ZRO/ZRA PRESIDENT IN THU HILH
—————————————————-

Thu hoih tampi kizakna hanging mipi-in metna tampi theih lawh cih thu ki za hi. Zogam Charter tawh kician in kal suanna-ah ZPCC/ZRAEC vaipuak makai te’ tungah thuneihna leh thunei thei kuamah om theilo cih thu ZRO makaipi te tungpan in hilhna thu theilo te tungah kuppih cih pen man kisa mahmah hi.

Zomi Movement deihna leh Zogam kumpi ukna kilam nadingin Zomi Movement thapia te’ lakah social min zat we love te’ USA sung panin mimal thum Pa Kap Lian, Pa Sawm Lian Pa Thawng Suan hiteng Zogam India ZRO HQ lamah hong ciah cih thu makai ten gen uh hi. Hih mimal vaciah te’ thu theih nop tampi lakah ZPCC/ZRAEC vai puak dan leh hawm thawhna leh theih nop tuamtuam tampi maitang kimu in va kikum thei cih thu gen khia hi.

Minam ading makai te’ nasepna sungah we love te ciahna zong minam veina leh lung hih mawhna tuamtuam tawh Zogam ciah thei suak ahih manin amau ading thu tampi hilhna leh theihna ngah beh ding ci uh hi. Hih bangin kikupna te naili sung sawtin kipat nadingin Sia Pau Khai-in zoom panin thungetna tawh kipan in kikum nawi uh a, makai te’ genna ah amau pulak thute ngaihsut sakin amau telloh thute zong hoih takin ki hilh cian thei uh ci hi.

Zomi Movement thapia social min we love leh ZDCI i cih pen ZRO nuai ah om ahih manin a maute thunei thei ding cih bang hi lo ci uh hi. ZDCI in EC vasai gawp ding cihna om loin nungthuap panpih dingin pawlpi kiphuan pak lel ci hi. ZPCC makai CFO cih te Zogam Burma vaiah nasem dingin thukimna tawh appointment bawlin kipiakna hangin amau te tungah kuamahin thuneihna om theilo cih thu gen beh hi. ZPCC/ZRAEC makai pite tungah thuneihna om lo hi, ZDCI pen kisapna bangin a nungthuap dingin ZRO nuaiah om Tonzang gal vai-in kiphuan pak cih thu ki cian takin hilh cianna nei uh hi.

Zomi Movement sak leh khangah lawhcin nadingin kipawlna leh ki makaihna pai zia te thu hoih takin ki khungsa ahihna tawh kalsuanna a theilo te hilh cian uh hi. Zogam Charter tawh ZPCC/ZRAEC kalsuan pihna zong tu’ ciang pai dan leh makaihna policy bang mah kikhek lo cih thu gen cian hi. Zomi sungah social media tungah mipi buai sakna in ut bangbang Zomi te kipawlna a gensia leh a langpang gige te zong a mi theih nop huai mahmah ci-in vai khakna nei ci hi.

Zomi Movement thupi takin kilap sang zawh nading leh Zogam sungah Zomi te’ kipumkhatna hong khenkham thei mi khengkhat te hangin ZPCC/ZRAEC Zogam Burma lam buaina om lo ci hi. Kipawl siam in minam ading kalsuanna te ah gensiatna te bei sakin makaihna policy bangin makai te paipihna tawh Zogam Kumpi suah theih nadingin thuman ding deih huai kasa ci hi. ZDF leh social min we love te’ lung hi mawh thu tamveipi dotna om khin thu-in ZPCC/ CFO leh ZRAEC commander in chief te thu zong dotna bawl uh a, bang dotna cih gen kei mah leh, makaipi ZRO panin dawnna-ah amau te vaipuakna leh nasepna bang mah ki laih loin kip semsem ahihna hoih takin hilh cian thei ci hi.

ZPCC in Kawlgam vaiah mimal ading gamthu tawh kisai thuneihna ki-ap mah bangin kisam bangin na sem ahih manin hih nasepna thupi ngaihsut sak ding cih gen beh hi. ZPCC/ZRAEC min vai zong kam kupna om mah ta leh a om sa bangin minte zatsuak phot dingin gen pih lel hi. Zogam Charter khut letin kalsuan pih ZPCC/ZRAEC nasepna ah thapiak dingin khat leh khat mimal vai peuh in ki tangpekna i paipih het loh ding vai khak hi.

India/Burma Zomi te sungah itnna kipumkhatna thu te gen ding sangin kipawlna pawlpi khat peuh gensiat lel tawh mipi abuai sak lungsim namte ading hih thu theih beh leh Zomi Movement kipletin Zogam Charter tawh kalsuanna thupi sakna om pan ding cih gen hi. ZPCC Burma politic ah sep ding khempeuh ban takin hong sem ding uh cih gen cianna nei ci hi.

Zomi te sungah kuakua Zomi leh Zogam ading ahih nak leh lungdam takin ki sang hi. Zogam Charter tawh kalsuan Zomi Political Coordination Committee ZPCC/ZRAEC, Zomi Revolutionary Army Eastern Command nasepna leh gamvai kalsuanna kician mahmah ci-in gen hi. Policy leh makaih cih bangmah kikhekna om lo cih gen beh a, tua ciangin thuman leh thu theih cianlo ten hoih takin thu nong kan ding uh kisam ci hi. Thu sia gengen leh social media tungah ut bangin laiat te kua mi cih theih in om leh ut huai cih vai khak hi.

Zogam Charter
Zomi Political Coordination Committee.
ZPCC/ZRAEC

ZBCnews#Conrrespondent#HQ ZRO/ZRA#Thuman kihawm sawn#Share#Like#Comment