ZOMITE GAM LEH MINAM VAI PANKHOPNA ZPCC
ZOMI POLITICAL COORDINATION COMMITTEE
————————————————06/20/2025

Zogam sungah Zomi te ading thuman pha tampi kizak beh ahih manin tu’ hun sungin ZPCC in kalsim sungah nitak nih mipi tungah sumzon na minam leh gam ading panpihna apia nuam te tungah Fundraising Committee in aneih den hunte pan pan ZPCC na sepna leh ZRA EC kalsuan na ah mipi-in gam leh minam itna tawh a piak khiatna hangin tu’ ni ciang Zomi vai na ki semsem cih thu kiza hi.

ZOMITE GAM LEH MINAM VAI PANKHOPNA PAWLPI (ZPCC) in Zogam Charter tawh kalsuan ZIC2019 KL THUKIMNA te maban a hunhun in zom to uh a, zan takin Finance nuaiah ZPCC Fundraising Committee in thugenna ah kalnih khit ciangin Department of INFO and MEDIA in na sep kipan thei ding cih thu gen khia uh a, mai lamah Zomi sungah ma ban lim cii semsem hong suak ding mipi muhna leh lawpna te hong khang uh hi. Zomi sungah minam makai te na sep pen muh theih pah luat dingin a ki langlo om a, gentehna in galte in hong kap leh kikapna cih thu te a kilang leh muh theih na sep hi.

Zomi Revolutionary Army Easrtern Command ZRA EC thuzakna ah Zogam khua tuamtuam ah mipih te zong van kawikawi thei cih thu ZPCC Fundrasing live panin kiza hi. Zogam Charter thutawh kalsuan na ah ki makaihna thu a zuih siam ding haksa kisa mah leh Zomi te pen thutaktak sangin mimal ngaihsut na khat tawh kalsuan ziauziau nam hih loh nadingin Malaysia KL Zomi Khawmpi thukimna te bulphuh in tu’ ciangin Zomi Political Coordination Committee ZPCC in maban semsem cih thu kiza hi.

Pasian thupha tawh ZPCC pawlpi CFO leh ZRA EC pen a kalsim in kimuhna om den cih thu kiza hi. Zogam sungah CNA in SAC om laitak in Zomi te hong nuai siah theih nading hamphatna a ngah nading un SAC paulap in Zogam sungah Zomi galkap te hong kap den uh ahihna tam pi kimuh zo ta hi. SAC om laitakin bang mah sem ngamlo uh a, SAC om nawn loh ciangin Zogam sungah CNA pen kim leh pam tawh buaina lianpi hong tung sak den suak hi. Zomi te pilvang takin gamtat luhek ah ki dop huai hi, pawite khemna hangin Tonzang gamah CDF tuamtuam leh CNA huhna sum leh pai hangin ngongtatna te om nawn loh nadingin ki dop cih thu gen hi.

Zogam Charter tawh Zomi leh Zogam ading kalsuanna ah bang mah buaina om peuh mah lo ahih manin hong gensia mimal deihna leh social media panin ZPCC in min siatna tuamtuam om te mipi leh mimal in up huai lo cih thu zong gen beh uh hi. ZPCC in a sep khempeuh a hun zui-in hong tangko ta ding hi cih pen mai lamah Information and Media in hong sem ding cih thu kiza hi. Tua banah Department of Woman Affairs zong ki man khin cih thu kiza hi. Mipi ading zak nop semsem ta ding hi. A sem ding ZPCC sungah Department tanu tapa te ahih manin hi tengin minam leh gam ading hong sepna tawh ki tonin Zomi Charter thute hong kitel semsem ding cih thu hong musak hi.

Zomi Political Coordination Committee ZPCC in na sep maban ah kalsuanna ah Department khempeuh in vai puak tawh ki tonin hong sep hun ciangin maban tampi tak Zogam sungah khut kilen in mipi kalsuan khop ding kisam mahmah kha ding cih thu makai khat in gen khia hi. ZPCC in kisam laiah Department of Public Relation zong man khin ta cih te gen beh hi. Mipi pawl khat in zum pai-in kikal suan zia leh na sep zia kitel khin khol lo ding ahih manin mipi tawh kizopna ah i hat semsem ding deihna in ZPCC in nasep Department pen kilam mengmeng ding deihna hanciam cih thu kiza hi.

Zomi sungah Zogam Charter tawh kalsuanna pen a sungah thute tawh kipai masa ahihna kician mahmah hi. Zogam Charter sungah Zomi thu tangko thute tel loh manin Zogam Charter ki zang thei kei acii mi pawl zong ki om hi. ZPCC in galkap kei a ciii, gal lel sak a cii zong ki om cih thu makai te in gen khia hi. Zogam Charter sungah Department of Defence pen bang mah sem kei a cii zong ki om hi. Defence in tu’ ni ciangin gal maiah ki tai lo cih thu galkap mangte in gen khia hi. Zomi Revolutionary Army Eastern Command thu pen ut bangin mimal thugen leh online panin hong kogen siate thu up loh ding thu galkap mangte in lim takin genn khia hi. ZRA EC thu hong gen sia pen galkap panin a tai khia leh a kihilh thei khol lo phadiak nam te ahihna kitel khia hi.

ZOGAM CHARTER in ZPCC Assembly te kalsuan zawh nadingin Zomi Khawmpi thukimna Malaysia kum2019 bulphuh in kikal suan ahih manin mimal deihna leh ut bangin policy te laih in kalsuan namte hih lohna thu hong kitel semsem hi. Mipi sungah thulam a duh te in thu tawh ki makaihna thei tel ding uh a, a thu sangin thangpaihna leh hehna tawh na sem ten thupen kisam sa lo ding uh ahih manin Zomi ten ki cian takin ZPCC na sepna maban thupi ahihna hong tel panpan uh hi. Zogam sungah gal tampi om hi, galte kuamah ki lau loin ki dal ding cin pen Defence in mipi theih dingin gen khia hi. Zogam sungah CNA in deih hong suktuah Zomi pawl khat te leh Zo Mumung khemsa mite thu theih hun mahmah ta cih gen khia uh hi.

CNA khemsa in na gam sungah sih khial ken la, Zo Mumung khemsa in CNA maiah sihna thuak kha nawn peuh mah kei-in na gam sungah ukna a nei nuam mite khut sungah na om khit ciangin nang zong na si veve ding pen Pasian kammal ahih lam phawk gige in cih pen CNA sawltak tengin thei ding hoih ci hi. Zogam sungah teng khawm kua minam tuam ki deidan na om peuh mah lo hi, SAC le NLD ukna ki tuhna hangin CNA in Zomi te hong suktuahna tel loin na sem te hun khat ni ciangin buai veve ding cih thu kiza hi.

Zomi Charter siksan in ZPCC in a sawt loin Department of Homeland Security zong man khin ta cih thu kiza hi. Zomi te minam kalsuanna te SAC kap ding bek hi loin in Zogam kilam zia ding thu khempeuh zong asep kul ahih manin tua hangin Zogam Charter pen CNA hong bei sak nopna thu ZOMI KHEMPEUH IN THEI TA NI’ cih tawh Zomi Broadcasting Corporation Connrrespendent in Zomi te thu a kan khiatna ah hi. ZPCC CFO leh Defence sungah na sep lianpi tampi kizo khin ta ding hi. Tua ahih manin mai lam maban dingin Pasian in thungetna te hong dawngin ma suan ah Zomi te tualsuak thuneihna in hong ngak gige ding hun nai mahmah ta cih gen beh hi.

http://www.zbc.news

ZBCnews#Conrrespondent#ZPCC pawlpi#Zogam Charter