A LUNGTANG UH KAP KHA

—————————————————-

(Politics နိုင်ငံရေး mi taktak te om thei lo) 7/25/2025

ZPCC IN COUNCIL LEVEL AH

••••••••••••••••••••••••••••••••••••••••••••••

Zomi Political Coordination Committee panin Council tawh kalsuan ding hun makai ZPCC/ZRAEC pawlpi sung panin muan huai mi khatin gen khia ta hi. Zomi te gamvai nasep tawh kisai kalsuan zia-in Zomi te sungah mipi nautang tungah kipulak thei leh kipulak thei khollo thusim tampi om ahih manin minam vaiah telcianna om loin mipi khengkhat minam ading sepna ah lung am leh pai dan manlo thuzuih nading kician tel lo te ading ahun zui-in na sepna ZPCC in khahkhia zel uh cih thu kician takin gen khia uh hi.

CNA te politics နိုင်ငံရေးသမား te minam na sem te taktak (A lungtang uh kap kha) i cih pen Zomi te kalsuanna Malaysia Zomi Khawmpi te gah theih nading KL Khawmpi maban pen akim sik tan ki tung nailo hi mah leh kalsuanna leh tupna thu te tampi tak CNA leh a khem zawh tengin thuak lah mahmah cih thu kiza hi. Spring revolution hun sungah CNA in zong kuamah abel om ta kei leh a deih bangin vai khat peuh hek kawi ziauziau ahih manin a makai te taktak uh ahih leh နိုင်ငံရေးသမား te thulut mahmah ahih manin Zomi te pilvang huai mahmah uh hi.

Tu’hun in kuamah deihna ki ngak om lo ahih manin CNA deihna in hong sem khia taktak ding uh hita hi. Chin State sungah SAC khut nuai panin thuneihna leh Khalkha lai a sin theihna ding din munah om zawh nading SAC tawh na sem khawm din mun suak ta uh hi. CNDF in a khuapi misi leh mi bansam tampi te supna baina. sihna ahih nungah haksa pitakin a lak Falam khuapi CNA/SAC in olno takin va luah kik lel phot uh hi. CNA pen SAC tawh kipawlna ah min tuamtuam tawh na semin a CNA min kian tawh SAC na koih sawm lo uh hi.

Hun hong nai semsem ding ahih manin Zomi State lametna leh Zomi Federal Democracy din munah om zawh ciangah ngimna kalsuanna te thu siksan leh kalsuan pih ding a khah sawm lo Zomi makai te lawp semsem tampi uh hi.

Zomi Political Coordination Committee panin a sawt loin Zomi Political Coordination Council din munah kalsuan ta ding din munah Pasian in makaihin lamto ta ahih manin maban lim cii hong suak toto ta hi. CNA leh ZPCC/ ZRAEC pen thu tawh kalsuanna ah CNA in haksa mahmah hong sa ahih manin tawpna ciangin vuilehtang tawh lampi tampi zangin hong suk kipan ta hi. CNA in hong khak tan theih loh ZOGAM CHARTER ZC pen tu’ ni ciang mailam hun ah sisan tawh minamthu leh gamneihna khempeuh nuntakna sisan luangin kipiakna ahi hi.

ZOGAM CHARTER laibu sungah thute khempeuh sisan bangin ki koko ahih manin thutaktak tello pi-in Zomi sungah mimal deihna dungzui-in kam pau ziah” om thei ahih manin Zomi State, Zomi Tualsuak thuneihna lampi tawnin kalsuan laitak in Zomi te ki dawmin gamta ni’ ci-in galkap lam khat in gen uh hi. Zogam Charter laibu te hawm dingin kipan Zogam khua te ah ciahto lamkal ah hong ki suam lupsak Pu Moses Kim Tuang sisan hing tawntung ahih manin a veilua mahmah minam a it khempeuh nawh ngaihsut zualzual theih om lo thutawh siksan kipai tawntung ahihna theih ding kisam ci uh hi.

Min Aung Hliang sih manin Myanmar mipi gambup kilum letpah dingin tuat kei un, amah sangin siazaw ding Kawlte tampi om lai mel ki gen theilo ci hi. Pi Suu Kyi pa in suahtakna thukimna te paipih ding kisak hunin deih bang loin Kawlte lungsim tu ni ciang hi din munah om ahihna theih huai mahmah uh hi. Gambup suah tak ding a deih 75% bangin han ciam mahmah uh a, SAC pen thu oen thu mah tawh a siksan in kipai ahihna ki cian mahmah ci hi.

