LAI SIANGTHO LEH THAUTANG KICIAM
————————————————————
Zomi Galkap kician mahmah khat suah theihna;

Zomi Revolutionary Army Eastern Command ZRAEC minam galkap peuh nam dang galkap tawh ki bang ngiat lo uh hi. SAC langdo dingin thautawi PDF minpua nam tuamtuam te zong tawh ki bang thei peuh mah lo uh hi. Zomi galkap khatin a kiciamna thupi takin a pom uh ciangin Zomi State ဇိုမီး ပြည်နယ် khat ki lam theih nadingin Zogam Charter thu siksan in ZPCC/ZRAEC kalsuanna hong ma zaang semsem uh hi.

Zomi galkap khatin thugenna thupi mahmah ahih manin mi mawkmawk tawh galkap tawh teh theih ding om lo hi. ZRAEC sungah galkap sem kim lai active peuh mah khamtheih leh zuu dawn mi peuh mah taikhia cih bang omlo uh hi. Zomi galkap khatin galkap ki-ukna thu tawh hoih takin kalsuan mi khatin Zogam sungah mawk gamtat theih mawkmawk om lo ding hi. Zomi Revolutionary Army Eastern Command ZRAEC galkap khatin thuman thutak lenin Zomi khua tuamtuam ah mipih te haksatna te ahuh apan pih ding etteh tak galkap ahih theih nading Commander and chief nuaiah ki makaihna tawh na sem mi khat kician ahih kul hi.

Zomi Revolutionary Army Eastern Command ZRAEC ni suahna lam Zomi galkap sungah Pasian thu tawh kikal suanin Zomi Movement gam ading gam tuamtuam leh khua tuamtuam panin nasep panlakna kipan cih thu gen hi.

CNA i cih Khalkha thautawi minam te Chin State sungah abeisa hun sungin SAC lang pang dingin ki pawlpi kiphuan uh ahihna mipi-in ki theih huai thu hi. Chin State sungah Christian kicihna sungah Pasian upna sangin minam sungah thuneih nopna hangin gamtatna mul kim huai mahmah tampi Zomi sungah tam veipi hong sem uh hi. Zomi Revolutionary Army Eastern Command ZRAEC mi khat hong mat cip sakin annek na ngawn nah tangh luang hong piak sak minam te uh ahih manin hong sepsa te hangin pilvang huai thu tampi hong musak uh hi.

Mai lamah hong sep sawm lai uh Zogam sungah CNA kalsuanna te Zomi khempeuh amau lungtang puakzia Zomi sungah ki deih nawnlo uh ahih manin ZPCC/ZRAEC gamvai madawk makai te nungah mipi te nungzuih ding ki thei sak hi. CNA in hi bangin minam galkap khat hong matsak in mipi theih dingin amau ki makaihna li zah tak siam uh a, thusim information peuh mah apua lamah pai sak peuh mah lo uh hi.

Zomi Revolutionary Army Eastern Command ZRAEC sungah galkap te theih dingin galkap phual a munte manzaih video la in social media peuh khah khiat kidop huai mahmah cih thu makai te in gen uh hi. CNA hi bangin amau sungah gal thusim teng im zo mahmah ahih leh Zomi Eastern Command ZRAEC zong nam dang te gamtat luhek zia en in hong siam mahmah ding kisam uh hi cih gen hi. Zomi Revolutionary Army Eastern Command ZRAEC sung panin thu gen khuan leh media kamah khah khuan a nei lo mi khat peuh in hong phalna om loin hong khah kik a om leh a thu nung ki zui thei ding makai khatin gen beh hi.

Zomi lamet leh muan leh suan makai Zogam Charter tawh hong tonpih Zomi Political Coordination Council leh Zomi Revolutionary Army Eastern Command ZPCC/ZRAEC makai keh nasem galkap khempeuh in mipi muanna bangin ci takin nasep hong han ciam ding uh mipi-in muan na note tungah nei uh hi. Chin State (ဇိုမီး ပြည်နယ်) sungah thautawi kipawlna tengin Zomi galkap bek a puk ding han ciam uh hi. SAC a nungah pua uh a, amai ah Zogam Charter ZPCC/ZRAEC kap uh ahih manin Zomi te thuakna ki lemna hong suak ding a, sawt loin makai leh mipi galkap te Zogam sungah nam dangte phak zawh loh minam hong suak ding hi.

ZPCC/ZRAEC sungah thusim leh galkap phual te apua lamah phalna om loin akhak om nawn loh ding ki lam ta hi. ZPCC in Zogam vai maban na lianpi abanban in gel khin a, Pasian thukim pihna ciangciang ah minam kalsuan na ki lawh cing mahmah cih thu kiza hi. Pasian in minam galkap dingin hong telna neu ngaihsut loin “ Na kam kiciamna bangun asem zo dingin” Zomi bup thungetna hi den ta hen!, Salpha galkap Khalid pen CNA khut sung panin a suah takna ki lungdam mahmah hi, amau sangin galvai ah ki thutuahna leh gamvai madawk te makaihna sungah ki thutuak in tangtat nopna panin kipawlin ZPCC pawlpi tawh kalsuan siam ciat ding makai ten lim gen ta cih thu kiza hi.

Nam dang thautawi tetawh ki bang thei peuh mah lo gal tampi-in hong sim ta leh tu’ ni ciang gal hangin kiciam teh minam galkap Zomi Revolutionary Army Eastern Command ZRAEC bek om ahi hi. Tua hang mahin CNA inSomi te mai lam ding amuh kholhna hangin target in hong neih manin amau zong misi luang300 val Zogam ah bei lawh khin ta hi.

• Zogam Charter(ZPCC/ZRAEC)

ZBCnews#Conrrespondent#CNA#ZPCC/ZRAEC