ZOGAM CHARTER, ZPCC/ZRA EC
——————————————————
Galsiam galhang |ZRA – EC|

Zogam Charter sung thu khempeuh tawh Zogam kumpi ukna a ki lam zawh nadingin tu’ ni ciang ZPCC nasepna maban ah lawh cing manmah cih thu kiza hi. ZPCC/ ZRAEC kalsuanna in Zogam Charter siksan leh tupna ki cian kho tawh Zomi Movement thu siksan ki cian nei-in ki makaihna hangin Chin State (ချင်းပြည်နယ်) sungah Zogam thu kim leh pam nam dang ten hong lunglut mahmah uh ahi Zogam Charter vai kipuakna leh Zog ading politic(နိုင်ငံရေး) ah makai pi CFO kal suan pihna thu hong kan sim cih thu kiza hi.

Zomi Khawmpi International a ki neih khit zawh khawmpi paikhawm makai khempeuh thukimna te bulphuh leh siksan in Zomi Political Coordination Committee(ZPCC) in tu laitak in Zogam Charter siksan leh sungah ki khung maban khempeuh setup hun laitak ahih manin ki zo siang leh Zomi khempeuh muh theih dingin ki koih thei ta ding ci uh hi. Zomi Political Coordination Committee(ZPCC) in tu’ laitak din munah Zogam Charter sungah thu te maban ki paipih ahih mah in bangin Biakna sia makai te, a gam zui-in kipawlna, Khua leh tui kipawlna department tuamtuam teng kibeh lap zihziah laitak ahih manin a kihel nailo mimal leh kipawlna te zong kizopna ki bawl san laitak cih thu kiza hi.

Zogam leh Zomi ading a mun tuamtuam panin pan lakna fundraising tuamtuam nasepna neihsa tawh Zomi Movement Zogam Charter lawh cing nadingin ma pang khempeuh in ZPCC kalsuanna tampi lawh cing sak mahmah cih thu kiza hi. Zogam Charter thu a tel lo mi pawl khatin ZPCC thu kalsuanna thei cian lo uh hi, ZPCC kalsuanna Zogam (Burma) Myanmar ading politic(နိုင်ငံရေး) ah makai pi ma dawk ZPCC(CFO) pan lakna leh vai khempeuh mawhpuak lak theih nadingin ZRA/ZRO President Pu TL Pau-in ki cian takin appointments pia-in letmat thuhna tawh kipsak in Zomi Political Coordination Committee(ZPCC) in Zogam ading vai khempeuh mawh puak anei suak hi.

Zomi leh Zogam ading mipi khempeuh nam tuamtuam tawh pan khopna a sum leh a pai tawh ahi zongin minam thu ah thutawh hong makaih taktak pen Zomi Political Coordination Committee (ZPCC) ahihna thei cian dingin ki-um , a thei kha lo ten zong thei ta ding ci uh hi. Zomi lungtup Zomi te thuneihna Federal Democracy(ဖက်ဒရယ်ဒီမိုကရေစီ) taktak i ngah zawh nadingin hun sawtpi zong la thei, hun tom no zong hi thei ding hi. Ahi zongin Federal Democracy(ဖက်ဒရယ်ဒီမိုကရေစီ) in minam tuamtuam gam sung mi State sungaj teng khempeuh gambup thukim na panin hong piang thei ding (ဖက်ဒရယ်ဒီမိုကရေစီ) ahi hi.

Burma(Myanmar) in suahtakna man taktak ngah zawh nadingin Mualtung mi te kipawlna PRCF ahi zongin minam tualsuak thuneihna cih te apian theih nading lampi ki han ciam mahmah cih thu hi. Hi bangin Zomi Movement kalsuanna Zomi khempeuh thukimna policy Zogam Charter tawh kalsuanna-ah a diakin CNA in Zogam sungah buaina leh ZPCC/ZRA EC maban hong nawng kai sak theih tawpin han ciam thu khat ahi hi. SAC kumpi tawh kilemna a bawl uh palsat nai lo uh hi, tua bangin kilemna siksan in CNA kalsuan uh a, mipi muhna-ah SAC ka do uh cih lah theih nadingin Zomi Revolutionary Army Eastern Command(ZRAEC) hong do uh ahi hi.

Zomi Revolutionary Army Eastern Command(ZRAEC) te CNA in kum2021 akipan hong kap uh mipi leh NUG tungah agen uh ciangin SAC ka do uh ciangin amau kapai nading mun teng uh ah, na om ahih manin kikap tuahna piang hi cih tawh Zomi te khemin NUG tungah paulap in nei uh hi. SAC tungah kikap nading thu neilo uh a, kilemna a bawl khitsa thute hang mahin Federal Democracy(ဖက်ဒရယ်ဒီမိုကရေစီ) zong a deih taktak uh hi masa lo uh hi. Chin State(ချင်းပြည်နယ်) sungah thuneihna leh minam sungah ukna aana-a deih manin PDF paulapin akim apam teng tawh kikap tuahna bawl uh ahi hi. Burma(Myanmar) in Democracy taktak a ngah nadingin kalsuan uh hi leh Chin State(ချင်းပြည်နယ်) sungah khuapi Khalkha kumpi leh galkap SAC zum teng do masa ding uh ahi hi.