Zomi Revolutionary Army Eastern Command ZRAEC din mun kip a suah theih nadingin pan lakna ah a om khong theilo CNA pen SAC abei ding sangin ZPCC/ZRAEC a bei ding han ciam zaw uh ahihna theih hun ta mahmah hi. Kum2021 နွေဦးတော်လှန်ရေး hun kum khat sungin Ukna lak kikna hangin thangpaihna lungtang tawh ki mai ngatin kikap tuahin Kawl kumpi phual dong lak kik ding sawmna pen lungsim a sat mahmah laitak ahi uh hi. Zomi makai ten CNA pai dan dik sa peuh mah lo, Zomi Tedim kual PDF te zong ki deih sak lo, ki gengen mah leh SAC kap peuh mah kipawl ding ci-in CNA bang bel nong dep uh hi.

CNA in a deihna khah suah dingin a om khak ma-in SAC tawh mun lak khop ding kipan hi. Hih bang din munah CNA ngaihsutna theithei lo tengin CNA bawl thukhun peuh a deihdeih in a bawl thukhun peuh sim ngei peuh mah lo ding uh kim lai SAC kap nai loin pawlpih gawp lel uh hi. CNA in a la sungah thukhun te a sep ciangin kuamah diksa loin kikhen zak kik uh hi.

Zomi Political Coordination Council hong kipan kik ding uh a, Zogam sungah thautawi tengin pan khop ding kisapna tampi hong tel beh ding uh hi. CNA in Zogam sungah ZPCC kalsuanna pen a khauh zaw-in hong kuan kik kha thei ding uh hi. Zomi khempeuh sak leh khang panin sumte neihsa tetawh makai te galkap te ading piak theih hun ci uh hi. Pu Moses Kim Tuang hong suam lupsak mipi hua laiah om ahih manin Zomi Central Intelligent khat tungah gen sawnna kiza ci uh hi. Minam kivei sak kua te adiak Malaysia gambel ten thu tel cian lohin gen khia lo di g ki deih sak ci hi.

ZRA EC sung panin abeisa kum lai-in apai khia zong ki om mah leh ip lah huai dingdin munah om lo te ahih manin mun dangin panin galkap minam ading na ( Kam kiciamna te uh) hong bul matin hong neu ngaihsut kei-un ci-in makai khatin vai khak hi. Kiciamna mahin hun khat ni ciangin thu hong khen ding ahih manin Zomi ading kalsuanna sungah mipi leh galkap te in kiciam thute Pasian leh mipi maiah kiciam na in sisan a lumlai teng cih thu pen galkap lungtang ah kizah tak mahmah ahi uh hi.

ZPCC pawlpi sungah Department of Finance in sum zon kipan kik ding banah mipi lawpna leh ZPCC pen thuleh laitawh kalsuan na ahih manin pilvang takin minam na sem te ading kipumkhatna ma suan siam ding ki han thawn uh hi. Zomi sung kikal ah hong buai sak mahmah leh ZPCC kalsuanna lampi a beisak nuam CNA lungsim politics နိုင်ငံရေးသမား lungsim pen ki tel kim lo ding ahih manin makai te na sepna thute ngai kawmin panpih in pilvang lel ding hoih kisa hi.

Zomi Political Coordination Council kalsuan theih ding hun Topan hong lem sak zel ta ahih manin makai te nungah lunghiang loin nungzuih lel ding bek kisam hi. Zogam Charter siksan in kum2019 KL khawmpi maban in hong so suah semsem kha ding hita hi. Pu Moses Kim Tuang sisan a sim mawh aneusek a innkuan ahi a Zomi khat peuh in pilvang hunta maban pen saupi om sak nuam lai ahih manin kuamah Zomi ei leh ei sungah kam kidawm ding pen thukan sim khatin gen khia hi. Sep nop khat pen kisem lah lo ding ahih manin itna khualna tawh kalsuanna ki hawm thawhna in leh min dai sak nopna peuh in makai gen sia nuam te minam khantohna ding din mun ah om ngeilo te ahih manin hun chet ah tawp san ding kisam ci hi.

CNA khemsa CDF cih nennen te bel Tedim kual PDF lah thapia ki nei, CNA lah thapia ki nei, Zomi taktak in minam a langpang lote in eite hong panpih ham tang ding uh hi. ZPCC/ZRAEC panin hong gensia, hongpang pen mimal leh koimah tan tunglo ding teng uh hi oha diak hi.

Zomi Political Coordination Council ZPCC/ZRAEC hong huaipih peuh mah minam vai kalsuan na thuman leh siksan tawh na sem ahi hi. Fund zongin vai hawm in thu nei nuam lel takin aman ciangin hai sungah tuisan hilhial dawn kawm in social media panin kam pau ziah” te pen a thun tui sungah nam tampi kikhel ahih manin Zomi makai te min dai sak nuam uh hi lel hi.

Zogam Charter

Zomi Political Coordination Council ZPCC/ZRAEC

www.zbc.news

#Correspondent#ZPCC#CNA/SAC#Zogam Charter#