ZOMI TE DEIH KIPUMKHATNA

—————————————————-

ZBC breaking news

••••••••••••••••••••••••••••••••••••

Emergency fun Muvanlai Project 7/27/2025

Zomi Political Coordination Council ZPCC kilamna zia ding leh ZPCC pawlpi sungah Department of Information and Media live panin muh theih khiat theih leh zuih dingthupi penpen in mun nih bek panin Zogam leh piak ding thu hong gen khiat manun mipi zakna ah namtui leh thupi kisa mahmah ta hi, cih mipi tung panin kiza khia hi. Kipawlna ombeh phuanbeh loin a omsa kipawlpina minam makai phungpi nih tungah kilam khawm dingin Zomite kikal suan toto ta cih makai khatin gen khiat hi.

ZPCC pawlpi sungah Finci department tungah Zomi leh Zogam ading piak nopna leh panpihna anei nuam khempeuh in kipia ziahziah thei ta ding ahih manin Zomite lawngkhatin hatin mainawtna pen abeisa te sangin kilawp mahmah ta cih thukiza hi. Sak leh khang pan leh mun tuam gam tuam panin ZPCC/ZRAEC ading piak khiatna pen ZRO phualpi leh ZPCC Department of Finance tungah kikhak ziahziah ta ding ci uh hi.

ZPCC media live panin muh khiat leh zakna panin MUVANLAI PROJECT pen kipan khiat ta uh a, hi chi bangin Zomi te kilung tuakna hong khangsak semsem in kimu ta hi. Malaysia Zomi Khawmpi maban te a zom thei dingin Zogam Charter siksan Zomi Political Coordination Council ZPCC in ahun zui-in kal thak suan toto chih thukiza hi. Tu’ hun laitak minam vei leh SAC zungphuk nopna lungsim neite in gam sung kikhel nadingin muh pah theih dingin ngaihsun mawk uh hi. Pasian in na khempeuh thei ahih manin Myanmar ki-ukna in Federal Democracy taktak hong suah nading ki deih ciat mah leh bang hun ding hiam,? cih pen kician in kigel lhol thei lo zel uh ci hi.

Kipawlna thak pawlpi om beh nawn loin a omsa kipawlna minam makai phungpi ZPCC/ZRAEC pen phungvuh ciat dingin mipi maiah khuah takin makai ten gen khia uh hi. ZRO/ZRA cabinet leh Zogam Myanmar ZPCC/ZRAEC makai te zong kimuhna nei cih thu kiza uh hi. Makai te deihna mimal thu tawh minam na sepna kikal suan ngei peuh mah loin Kum2019 KL Khawmpi thukimna te pansan in siksan in thutawh kilam bek mah Zomi sungah ki gen cian banah Thubek mah siksan in Zogam kumpi, Zomi Tualsuak Thuneihna hong suah nading kihan ciam den uh ahi chih gen khia uh ci-in kiza beh hi.

Tu’hun pen mimal deihna leh mimal vai peuh in minam kipawlna gensia, minam langpang social media tungtawn in live khah, laimal at khia chih te tungah mipi te theih siamin nusiat lel ding hoih hi. Zomi te hong makaih minam makaipite sepna leh nek zonna ah siangtho leh pumpi kikem in zulesa tawh innkuan zingvai hawm namte hilo uh hi. Khangthak te zong hi bang mahin Pasian zahtak minam makai dingin makaite etteh huai semsem ahihna thu kikan khia hi.

Zomi sungah Zomi te mahin minam gensia, makai gensia, kum2021 panin ZRAEC pen gensiat kipan lel uh hi. ZPCC pen kum2019 in Zomi Khawmpi lawhcinna panin Zomitr thukimna maban te bek mah siksan inna kisem ahih manin Zomi sungah telcianna hong ki lang khia panpan uh hi. Zomibup thukimna pen hih Zogam Charter siksan ZPCC/ZRAEC Malaysia KL Khawmpi bek om ahih manin tua lo kuamah mipi thukimna tu’ ni ciang om peuh mah loin uh hi. SAC in ukna hong lak kik ciangin 2021 sung tengin hong piang khia Chin State ah CNA bawl CC cih te, Zomi sungah thautawi tuamtuam cih te mipi thukimna cih khat zong a om lohna thu mipi-in kitel semsem pan hi.

Zomi State, Zomi Federal Democracy cih lungtup Zomi te mai lamding mipi thukimna pen Malaysia Khawmpi kum2019 in a hun lap takin Pasian hong kai khawm khin a, tua Khawmpi thute pansanin tu ciang dongah kikal suanpih to suak ta uh hi. Zogam Charter sungah thute siksan in a kisam thute zong Zomi Political Coordination Council ZPCC et phat dingin gen cianna nei ci uh hi.

Zogam Charter tawh ki makaihna thumeilet tawh kalsuan Zomi Political Coordination Council ZPCC/ZRAEC pen hong phuk tan nuam taktak CNA ahih manin mipi-in theih cian semsem na hong neita uh hi. CNA/SAC kipawlin Chin State hong nawk sawm ding uh. ahih manin CNA pen thautawi lianpen leh thuneihna lian pen a ngah theih nading SAC hong pawm den uh hi. Tedim khuapi ah SAC tawh kipawlin CNA office hong koih pen mipi-in kitel siam nailo uh hi. Tua hun pekin Zomi te CNA khemsa in gamta den uh ahih manin mipi galkap Zomi Revolutionary Army Eastern Command zong na sep khauh pai semsem dingin mipi-in deih ta uh hi.

Zogam sungah CNA hong bawlsiatna te gen ngam loin Zomi te’ mipi galkap ZRAEC gamtatna hoihta leh gen ngeilo minam ading phattuamna a bawl nuam lote in gensiatna a neihte khawl san hunta ci uh hi. Zogam Charter ahi Zogam Thu Tangko hawm khia dingin hong kuan khia Pu Moses Kim Tuang hun a kipan Zogam sungah siatna leh thangpaihna tawh na sem leh minam langpang te thu leh mimal document pen ahun simin kikan cianin kikem den chih kiza sawn uh hi. Zomi te makai te thuthuk nasepna te neu ngaihsutin daimuh uh ahih manin kampau leh mianm thute ah thuman tel cian loin gamta giap” hon khat ki om chi uh hi.

ZPCC Department of Finance tungah Muvanlai Project ading piak khiatna kipan ta chih i muh manin kipak huai mahmah ta hi. Zomi te tu’in lawngkhatin kipai ciat ding a, Thute a kikum khawm diamdiam thei dingin mai kinawt ta uh hi. Zogam sungah CNA in a omna phual panin Drone tawh mipi galkap te omna phualte hong kap denna hangin mipi galkap khatin anuntakna hong bei lawh hi. Zomi te’n i gam sungah hi ciangin ki om lai ding ahi hiam?, Zomi mipi population tampen hihna te zat siam leng Zomi Federal Zogam sungah suahtakna piang baih zaw lai ding uh hi. Wa te bangin Zomite a ki uk theih lua hihna pen ahun in hong pia mahmah hi.

ZPCC Finance tungah kipia thei a, ZRO phualpi tungah zong kipia thei ding cih zakna makai te genna panin ZBC news correspondent in kan khia uh hi.

www.zbc.news

#Correspondent#MuvanlaiProject#ZPCC#ZRO#