ZOMI STATE (ဇိုမီး  ပြည်နယ်) ZPCC/ZRAEC

ZOGAM sungah SAC sangin Zomi te’ ading sihna haksatna dongtuahna lianpi hong bawlsia CNA in tu’ ni ciang Zomi te hihna minam min leh Zomi te kipumkhatna leh thahatna te a khenkhap theih nading kum20 val sungah, sum tampi bei-in Zomi te hong nuai siah nuam uh ahi hi. Chin State khuapi Khalkha panin Zomi teM ading sum kizek ding khempeuh a khaktan leh hong pia nuamlo zim nasem Laimi te in hong khak tam sak in amau gam sungah zek uh hi.

 

Biakna panin lau het lo takin ZBC pawlpi tuiphum kipawlna panin hun paisa sungah Zomi biakna siapi makai teng nawl khin uh a, a sep ding uh lai het loin asem giapgiap ngam te ahi hi. Zomi sungah Pasian nasem tua hun a biakna Sia makai teng lah ki thu-um sakin bang mah na cih het lo mawk hi. Tua hun a makai teng mahin CNA kalsuan zia ding aphual panin a makaih leh, a gal panin a sai zong tua hun a ZBC a khen kham teng mah ahi hi. Tu’ in Zogam sungah Zomi te hong thatsak uh, inn hal sak, Zomi te neihsa deih bangin zek, khua kim ah sum leh pai dongin Zomi kham tungah khua tampi-in ki thuak lawh mahmah uh hi.

 

Hih biakna sia tengin a mite thuakna bangcih bangin panlak ding action koi cih lk ding cih kam kek ngam lo, ka mite haksatna leh gentheih thuakna kei ma thuakna hi, a cin gam lo Dr. leh Pasian na sem kisa mahmah honpi khat Zomi sungah ki tam mahmah ta hi. Zogam Charter tawh kalsuanna hong kipat ding ciangin Moses Kim Tuang suam lup sak, gamvai ah cikze het lo, Pasian lamah zong a deih bangin Zomi sungah a lut zawh nading han ciam CNA pen ZPCC/ZRAEC hong kipat ciangin dam takin Zogam sungah gal tuamtuam te kisam bangin not khia uh ahi hi.

 

Zomi sungah Myanmar politic ah Zomi te ZCD pen minam min tawh innpi ah thu ki gen ziahziah hi lel uh hi. Zomi State ဇိုမီး   ပြည်နယ် kingah pah loh zenzen hangin ID ah Zomi cih theih pah a om loh hangin minam min Zomi ဇိုမီး tawh Myanmar inn pi Lotdaw ah Zomi te bek ki om hi. CNA in tu’ ni ciangin SAC in ukna hong lak kik ciangin lampi hoih tawh Zogam sungah mun lak ding han ciam mahmah hi. USA gam sungah biakna sum teng leh  biakna sia makai tenngin CNA panpih in buai mahmah uh hi. Zomi te sia neih teng khasum deih, khasum ngah loh ding lau in minam sangin sum tel zaw uh ahih manin kuamah kam pau ngamlo uh, Moses in asi zongin  Egypt kumpi keh gamhauhna te taisan in amite makaih ngam ahihna thu mang ngilh uh hi.

 

Pasian in asem ding leh minam a van ding makai hong koih zel ahih manin Zomi te’ mailam kalsuan zia ding Zomi Khawmpi Malaysia kum2019 kum panin thukimna kalsuan nading Zogam Thu Tangko hong hawm khia uh hi. Myanmar gamvai politic ah madawk dingin CFO zong she pahin tu’ in Zomi Political Coordination Committee ZPCC in Zomi Movement madawk in department tuamtuam tawh kilam nading kalsuan ahihna gen khia ta hi. Mun tuamtuam leh gam tuamtuam Zogam Charter lawh cin nading ZPCC/ZRAEC maa zangin Zogam kumpi kilam nadingin Fundraising tuamtuam om uh hi.

 

Zogam Charter supporter fund zong tuamtuam te in Zomi Movement ading ahih manin tha kingah manmah hi. Hih Fund zong tuamtuam te gamvai madawk politic thu leh vaihawm te hi loin supporter uh ahi hi. Zogam kilam nading supporter khempeuh in Zogam Charter apom pah kei zongin Zomi Movement lawh cin nading sum dong khawm te uh ahi hi. Zogam sungah hih kalsuanna hong nawngkai sak penpen in CNA ahih manin tu’ ni ciang lau mahmah uh hi. SAC kap ung acih pen Zomi Revolutionary Army Eastern Command ZRAEC ahi hi.

CNA in Zogam ah minam nuai siahna  ethnic cleaning agen pah lian loh hangin amau policy sungah minam nuai siahin Laimi te thuneihna om ding cih pen han ciam in aneih uh hi. Pau lap tuamtuam tawh Zogam Salpha SLK tungah gamtatna leh thudotna hangin Chin na kicih keh Laimi cihna sungah policy in hong ngak cip ahih manin CNA bel pawl mi peuh mah Zomi sungah khawl san hun ta hi. Zomi Revolutionary Army Eastern Command ZRAEC in mi amat ciangin itna tawh gal sungah ahih hangin kikam in ci dam takin ki ciah kik sak hi. CNA in a zuu kham ciangin vuak thuak sak, An zong natangluang peuh pia, Christian kici lakah dawi lungtang neite gamtat ahihna Zomi ten phawk gige hunta hi.

 

 

#ZBCnews#Conrrespondent#Ngongtat CNA