ZOGAM THU (CDF-CNA)

Zomi State(Zogam Charter) 6/13/2025

 

Zogam sungah CNA belpawl CDF te in minam galkap mun galphual hong sim uh ahih manin CNA muanna tawh Zogam sungah thawutawi CDF Tonzang in hong nawkkikna thu ZRA EC makai khatin ki cian takin gen khia hi. Hun khat lai-in CNA leh Zouland PDF kicii tengin Mualkawi hong sim khawm uh a, SAC ka do uh hi,’ cih tawh paulap dang nei loin tawl khat hong kipawl uh hi. CNA tawh kipawlin CDF makai Zo Mumung in CNA khutnuai panin Zomi khuapi Tonzang ah thuneihna khawng a neih khak leh cihna tawh CNA cih bangbangin Zogam sungah na sem in Zomi te thusim leh Zogam mun khempeuh ah lam hilhin Zomi te neihaa teng anek tumpih khuami te hawl khia itna khualna anei lo zahin gamtatna pai pih khin hi.

 

Zomi Khuapi Tonzang gamah CNA a beisa hunin zong Zomi Revolutionary Army Eastern Command ZRA-EC hong kap uh a, theih tangpi mahin SAC ka do uh hi, ZRA EC tawh kikapna om loin ka lampi totna uh ah na om ahih manin kikapna piang cih thu mah paulap in nei uh hi. Zogam Sungah SAC omna mun adiak in Tedim, Khalkha leh mun dang khuapi pawl khat ah om cih loh buang Zogam Tonzang kuam lamah kuamah om peuh mah lo ahih manin CNA in CDF Zo Mumung kiangah SAC do ung ci-in gen khia sak zel hi. CNA leh Zoland PDF zong hi bangin hun khat lai-in paulap tawh Tungzang leh Tuithang ah kipawlin hong kap ngei khin uh a, tu’ in CB tawh han ciam zaw uh ci hi.

CDF ahi Zo Mumung leh CNA kipawlna tu ni ciang ZRA EC adingin phamawh kisa tuan nailo uh hi. Zo I aw, peuh mahin Zoland ahih kei leh CNA pangbel CDF Zo Mumung kici tengin SAC do dingin kiphuaih ahih manin SAC kapna sangun minam galkap ZRA EC hong kapna tamvei phakhin zaw uh hi. Nam dang muanna tawh ZRAEC hong simin hong kap den CDF Zo Mumung pawl tengin theih huai thu in, ZRAEC in hong thuk kik ding uh hi, no pat ahih manin hun khat ciangin buaina hong piang kik pelmawh ding ahih manin thumna leh khelhna Zomi Revolutionary Army Eastern Command ZRAEC tungah neih ding Zo I aw ten theih ding kisam ci hi. Zomi State Federal Democracy deihna hangin Zomi te zong Zogam panin na ki sem leh ahi thei bangin ma kipang ahih manin CNA khemsa leh CNA deihna thute tel kim lo na hih manun abeisa luang tampi tawh na ciah kik uh thute theih ding kisam ci uh hi.

Zogam sungah CNA tung panin deihna leh ukna lam enin gamta CDF Zo Mumung leh naupang tengin thei ciat un, Zomi sungah buaina na bawl zah un SAC tungah na bawl ding uh kisam hi. ZRAEC pen Zogam sungah mipi kemin a om ahihna na theih uh ahi hi. ZRAEC om bangin note na om thei kei ding uh hi, CNA-CDF te SAC na sawm na bangun kapin na sep ding uh, ZRAEC pen tamvei sim tham na kap den uh hi. CNA in 12 million han ciamin Zogam alak zawh nading gelna te Pasian in thukim pih loin a sum tenguh Pasian a ahih manin lam kalah mangthang lel uh hi. Zogam Charter pen Zomi makai te thu thukimna vive ahih manin ZPCC in hoih takin makaih thei ahi hi.

Zogam sungah pawigal in Zomi Revolutionary Army Eastern Command ZRAEC hong kap kikna sungah Zomi Salpha nihin a nuntakna pia in CAN maiah a sisan luma khawl ciang dongin gal ado uh hi. Hih Salpha te zahtakna Zomi ten I piak ding pen thupi mahmah ding a, mai lamah zong ZRAEC makai ten Zogam a bit semsem nading kalsuanna ki ham ciam mahmah cih gen khia hi.  Zogam sungah CNA tawh kizom Zomi sungah buaina a bawl dente amin leh khua theih huai kisa ahih manin Cabinet in zong min list te kan khia zel ding cih thukiza hi.

 

ZOMI THU TANGKO ZOGAM CHARTER

Zomi Political Coordination Committee( ZPCC)

In Zogam Charter sungah kivai puakna khempeuh ahun zui-in kisem khin ta cih thug en khia hi. Zogam sungah minam galkap ZRAEC khempeuh dam sawt hen la, makai te zong Topan thupha pia ta hen! CNA hong kapna Mualkawi ah Tualsung mite zong kihelin galte tawh na sem khawm ahihna thu zong kiza uh hi. CDF Zo Mumung in CNA tung panin nekgukntawh Zogam sungah buaina minam kikal ah buaina tampi hong tun ahih manin Zomi sungah hi bangminpeuh mah pelh ding kisam ci uh hi.

 

Zogam Charter

ZPCC/ZRA EC

 

 

 

www.znc.news

#ZBCnews#Conrrespondent#CNA