni ciang mi hing sa nek sawm lai uh cih thu kiza hi. Zogam sungah CNA ki deih lohna hangin zokual panin Pa Zo Mung CNA thukan, Pa Puite CNA thukan, hi gel pen Zomi te’ sungah CNA adingin (thukansim) ထောက်လှမ်းရေး te hi pha diak hi. Zomi sihna lampi ah hong paipih khangno tampi bang mah theilo teng khemin CNA sawltak nasep pih dingin khem ahi hi.

Pianna Pupi Zosuan khempeuh in kimuh dahna omlo ahih manin theih masak ding kisam ci uh hi. Nakzang inn kang hangin Zo Mung leh kipawlpih te’ tungah Nakzang khua mi leh Salzang khuamite heh mahmah cih thu kiza hi. Zogam Charter hong lang pangin i gal CNA khutzatin nasem leh Zomi Movement hong lang pan te cik mahin gual zo ngeilo ding hi. Zomi Movement in hun khat ni ciangin Pasian adeihna bangin hong gual zzwhpih ding hi.

ZPCC/ZRAEC kalsuanna pen khangsawnsawn ading Zomi leh Zogam ading na kisem ahih manin tawm no sung khualna tawh Zomi Movement kipai pih hilo cih thu gen khia hi. CNA sum leh pai hauh manin nasem thei bek ahih manin sum leh pai bei leh agam ah ciah kik ding uh hi lel ci hi. Zogam khempeuh Zogam Charter bangin Zomi ten ukna thuneihna kilam ding ahih manin tu’ ni a hong lang pang te a khawl san kei leh Zomi galkap te zong a khawl ding hilo hi.

Zogam ah daihna leh nopna a om theih nading CNA in Khalkha gamah ciah ding ki deih a, Zomi CNA pangbel, te tawh kuamah kipawl lo ding cih thu kigen hi. Zomi sungah CNA apangbel nuam te in Khalkha gamah apai ding uh theihsakna zong hi, cih gen hi. Zomi hong kek Zomi leh gam sungah thuneihna hong tuh CNA bek ki do ahih manin Zomi te ading lampi buaina omlo cih thu gen hi.

Zogam Charter tawh Zomi Movement kalsuanna hong buai sak thei kampi hong khak khempeuh ZPCC/ZRAEC in lem asak bangin ki vat lel ding uh ci hi. Zogam ah kuakua thautawi leh kipawlna om zongin Zomi te gamah Zomi Movement tawh kalsuan Zogam Charter siksan ZPCC/ZRAEC in luah kip ding ahi hi. Mi dangin Zogam sungah bangzahin theneih leh gual zawhna tawh hong kuan zongin Zomi ahi leitangh ngak Zomi te mahin luah ding ahi hi. Zomi sungah kimuh khelhna hong bawl Zodo leh Zo Mung ahi zokual panin theih gige ding ci uh hi, Zogam hong kek nuam Pa Puite ahih leh hun lem ciangin Pasian dan pia taktak dinh ci hi.

Zogam Charter tawh kalsuan thu kician leh makaihna ki cian siksan in Zomi Movement kilamna lawh cing semsem ahih manin mipi-in kilawp mahmah hi. Hih lawh cinna hong buai sak nuam CNA leh Zomi sungah နွေဦးတော်လှန်ရေး paulapin nasem tuamtuam ten hong suksiat nop bangin Zogam Charter in atupna ki tung dekdek ta ci hi.

Zogam Charter kalsuanna i theih leh Zomi Movement i cih Zomi te mailam ding lungtupna pen lampi nuam mahmah ding ci hi.
Zomi Political Coordination Committee ZPCC/ZRAEC .
Zomi Revolutionary Army Eastern Command
Zomi leh Zogam ading sih dongin sisan alum laitenhi. minam makai muan huai nasem galkap ten kipiakna in Topa’n thupha pia in ompih den hi.

ZBNews#Conrrespondent#Zogam Charter ZPCC/ZRAEC.