Khalkha khuapi sungah SAC ရုံး teng a sim masak ding ahih manin tua khempeuh bang mah koih loin mipi muhna SAC do bangin paulapin Zogam leh min dang tengah buaina bawl uh ahih lam thu theih huai mahmah ci hi. SAC tawh kikapna tu’ ni ciang bang mah nei lo uh hi, SAC tawh kizopna CNA in lemsa lel uh a, CNA in adeih ahih leh amau thuneihna Chin State(ချင်းပြည်နယ်) sungah om theih nading bek hanciam in SAC tawh ki gulluk ahi uh hi. Zomi te leh nam dang Mizo leh a tuamtuam te theih nadingin zuau thu tawh media leh a tuamtuam Zomi Revolutionary Army Eastern Command(ZRAEC) te pen SAC tawh kipawl uh a, Zomi Political Coordination Committee(ZPCC) in thauvui keh van a ngah theih nading politic(နိုင်ငံရေး) ah makai pite kalsuan cih bangin sumpia in suak zuauthu suak sak, zuau thu gen ding sum tawh mi cial, Zomi sungah sum tawh pawl khat khem in cial uh ahi hi. CNA in bang hangin hi zahin sum zek uh hiam cih leh USA gam sungah biakna kipawlna Tuiphum pawlpi mi khempeuh (Sawm ah Khat) leh mimal innkuan tungah a sum don tenguh zek uh a, ZPCC/ZRAEC hong puk sak zawh nading siatna ngongtat nasep han ciam na in a sum uh Zogam sungah zek ziahziah uh hi.

Zogam Charter bang mah cih zolo ahih manin Zomi te kalsuanna-ah Zomi maban lawp huai mahmah hi. Zogam sungah CNA galkap luang tampi hong sihna ahih manin Zomi galkap Zomi Revolutionary Army Eastern Command(ZRAEC) in tu ni ciang Pasian ompih na tawh gal lelin ki om peuh mah lo cih makaipi ten gen khia uh hi. CNA in Sihna leh supna sum tampi azatna a zekna Zogam pen thangpaihna tawh hong luh kik den uh ahih manin ZRAEC pen nungkik loin han ciam zaw hi hang cih gen beh hi.

Zomi Political Coordination Committee, ZPCC/ZRAEC kal suanpih Zogam Charter tawh Zomi te hong makaih na CNA in lampi dang tawh a zawh theih nading Mizoram te thuzawhna han ciam zel uh hi. Pasian nam dang ten lam tuamtuam tawh hong do hangin Zogam Ukna Zogam Kumpi ki lam nading lampi pen Pasian hong lawh sam sak lo ahihna ki mu semsem ci hi. Zomi te pan khopna mipi ten politic( နိုင်ငံရေး ) hong makaih

Zomi Political Coordination Committee ZPCC tungah kinga-in Zomi khempeuh han ciam in kalsuan ding gel belin nei uh hi. Zomi Nam ading hong makai Pu TLP, Pu GKL, Pu GSK, Pu KMT cih te abeisa in ZPCC Fundraising committee sungah hun nuam tak ngahin kiho khawm in nuam sa mahmah uh ci hi. Zomi sungah organization tawh kimakaih a zuih siam lohna te leh makai te in bang mah policy dang nei loin Zogam Charter lawh cin nading leh ZPCC/ZRAEC makaihna thute ah bang mah buai na om loin kalsuan toto ahihna kikum in general khia zel uh ci hi.

• ZOGAM CHARTER
• Zomi Political Coordination Committee ZPCC.
• Zomi Revolutionary Army Eastern Command ZRAEC.

Burma(Myanmar) gam sungah thautawi kipawlna a theilo om lo uh a, CNA in hih kipawlna te tungah kipawl khak ding dah mahmah na tawh ZPCC/ZRAEC pen lang gen mahmah uh hi. Kipawlna a lut theih loh nadingin lam tuamtuam tawh han ciam mahmah ta leh Burma gam sungah Zomi te ချင်းပြည်နယ် politic ah နိုင်ငံရေးနှင့် level sang mahmah hihna tawh mi dang te in hong zah tak mahmah veve uh ci hi. Zomi sungah နိုင်ငံရေးနှင့် tawh kalsuanna ZPCC maban ah CNA leh pawl khat ki tul mawh thei ahih manin tu’ ni ciang buaina om loin Zomi Tualsuan Thuneihna Zomgam Kumpi kilam nading leh gual zawhna zingni hong suak baih nading Zomi khempeuh thungetna minam leh gam ading han ciam ni cih gen beh uh hi.

ZBCnews#Conrrespondent# ZPCC/ZRAEC thu kancianna#Zomi State.