Zomi Political Coordination Committee

ZOMITE GAM LEH MINAM VAI PANKHOPNA ZPCC

————————————————————-

ZPCC makai te leh India Central government kimuhna ZPCC Information leak.

Burma(Myanmar) sungah SAC buaina leh mipi sungah buai na tuamtuam te lak panin Chin State panin India palai-in Zomite minam vai leh din mun thute thei nuam ahih manin Pasian lam hon sakna tawh ZPCC leh Mr Dutta hun nuam takin kimuh khopna thupi ngah cih kiza sawn hi. Hih ki muh khopna ah ZPCC te maban leh ZPCC din mun thute thei nuam ahih banah thu tampi India palai Mr Dutta in ZPCC makai tetawh kimuhna ah thu tampi kikum khawm thei ahih manin lungdam mahmah cih thu kiza hi.

ZPCC leh Mr Dutta kimuhna pen maban kizom suak ding ahih manin Zomi te ading kalsuan zia pen minam vai ah Pasian in thupha hong oia mahmah ahihna ki la g semsem cih thu kiza sawn hi. Zangkong khuapi panin ZCD makai tetawh abeisa in kimuhna gam dang palai tetawh na nei khin ngei uh a, gam dang tawh kizopna hangin Zomi political makai ading lampi tuamtuam ki nei kawikawi-in Zomi Movement abeisa kum tampi panin i siksan dik tak policy tawh kalsuan hihna thute thupi a sakna palai ten gen khia ci hi.

Spring revolution(နွေဦးတော်လှန်ရေး) hun sung adingin SAC do ding CNA leh Zomi sungah party thak register bawl te pen SAC tawh kitel hun ciangin kipawl dingin din mun hong la kik leuleu cih thu kiza hi. CNA inနွေဦးတော်လှန်ရေး hun paulap in Zomi Revolutionary Army Eastern Command ZRAEC hong kap uh a, နွေဦးတော်လှန်ရေး paulap SAC Zogam sungah a do hi ung cih zulesa kham lo buang hong khem gawpna thu kimu hi. Tua ahih leh SAC do ding kipan ahih leh Kawl kumpi sap kikna ah hih register bawl kik pawl pen hong kipawl mah suak kik ding uh ahi hi.

CNA/CDF Thang Suan Mung makaih CNA pattah thautawi te gamtatzia in SAC tawh hong ki guluk a pu CNA tawh suak kik ding hi. ZCD in kipawl lo ahih manin ZCD a san loh hangin register bawl kik sawm peuh mah lo ahih manin tu’ in a CNA kel luphum ki dawk khia ta a, ni dangin 2021 hunin Zomi sungah NLD party Zomi makai te pattah PDF te in CNA a belh hun lai-in khemna a tuak khit teh hong kikhen zak pan uh ahi hi. Mualkawi campa pen CNA tawh hong kuan uh a, minam galkap ZRAEC pen a vekin hong kap lum dingin ki thawi kha ngeite ahih manin thu tel cian khangno hon khat SAC နွေဦးတော်လှန်ရေး tawh sihna thuak khin uh hi. Tu’hun ciangin CNA kalsuan zia Zogam sungah Zomi PDF khangno teitangh zaw deuh ten amuh cianginနွေဦးတော်လှန်ရေးpaulap in hong kuanna pen khemna ahihna a theih ciangin Zomi Revolutionary Army Eastern Command ZRAEC minam galkap tetawh kipum khat ding gen hiauhiau ta cih thu kiza khia hi.

Tonzang panin CNA/CDF Thang Suan Mung makaih te in lamkal lak lwh din munah om ahihna thuamuk nuaiah guah thuakin thuak cih thukiza hi. CNA in CDF in a theih pih ahih manin tu’in Zou-Jou-Zo galkap a ki cih na hangin kizopna thu ah CNA tawh kikal ah thu nuam loin ki om ta ci hi. Thang Suan Mung in CNA/CDF kizopna min te a deih bangin khelin CNA policy danin kalsuan na hangin amau kikal kizopna zong a lawm tetawh kikhen thang ta cih thukiza Tonzang khuapi panin Salzang khuapi mipil khatin gen khia hi.

Zogam Charter tawh kisai-in Malaysia Zomi Khawmpi thukimna policy bulletin ki din pih a, tua thu tetawh SAC ki do den ahih manin ZOmi minam makai te zong mual tungmi kipwlna sungah SAC in sam kik mah leh kuamah lut lo dingin SAC mai buak sawm lo uh hi. PRCF in JCB hong phuan khia kik uh a, hih thu hangin lametna lianpi mai lamah ki zom toto ding ahi hi , cih thu PRCF makai pite in khia hi.

ZPCC pawlpi panin Department of Women Affairs in na sep ding leh kimuhna neih sawm cih thu kiza hi. Zomi te buaipih thu-in siksan kician i tel loh manin thupai zia siksan loh manin mite khemna nuaiah ki om den uh hi. CNA in policy tel lua uh a, a deih bangin zong khelin bawl thak zel uh hi. Tua a bawl tawm consitution pen tawh Chin State sungah politics pai zia tel cian lo tengin kipawlpih in amau tua a sungah thu tetawh NUG tungah na na sem den uh hi. Zomi sungah PDF te bang NUG tawh kizopna direct in a nei lo a ngah zo lo suak uh hi.

India palai Mr Dutta in Zomi Political Coordination Committee ZPCC tawh kimuhna manoha sa ahih manin Zomi Movement mai lamah makai te kalsuan zia in Zogam kumpi kilam nading tawh kisai-ah thu kician tawh siksan nei takin na kisem ahihna mipi ten tel panpan uh hi, cih kiza hi. Mipi theih nop leh zak nop thu taktakin SAC tawh kikap suk ziahziah ding peuh ngaihsutna tawh kilemna Democracy piang pah dingin tom ngaihsut mahmah uh cih gen khia hi. SAC ki do na sungah minam(တိုင်းရင်းသား) lakah thautawi te ki lem masak ding thupi ngaihsut zaw uh hi. Spring revolution hun in bei ta a, tu’ hun ciangin minam thuneihna leh gamkekna buaina lam tam semsem zaw cih mu khia hi.

Zogam Charter Zomibup Thukimna Pasian tonpih zel ahih manin sawt loin Zomite kioum khatna kikna phungpi mah hong suak ding hi. Zomi ading (နွေဦးတော်လှန်ရေး) hun ma-in hi bangin Zomi Khawmpi International hong nei sak Pasian in Zomite hong mawk koih tuan lo ding uh ahihna ki cian mahmah hi. Hih Zomi Movement paipi kimuhna te kum2019 in ki neih tak ciangin Zogam Charter thute spring revolution နွေဦးတော်လှန်ရေးhhn tak teh zat theih pah leh kalsuan pih theih hong suak pah hi. Burma(Myanmar) gam sungah Zomi minam makai madawk ZPCC thu tawh kalsuan zia in laikung laidal ahih manin kim leh pam in hong phak zawh lohna zong Pasian deihna hi, Zomite deih leh lungtup muh pah zeizai-in hong ki lang nai kei mah leh, a thu-in na asem gamtang mahmah ahihna ki cian semsem ta uh hi.

(ZPCC/ZRA EC)

Burma(Myanmar) minam vaiနိုင်ငံရေး madawk ZPCC leh India palai Mr Dutta.

www.zbc.news

#Conrrespondent#India Mr Dutta#ZPCC Zogam Thu Tangko.