ZOMI KHEMPEUH GAM 35 KI OM TA

Dr. JM Paupu laibu

Burma(Myanmar) leh India bek tawh na kisemm hi zenzen lo ahih manin Zogam kumpi kilam nadingin Zogam Charter thukimna pen Leitung gam khempeuh panin kikai khawm in Malaysia KL khuapi ah kum2019 kum in thupi takin kibawl thei khin ta hi. Leitungbup Zomi makai khempeuh kituah khawmin Burma gam sungah Zomi leh India gamah Zomi te hun khat ni ciangin Zomi te deih bulpi te hong tangtung nadingin khawmpi thukimna leh maban lianpi te hong pian theih nading Malaysia gamah kibawl Zomi International Khawmpi khatveina in leitungbup Zomi te ki makaih nading leh kalsuan ziading Zogam Thu Tangko hong gelh khiat uh thutawh kizui-in Zomi te tu’ in kikal suanin na kisem ta cih thu kimu khin hi.

Zomi Political Coordination Committee ZPCC in Zogam din munah Burma Politices ah CFO in ma zangtakin vai khempeuh ahun lapin hong sem thei uh a, tu’ in sawt loin Zomi te deih suahtak nading lampi te koi bangin kikal suan ding cih ZPCC in ahu-in Department khempeuh mawh puakna tawh kizui-in meeting thukikupna sam khawm zel cih thu kiza hi. SAC ukna luah NLD tawh hong kituh ciangin Pasian in a hun lapin Zomi Khawmpi hong neihsak banah hih khawmpi Thukimna thute zat theih kum2021 ciangin Zomi te zat theih leh kalsuan pih dingin hong kituak pah hi.

Zomi Political Coordination Committee ZPCC in hi bangin sepna tampi hong neih ciangin Zogam sungah mimal deihna leh Zomi Khawmpi Thukimna thute a palsat nuam mite hong ki lang khia suak hi. Zomite Gam leh Minam Vai Pankhopna Pawlpi ZPCC din munah mipi lakah thutawh kalsuanna a tel siam theilo hon khat ki om in, Thu leh laitawh ki makaihna pen pilna neilam te ciangin thei-in buaina om lo hi. Gam khangto khempeuh ah Thukician tawh kimakaih manin khangto gam suak hi. SAC in amau bawl thukhun te hun a sak ciangin a deih bangin khek kawikawi uh a, Burma gam sungah tua bangin thukhun leh upadi cih te khek theih mengmeng manin Democracy kician diktak piang ngei peuh lo hi.

Zogam Charter sungah thukhem peuh gam khempeuh panin kikai khawm Zomi te thukhun kalsuan piih masak ding ahih manin hih thu tetawh Zogam din munah policy kician zum na sep mantakin ki zuih nak leh Zogam sawt loin hong pal lun pel mawh ding ahi chih gen khia hi. Leitungbup ah ZRA EC ki om ahih manin Zomi na hihna hangin Burma(Myanmar) sungah ciang hilo, India gam sung ciang bek hilo, gam khempeuh ah ki khenthaang Zomi te pen Isreal te bangin Zogam ah i lungsim te a gawm khawm i hi hi. Zogam Charter sungah Biakna,khua kipawlna,local kipawlna leh beh nam tuamtuam kipawlna khempeuh kigawm khopna ahih manin Zomi te’ lametna pen picing semsem din mun ahi hi.

Zogam Charter siksan in kalsuanna ah ZPCC/ZRA EC pen gamtuamtuam ah om Zomi te minam kembit dingin Pasian hong piak minam makai leh thautawi kician tu’ ni ciangin hong din pih Topa tungah lungdam thu i pulak hi. Zogam sungah CNA in buaina leh siatna tampi a bawl tei hangin Zomi te kalsuanna pen hong ban zo ngeilo ding a hi hi. SAC kap diingin paulap mah leh a sep ciangin minam thuneihna gualtung tuan nopna tawh policy paipih a, Zogam sungah mun leh mual hong la kei sam uhhi. CNA-CDF khemsa mite in CNA in ZRA EC kizo thei leh ukna na luah thei ding uh cih tawh khemna politic paipih ahih manin Zogam sungah I aw’ Zo Mumung in khemna hong thuak kha hi.

