ZOMI REVOLUTIONARY ARMY EASTERN COMMAND

 KICIAMNA IN GUAL ZAWHNA HONG TUN DING

ZOMI galkap thupi tak suah theihna pen salpha SLK kam gen khiatna panin active galkap ZRAEC peuh mah theih ding uh a, tua banah hih galkap galhang te kiciamna leh nasep dan mipi-in in neu ngaihsut lo ding thupi mahmah uh hi. Zogam khua tuamtuam ah ZRAEC galkap te hong lut leh hoih takin hopih in gilkial a om leh minam galkap ahih manin Zomi ten neih bangbang tawh nek ding an leh tui guan ding hoih mahmah hi.

 

Nam dang tapong damiah CNA te ciangin kih takna leh launa tawh minam ading na sem ngam loin om kha peuh mah kei ni’ Zogam hong bit nading Zomi Revolutionary Army Eastern Command ZRAEC bek mah tawh minam galkap kipai suak uh ahi hi. Salpha SLK thugen na sungah thupih mahmah thu khatin bang ahi hiam,cih leh galte bawl siatna leh sim mawhna tampi hong thuak in sii nuam phial zah dongin CNA te khut sungah hun khat sung bawl siatna leh sim mawhna lianpi hong thuak khit ciangin sanggam Thadou te’ hangin lampi tuam tawh pai khiat theihna hong ngah thei ahi hi.

 

(ZOMI REVOLUTIONARY ARMY EASTERN COMMAND)ZPCC/ZRAEC.

Hih bangin gal hangsan leh kiciam thupi tak tawh gam leh minam ading lungtang khauh Salpha SLK zahtakna piak kawmin hih bangin mi kician dingin Zomi te Topa’n hong siam lai ta hen! SLK kammal:

• KAGAM KALEI TUNGTA KA HIH TAK THE,

• ZOGAM ZOMI KA HIHNA PEN,

• KA SISAN ZOGAM ZOMI KA HIHNA,

• KA KICIAMNA “THAUTANG LEH LAI SIANGTHO

• A HIHNA MANG NGILH NGEI LOIN

• TAI SAN NGEILO DING HING!

(KA LUNGDAM )

 

Zomi Revolutionary Army Eastern Command sungah galkap mi khatin hih salpha lungtang khauhna leh cih takna ziate tawh mipi leh gam nong huai semsem ding uh mipi lametna leh muanna kip tak ahi hi. Zomi khempeuh zong hih thu asim athei khempeuh in Zogam ading sum keh pai tawh pang khawm in ZOGAM CHARTER TAWH kimakaihna thu gammi te thuneihna Zogam ah kilam zawh nadingin hong makaih te thahat nading Supporter leh Fundraising tuamtuam ten ah mimal thutawh Zomi Movement pai loin Zogam Charter siksan thutawh gam ading pang khawm ding cih thu ki thei sak hi.

 

Zomi te’ galkap te Chin State sungah thautawh khempeuh in hong lau penpen uh ahih manin thungetna tawh Zomi ten ma ki pang den hi. Galkap sep manin thautawi manin mipi tungah ngongtatna leh ut bangin gamtatna peuh mah galkap active mi peuh mah nong zat loh ding uh pen mipi deihna zong hi. CNA te gamtatna mipi ten a deih vet loh mah bangin Zomi bek ahilo naam dangte zah tak ciang dingin Zomi galkap peuh mah tha kong pia uh cih Dr. khat gen khia hi.

 

Nang bek hilo, Ko kia hilo, Zomi ki cihna sungah ZOMI STATE ဇိုမီး   ပြည်နယ် a suah theih nading leh Zomi te khuapi neihsa te vut leh vai a suah loh nadingin SAC leh ZPCC/ZRAEC ki kalah Zogam Charter Policy om mah bangin na kisem in kkal suan uh ahi hi, Zogam Charter sungah letmat thuh khempeuh gen khia ta uh hi. Zomi te mimal vai, biakna vai, khua vai leh beh vai tawh Zogam Charter in na sem lo ahih manin Zogam Thu Tangko sungah thu te khempeuh a ki cing sak semsem in Zogam kumpi kilam nading lungtang te gawm khawmin kiso suah mahmah ta cih thu tu’ lian in Dr, mi muan huai khat ahi India ah zum nasem khatin gen khia beh hi.

 

Muh kholhna leh ki makaihna siksan nei loin Zomi te kikal suan hi lo ahih manin Zomi te tupna leh ngimna in Zomi khang sawnsawn ah Zogam kipna nadingin thu khempeuh kiphuah pha in ki khin khai kawm in Zomi gamvai leh kalsuan na ma ban ki zom den uh ci hi. Malaysia Zomi Khawmpi pansan in kum2019 thukimna dungzui-in Zomi Political Coordination Committee ZPCC in minam leh gamvai ah THUနိုင်ငံရေး hong makaih mah bangin tu’ ni ciang na lianpi ki semsem ta cih thukiza hi. Mit a muh theih zuahzuah ding om pah loh hangin tu lai tak   Zomi te politic နိုင်ငံရေး kalsuanna pen gin ngaih mahmah din mun tung ta hi.

 

SAC tawh kital sikin kikap peuh ki thupi sak uh a, SAC hong kap tamgin ZRAEC hong kap CNA te nasep mul kim huai asalo minam vei, minam ciang ahilo gambup a ci demdam te in SAC do dingin Zomi PDF kicii te din mun zong ngaihsut huai tampi om ta ci hi. Zomi PDF in SAC cih bulphuh luatna hangin CNA pen Zogam ah honglut uh pha mawh sa lo uh ahih manin bangcih in SAC do kici thei ding uh hiam,? Cih muhna Zomi PDF khawl khin khatin gen khia hi.

 

Zomi Revolutionary Army Eastern Command ZPCC/ZRAEC minam Galkap sungah no’ Zomi PDF kicii SAC bulphuh Min Aung Hliang cih tawh kal suan te nong kut kim baih nading uh pen kikam en mahmah hi. SAC zong eite mah bangin ngimna lianpi a nei te uh ahih manin I deihna ki thei a, ei lam leh galte lam din mun tawh etkak in kalsuan kei leh sihna longal om lo hi. Minam ading sihna sangin bulphuh zawk gam Democracy suah tak nading ahih leh cih tawh kikhemna sungah I awk cip khak loh ding thupi mahmah hi.

 

Zogam Charter pom kim ciat in ZPCC/ZRAEC sungaj thahat mahmah hun ciangin Zomi State lametna hong nai mahmah ta ding uh hi. Zomi PDF kicii tengin minam galkap ah hong pom ciangin Chin State sungah Federal Democracy in hong neh mahmah ding uh hi.

 

Zomi State ဇိုမီး  ပြည်နယ်.

Zogam Charter

Zomi Political Coordination Committee

Zomi Revolutionary Army Eastern Command

 

 

Zomite tui bang kigawmna kalsuanna thute hin ngaih semsem ta cih ZBCnews conrrespondent in thukan khiatna panin mu ta hi. Zomi sungah makai gensia langpang cih mimal kawk dingin tam lo mi kipil sak kheng khat om tei hangin thulak loh ding mi vive ahihna thukan khiatna pan ki tel khia ci uh hi.

 

 

www.zbc.news

#ZBCnews#Conrrespondent#Salpha thupi tak hihna#ZPCC/ZRAEC.