ZOMITE GAM LEH MINAM VAI PANKHOPNA ZPCC

————————————————————-

ZPCC/ZNV Corps kimuh khopna thupi om 06/22/2025

Zomi Minam Nasem ZNV Corps kimuh khopna thupi takin ki nei cih mi ki cian khat tung panin ZBCnews conrrespondent in ngah ahih manin Zogam maban ah lawpna leh na sep ahun zui-in ki zom to cih thu meeting kah mite in pulak khia uh hi. Zomitr din munah online tungah kiko leh ki mindaisak ciang tawh minam vai leh Zogam ading na kisem hi loin gam khat phut nadingin thu leh siksan tawh ki cian takin Burma(Myanmar) နိုင်ငံရေး madawk ZPCC makai te in mipi tungah gen khiatna leh pulakna nei beh uh hi.

Zomi leh Zogam ading Zomi Movement na nasem leh ma pang nuam mi khat peuhin Zogam Charter pen a pom nak leh ZPCC tua mipa leh tua mi’nu pen minam na sepna ah ki muakin welcome ki lungdam mahmah ding cih thu gen uh hi. Tu’hun Zomi Movement na sepna sungah ZPCC/ZRA EC din munah online tungah leh ZPCC Executive Committee in Department tuamtuam te na sepna leh hong mai ding mai lamah kalsuan zia leh na sepding thuman tawh ki makaihna Insititution အဖွဲ့အစည်း tawh ki makaihna ahih manin Zomi te ading maban pen haksatna om ma leh Zomi Movement ading na sem khempeuh in tha ngah huai takin ZNV Corps kimuhna tungah lawp mahmah cih thu kiza hi.

Zomi Political Coordination Committee ZPCC panin CFO in zong thugen cianna nei ahih manin thuman thutak pen ki tel semsem cih thu meeting kah mi te tung panin ki cian takin ki za uh hi. Online social media ciang tawh mimal khat peuh in laiat leh muhna teng peuh tawh khat leh khat ki mindai sakin Zomi makai te’ na sepna leh galkap sungah thuman loin gamta uh cih bangin heutu khengkhat in thu dik tak ahilo peuh gen khia thei uh hi. ZPCC in mimal thutawh kipai-in na kisem ngeilo a, Zogam Charter sungah thu tetawh kalsuanna te lim takin gen beh lai uh hi.

Zomi Political Coordination Committee ZPCC na sepna leh leh kalsuan zia-in thutawh ahun leh a vai bangin kisem ahih manin sepna gah te sum lawhna nei te bangin khasum san pah theih nam chih hi lo ahih manin Zomi minam vai pen a ki zom toto na sep ahihna thute zong ki cian takin ZVN Corps mipi tungah CFO in pulak hi. ZPCC makai te India gamah khual zinna zong maban pen hong ki zom zelin a thute in na sep ki zom toto ding chih thu te hong gen uh hi. India gamah Mizoram State makaipi Pu Lalduhhawm in ZPCC makai tetawh thusim ki zom dingte hopihna nei ahih manin mipi maiah hih thute pulak khiat theih hilo ahih manin Zomi Political Coordination Committee ZPCC maban abeisa kalsuan na pulakna thute mipi ZNV Corps tungah hawm sawn uh hi.

ZPCC in ZRA EC tungah thuneihna a neih dan leh a neih lohna leh na sep dan zong ZNV Corps mipi tungah gen cianna zong nei hi. Zomi Political Coordination Committee ZPCC leh Defense ahi Zomi Revolutionary Army Eastern Command ZRAEC tawh thukimna om bangin khasim in monthly Kawlsum teng200 kikhak den chih thu gen khia hi. Hun beisa sungah ZRA EC in sum ngahna om lo ahih manin haksatna tuamtuam tawh ZRA in (Eastern Command) ZRA EC panpih dingin a kisapna bangin ahuh ding ZDCI pen hong bawl uh tawh ki zui-in deih bangin Zogam galkap mangpipa tungah panpihna te 10% zong ki ngah lo chih thu kizak ciangin ki lung hi mawh mahmah chih thu genkhia hi. ZRA/ZRO president in hih thute hangin sum ngahna leh sum paina thu ah transparency om loh manin amau lam panin kician sep khiatna kan khiatna paipih uh hi.

Zomi Political Coordination Committee ZPCC/ZRA EC na sepin mai nawt leh minam ading Zogam Charter tawh kalsuanna Malaysia gamah Kum2019 Thukimna te kipletin kikal suan toto cih thu gen khia hi. ZPCC/ZRA EC kalsuan zia mipi tungah min daisakna leh thu tuamtuam a gen khia te uh Zogam Charter a pom ngei mi te ahih banah tu’ ni ciang phungvuh loin leh lamin langpan’ tawh khengkhat ki pai lel chih thu kimu hi. ZPCC Executive Committee 2025 sungah Executive Officer Department of Federal Affairs in a beisa Thailand ah kimuhna te zong genna a tuam in nei a, tua thu maban ki zom suak dingih pulak hi. ZRA EC galkap na sep pawigal te hawl khiat nadingin ZDF in fund zon kipan a, tua panin ZDCI tawh (Eastern Command) nungah kisapna bangin a huh ding policy tawh kipan khia ahih manin mi khengkhat ten ZRA EC mawh sak nopna thu social media ah mimal muhna thu laiat ki mu kawikawi thei uh hi.

Zogam Charter tawh kalsuan ZPCC/ZRA EC thu leh kalsuan na thu khempeuh a thei nuam mite leh hawm thawhna leh panpih nopna anei peuh mahin Zomi National Volunteers ZNV Corps pawlmi suah kul a, Minam na sepna sungah pan khop ciangin thu ban takin Zogam leh Zomi ading ki sem khawm toto thei ding chih gen khia hi. ZNV Corps pawlmi ahi lo a pua panin thugen kigen khempeuh Zomi Moveah san theih ding om lo ahih manin mailamah ZPCC in Department of Information and Media tungah thu khempeuh hong pai sak ding uh a, tua thute in thuman hong ki tangko na leh theih cianna suak ding cih kiza ahih manin ZNV Corps mipi ki lungdam hi.

ZPCC panin CFO in a gen behna ah Department of Women Affairs zong sawt loin amau din munah kipan thei ding uh chih gen beh hi. Gam tuamtuam panin palai pai khawm tengin tha ki ngah mahmah hi. Online tungah thusia ki gen te tawh mipi a buai om leh ZNV Corps mi khat peuh tungah thuman thutak kikan thei ding uh hi. Zomi Political Coordination Committee ZPCC makaite zingvai hawmna lawh cing semsem uh hi.

ZNV Corps gam tuamtuam panin meeting pai khawm khempeuh ki lawp mahmah in huan takin kizo chih mi kician tung panin kiza khia hi.

Zogam Charter

(ZPCC/ZRA EC)

Burma(Myanmar) minam vaiနိုင်ငံရေး madawk CFO.

www.zbc.news

#Conrrespondent#ZNV Corps#Zogam Thu Tangko#kum2019 Zomi Khawmpi.