SAC kap ding peuh mahin Zogam sungah Tedim Zomi zumpi omna HQ leh Tonzang,Cikha,Tungzang,Laitui,Tuithang tuamtuam ah om peuh mah lo ahih manin SAC paulap Democracy min pua sak in Zogam ah mun hong lak nawn loh nading uh makai te tung panin kiza beh hi. Tu’ hun laitak ciang AA leh KIA te zong apu uh China in hopih ahih manin hong daankik uh ahi hi. Burma(Myanmar) buaina ah China in thu hong neih ciangin SAC leh minam thautawi kikal ah suahtakna sangin siatna hong tam zaw hi. SAC in a kizop pih China pen hong pawm kik leh minam thautawi te adingin suahtakna Democracy pen gam lasemsem suak hi.

NLD leh SAC ukna kituh ciangin PDF cih hong kipan uh a, hih mite in Democracy ngah taktak kisa uh hi. NLD in ukna honglet ciangin gam dang tawh kizopna lampi te hong ki ho’n nading SAC tawm vei khah khia uh hi. SAC ukna a bei nadingin thautawi PDF te sungah Chin State mun dang state ah kilam danna om ahih manin lawh cing zo lo uh hi. CNA pen kawl SAC langpang in thautawi minpua ahih manin kikapna nei ngeipeuh mah loin kilemna bawl uh hi. SAC tawh kikal ah kido dingin Spring revolution paulapin minam thuneihna akim leh pamah na semin SAC pen koih het lo uh hi. A mipih te genna ah biakna sum leh mimal panin kaikhawm in CNA in thuneihna tawh mite kaikhawm in thautawi sak uh a, sum tampi zekin media leh Mizo gamah ZPCC leh ZRA EC pen SAC rtawh kipawl ci-in media tungah sumpia in thusuah bawl zel uh hi.

CNA pen SAC do dingin kipan ngeilo ahih manin Zogam sungah ZRA EC te hong kapin SAC tawh kipawl uh a cih media ah thubawl te siksan in minam thuneihna, minam beisak ding han ciam in nasem ahihna ki lang semsem ta hi. Mizo leh media tungah SAC ka do uh ci uh a, Zomi te tungah SAC tawh kipawl ci-in lang leh langah suktuahna hong bawl den uh hi. Zomi te ki nungkik peuh mah lo ding ahih banah gam khempeuh ah om Zomi te iin deiih takin hanciam khawm in ZPCC tawh kizopna te le Zogam Charter i cih Zomi Khawmpi thukimna te bulletin kalsuanna ah thasan ding pen Zomi makai ZRA/ZRO leh ZPCC /ZRA EC makai te thuvai khak ahi cih thu hong gen khia hi.

Zogam Charter tawh kilam dingin kalsuanna ZPCC in maban limci neih semsem uh a, kalsim in saklehkhangah om gam tuamtuam ah om Zomi makai te meeting nei khawm den cih thukiza hi. Zomi sungah tangtat nuam ki oom mah leh kipawlna a deih mipen mi hampha a hi hi. Ki lem nading a deih te pen Pasian a kammal ah na gen mah bangin mawk suak lo ding hi.

ZPCC makai te kalsuanna nam dangte in thei nuam uh hi, Myanmar gam sungah SAC maiah ki tailo Zomi te hi hang, ZCD President Kam Lian in agen mah bangin Zomi te tangthu pen galhang mahmah te ahi hi. Zomi te deih suahtakna Fedarel pen thautang maiah ki taisan lo SAC that ding maw, koi cih ding cih lau het loin kipia Zomi te hi hang!

Tu’ hun ciangin gamkhempeuh kikhen thangin om ciangin Zomi te sum leh pai leh ngaihsutna te gawmkhawm in Zomi kumpi kilam nadingin Pasian in lam tuamtuam tawh hong makai ahi hi. Gam tuamtuam panin hong kaikhawm kik in kum 2019 Malaysia gamah Zomi Khawmpi thupi tak ki neihna pen Pasian hunlap adeihna nei cih pen kitel semsem a,tua thukimna pen kum2021 ciangin kalsuan pih theih Zogam Charter leh ZPCC te hong kilam khia ta hi.

Zomi te maban zak nop lai ding http://www.zbc.news

ZBCnews#Conrrespondent# ZPCC,HQ ,Tedim#Gam 35 om Zomite.