ZOGAM KUMPI KILAM NADING
——————————————————

Zomi Charter i cih in Zomi teM adingin tu’ in bang ciang tung ta cih mipil leh minam vei te’ theih nop manmah thu ahi hi. Zogam Charter tawh Zomi Movement kalsuanna sungah Zogam Kumpi kilam nading vai te zong kipanpan cih thu kiza hi.

Zomi Political Coordination Committee ZPCC/ZRAEC kalsuanna ki-et ciangin Chin State sungah minam lian khat hihna hangin thusaupi khualna tawh Zogam kilam nading lampi kipaipai khinta ci hi. Zomi Political Coordination Committee ZPCC in hi bangin Zomi te vaiah mawh puak aneihna leh vai khempeuh ah akisam bangin thuneihna alak theih nadingin Malaysia KL khuapi-ah Zomi Khawmpi International kum2019 kumin kinei a, tua lai panin Zomi leh Zogam ading thu tampi hong piang khia hi.

Zomi Khawmpi International Kum2019 kum panin pai khawm makai Zomi Movement adin pih khempeuh thukimna bangin Zogam Charter zong kibawl khin thei ahi cih thu zong gen hi. Leitungbup Zomi Khawmpi panin Zogam Myanmar/Burma lamah minam khat hihna tawh minam galkap zong neih ding hoih kisa ahih manin Zomi Revolutionary Army Eastern Command ZRAEC hong om thei ahi hi.

Zomi Revolutionary Army Eastern Command ZRAEC hong om ciangin Myanmar SAC in ukna hong luah tawh kizom in Zomi te minam galkap kisapna leh SAC in kum2021 in ukna hong lak kik tawh ki tuak to ahi hi. SAC in ukna alak kik ma pekin Zogam Charter leh ZPCC/ZRAEC nasepna pen kipaipai khin ta cih thu mipi theih ban loh na kisemsem khinta ci hi. Zomi Political Coordination Committee ZPCC nuaiah Zomi Revolutionary Army Eastern Command in pan lakna ki paipih a, Zomi sungah SAC in ukna alak kik hun ciangin lungsim thang paihna tawh tha khat thu-in mipi lungso na hangin နွေဦးတော်လှန်ရေး hong kipan to suak hi.

Myanmar နွေဦးတော်လှန်ရေး in tawl khat sungin SAC paih khiat dingin han ciamna mipi-in hong neih ciangin thautawi mipi sung leh minam sungah lawpna hong khang to suak hi. NUG in kum lang ma-in mipi-in Democracy ngah nading SAC zunglot ding cih thu social media ah statement na leng hong hawm khia uh hi. Kum lang panin kum khat hong cin ciangin mipi thannem nading om loin minam galkap leh mipi galnap cih buaina thu hong kitel semsem hi. Mipi ading kipiakna leh minam gam deihna thuneihna ki tuhin kum khat khit ciangin Myanmar PDF leh Myanmar တိုင်းရင်းသား sungah thu hong so litlit uh hi.

Zomi sungah Zomi ten Aung San Suh Kyi ki deih mahmah in, asep laitak leh ukna hong neih ciangin Zomi tetawh nasep khoppih ciang bek ahih manin District na leng zong pia nuam lo hi. Democracy 100% bangin pom ding leh Burma gam sungah mipi deidan na om loin na sep hong kipan ding i sak leh VP dingin pawite hong seh mikmek mawk hi. Pinglong thukimna leh Democracy deihna a thuman hong paipih ding i sak leh SAC zawhsa in om kik bilbel hi.

Pinlong thukimna Federal Democracy pen a sia in hong tunpih lam ki suak ci uh hi. Pinlong thukimna Federal Democracy te na ngawn pel in a ngei mahin ngei kik lel ding uh cih pen kum70 sungah SAC nasep ki tel mahmah ci uh hi.

Zogam Charter din munin tu’ ni ciang Zomi Movement tawh kituak in nasepna pen Pasian gelna hi dingin adiak Zomi Pasian abia hihna tawh ZPCC/ZRAEC din mun kum2019 kum a Khawmpi zawhna thu te tawh etkak ciangin Pasian lampi hong khun sak khin ci uh hi. Gam thumna USA gamah kum2016 in Zomi Forum panin Zomi Movement i cih thu pen thukimna ma ahih manin ki nuam mahmah in pawi kizo thei ci hi. Zomi Movement minam vai a lawh cin theih nadingin ZIUSA vai hawmna tawh Zomi Khawmpi Leitungbup a ki neizo Kum2019 suak hi.

Zogam Charter tawh lam pai-in kal Zomi Political Coordination Committee ZPCC/ZRAEC maban Zogam Charter in Zomi Movement kalsuannabuai om lo takin kisem thei ci hi. Zomi sungah တိုင်းရင်းသား te thuneihna in နွေဦးတော်လှန်ရေး hong kheng to suak ta hi. Zomi tualsuak Thuneihna Zogam ah Ukna kilam nading atel lo ten Zogam Charter sungthu theih huai kha ding ci uh hi.

Zogam Charter
ZPCC/ZRAEC

ZBCnews#Conrrespondent#Zogam Charter#ZPCC/ZRAEC dinmun.