ZOMI GAMVAI POLITICAL (နိုင်ငံရေး)

Zomi State (ဇိုမီး ပြည်နယ်)
••••••••••••••••••••••••••••••••••

ZOMI sungah Zogam Charter simsan leh kalsuan pih taktak a tel lo mi pawl khatin Zomi te gamvai maban lung hi mawh pen in nei cih thu pen mipi lakah nautang te theih nop mahmah thukhat hi. Zomi Political Coordination Committee ZPCC kalsuan dan ahih leh gal thu bek tawh tu’ laitak minam vaiah nasem hi loin kisapna nam tampi leh vai tampi sungah ton khawm in Zomi ading minam vaiah nasem ki sem zaw cih kiza hi.

Zomi sungah galkap ding bek tawh thu gengen zong omin , Zogam sungah pawite leh thautawi neuneu peuh thugen in a nei zong ki om hi. Pasian lam lahna leh kalsuan pihna tawh ZPCC in minam vaiah nasem thei tampi om phial zongin thautawi namdang tawh kizopna Alliance ( မဟာမိတ် ) zong ahun zui-in vai tampi ki sepna thugen cih kiza hi. Tu laitak minam vei pawl khat SAC in thuneihna aletkik ciangin minam vaiah lung hi mawh deuh mi nautang te ngaihsutna in thakhat in Myanmar SAC lumlet ziau ding cih emotional (စိတ်ခံစားမှု ) ngaihsutna tawh gam sung mipi galkap bangin kingaihsun PDF leh Zomi Movement thapia lakah hi bangmi pawl khat in ngaihsut in nei den uh hi.

Burma gam State Administration Council SAC (ပြည်နယ်အုပ်ချုပ်ရေးကောင်စီ) kalsuan zia m-in amau din mun zong thuneihna khah tuak baih lo cih thu kigen hi. Gamvai ah ngaihsutna muh dan agen ten SAC galkap in zong ukna alak kik pen NLD thuneihna panin hi mah leh, NLD in thuneihna taktak anei hi tuan pah lo ci uh hi. Kitelna hong sam kik ding lam en uh a, tua zomah SAC hong sia zaw ding maw, minam kim sam khawmin kalsuan ding cih pen gamvai lamah nasem te theih nop thu khat hi.

Zomi te ading tu ni ciang ZCD in PRCF tawh thukimna bangin kum2008 thukhun te puah pha in penling thukimna bangin Burma gam suahtakna taktak Federal Democracy takpi i ngau nading mah bulphuh uh hi. Minam kim leh State kimah thukimna minam neute zong thupi simna gam asuah taktak nading bek mah lungtup in ki nei uh ci hi. Zomi te kalsuan dan lam tampi leh nam tampi tawh Zomi leh Zogam ading na kisem den uh hi, minam vaiah khanglo na kisem sak mi pawlkhatin ZCD pen RIP peuh cih sak mawkmawk uh hi. Hi bangin minam makai leh nasem khinsa akum tampi paisa te sepna tungah thu kanin minamvai na sem kal suan zawk ding pen thupi mahmah cih gen uh uh hi.

Kum 2019 kum Zomi Khawmpi sungah Zomi leh Zogam ading thukimna te ahun lapin Zomi te in minam khawmpi kinei thei a, hih minam khawmpi SAC ukna luahkik ma ahih manin Zomi makai ten a theih kholhna bangin ki nei tawh ki bang hi. Pasian in Zomi te ading zekai loin hunlap minam leh gam ading hong kalsuan pih zel ahihna thu ki mu hi. Zomi Political Coordination Committee ZPCC/ Zomi Revolutionary Army Eastern Command ZRAEC in Zogam Charter te tungah kilam bangin kisapna leh gelna te puah toto in sep ding te kalsuanna Pasian phalna ciangciang kisem khin ta cih thu galkap khatin gen khia hi.

Zogam Charter kilam zia Malaysia Zomi Khawmpi kum2019 panin thu tampi hong suah khia uh makai te gelna bangin kikal suan ci hi. ZPCC/ZRAEC din munah zekai asa om ding, bang sem hiam a ci zong om ding uh hi. Sep ding leh bang sem uh hiam cih pen a theih nuam te ading Zogam Charter sungah thukhemoeuh kigelhna bangin amau sepna dungzui in panmun kila in kisemsem uh ahihna Zogam Charter in hong lak thei ding uh hi.

ZOGAM CHARTER
ZPP/ZRAEC

http://www.zbc.news

ZBCnews#Conrrspondent#SAC#Federaldemocracy.