DAHNA

Nimit: May 13, 2025

Zomi National Congress/Zomi Congress for Democracy Party policy pan hoi hetlo in, a nuntakna hu bei dong minam leh gam ading mapang ahi Pu Zam Khan Suan (Kum 77) in May 12, 2025 in TOPA kiang hong zuatsan ahih manin a nusiat sanggam ulenaute tawh kibangin Party i dah mahmah hi.

ZNC kiphuatcil pan kipan thalengal, pilna siamna, hunlenite iksit hetlo in township, state leh central committee te ah citak tak in mapang den Pu Suanno ahi hi. Aituam phattuamna ding peuhmah ngaihsun lo, minam phattuamna ding mitsuatna tawh Zomi aitang in United Nation Special Envoy on Myanmar tawh 12 vei bang kamkum khawm ngei uh hi. Gam leh minam vai ah muibuntak sepzawh nading lunggulhna in multungmi kipawlna United Nationalities Alliance kiphutkhiatna ah a kihel makai masa khat zong ahi hi. Pu Suanno bangin cihtakna leh veina kopkhawm makai khat’ hong nusiatna in ZNC/ZCD party ah behlap kik theihpak loh ding hemna ahi hi.

Zogam khuakim sik ciatciat in na vawh khaicite Zomi khangthak na tu na ta ten at pelmawh ding uh hi. Makai masa ten nong sialsak uh tuanglam dungah na khekhap uh mitsuan in lungdeih li bang cin dong maban kizom toto ding hi.

Thangvan ah dawnbang tuahkik mateng Zal Mangpha maw Pu Suanno!

Zomi Congress for Democracy
Central Executive Committee
Headquarters.

Zomi gam vai mi manpha khat kisum ahih manin a ma zalaih ding a citak amah dan khangthak Zomi tampi kisam hi. Dahpihna leh zahtakna sangpen i pia hi. Pu Suanno ZCD vice president.

ZBC News Correspondent Yangon.