A Lamdang, Chin Gamsung Galvai

Zogam – May 25, 2025

Chin sung ah thau-tawi pawl lian nih om in, tua nih te in CB & CC ahi hi. Tua pawl nih CC & CB te-in, Chin Gamsung ah kumpi asem nuam tuak uh hi aa, ui & kel abat laitak uh zong ahi hi.

CC sung ah Thau-tawi te sung pan CDF-Hualngoram & CDF-CDM Siyin, hih pawl nih te zong ki hel uh hi.
CB sung pan thau-tawi te sung ah CNDF & PDF-Zoland, hih pawl nih te zong aki hel uh ahi hi.

Tu lai Chin gamsung thupiang te’ ih et tak teh, CDF-Hualngoram (CC) ten Gal huh ding in, kuan uh aa, ahi zong in CNDF (CB) ten, lampi khaktan in, paisak lo uh hi, tua ahih man tulai tak in, Lang nih buaina nasia mahmah hi aa, ki kap tuahna nasia tak piang thei ding din mun uh ahi uh hi.

A hi zongin, thu khat ah alam dang pen in, CDF-CDM Siyin (CC) & PDF-Zoland (CB) te in, ki pawl un Gal ado khop lai tak uh ahi hi. Gal huh ding CDF-Hualngoram (CC) te CB (CNDF) in khaktan hi mah tase leh CB (Zoland) ten, CC te tawh galdo khawm lel veve uh hi. Ngaihsut huai thu tampi om kha ngel ding ahi hi.

Note: PDF-Zoland pan Galkap khat in bel, a genna khat ah, ko PDF-Zoland te’ pen, kuakua in CNA (CC) te do/kap tase le uh, ko Zoland te pen ka hih uh leh, CNA (CC) te kap/do ding in aki phuan ka hi kei uh hi, cih… genkhia ngei mawk hi. Tua ahih leh CNA(CC) leh CNDF(CB) ki kap taktak leh Zoland in, CNDF(CB) hong huh uh tam, ai kei leh amau policy dan in CNA(CC) te tawh ki kap ahih teh ci in, CNDF(CB) te’ huhlo in aom uh tam, cih te thu tampi hong pai toto lai ve maw.

Photo: Facebook

ZBC NEWS CORRESPONDENT