ZOMI STATE, ZOGAM ZOGAM CHARTER
————————————————————

(Tangthu khat 5/8/2025) Zomi Leader.

Zomi Political Coordination Committee ZPCC sungah committee te’ han ciamna hangin kalsim in ah Zogam Charter tawh kimakaihna leh Zomi te’ tualsuak thuneihna te hong lawh cin semsem nadingin nitak simin sum leh pai zonna Live tawh kalkhat in Nilini leh Ningani (Thursday and Friday) nei den cih kimu thei hi. Zomi te hong makaih leh minam leh gam ading kum tampi nasem makai teng zong kihel khawm ahih manin thupi takin mipi ki lungdam mahmah hi.

Zogam sungah Zomi kalsuan dan leh kimakaih dan cih thu te ZRA/ZRO President Siapau in live tungtawnin thucin leh guicing khinkhai khawm in mipi theih kim dingin gen khia hi. Kipawlna Organization tawh ki makaihna leh kalsuanna thu, Minam itna tawh sum leh pai zongin panpih te thu, Mimal lam sangin kalsuan nopna thu, Zomi hihna leh kim leh pam hong theihna ch thu te kician takin hong khia hi.

Kawlgam political ah vai sai dingin ZPCC om theihna leh hih vai teng maban a zom dingin a muan huai ZPCC/CFO GSKhup akoihna zong gen cian hi. Zomi Revolutionary Army Eastern Command ZRAEC kalsuanna leh vaipuak zia zong gen cianna nei uh hi. Galkap sungah thuneihna leh minam galkap mang ahihna Pu Min Thang leh agalkap khempeuh kalsuanna zong gen cianna nei beh hi.

Zogam adingin minam ait supporter tuamtuam te tungah lungdamna zong gen a, supporter ahihna zong adeihna te zong grn cianna nei hi. Gobble supporter, ZDF leh We Love Zomi Supporter, Woman Power supporte, Khua kipawlna supporter, Gam tuamtuam panin supporter khempeuh tungah lungdamna zong gen, kalsuan ding dam zong hilh cianna nei hi.

ZPCC fundraising committee in live tawh kalsim in Zogam ading Zomi Movement lawh nading leh Zomi te thukimna thu Zogam Charter siksanin kalsuanna ah ki tangsam dingin sum leh pai zonna zong han ciam in hih zawh semsem nading gen belin nei hi. Zomi sungah makai te thu leh galkap sungthu te atel lo om khak leh cihna tawh hilh cian a, tua banah phone sum thun cih bang a tuam takin om nawn loin a thei nuam ten dong thei ahihna grn belin nei hi. Tonzang galvai te ah kongzin panin kiho na tawh kalsuanna te hong om nawn loh nading gen cian hi, hi bangin galkap mangte thu sangin apua panin thu lengziau te leh thuneihna tuamtuam tawh naupang te tungah thupiakna anei zong om loh nading gen thuah hi.

Hun thupi leh vai thupi khatin ki ciam teh cih thu kiza hi.
ZRA/ZRO President Pu Thang Lian Pau
ZNC/ZCD President Pu Gin Kam Lian
ZPCC/CFO Pu Go Sawm Khup
ZRAEC Commander in Chief Pu Min Thang

Bang thu maban ading gelna om cih thu ki theih loh hangin hun nuam khat sungah makai pi tengin gamthu, minam thu leh abeisa leh maban ading kikum khawm diamdiam cih thu ZPCC/ZRAEC media lam makhat in gen khia hi. Hi bangin tut khopna pen manpha mahmah ahih manin kikupna sungah thusaupi leh Zomi maban Zogam ading thasan in han ciam semsem zawk nading zong gen belin nei ci hi. Organization kipawlna tawh Zomi te ki makaih thei loin in mimal tangtat pai nuam
in bangmah policy leh ngimna om cih bang sangin ngaihsut tawm tawh mimal pai nopna khat Zomi sungah mi pawl khat om cih thu gen hi.

ZBCnews#Conresspondent#Zomi makai teng#Zogam Charter#Kanlai ding.