ZOMI MOVEMENT TANGTHU SUUTKIKNA
————————————————————
•Thu paisa leh theih masak lohin
•Mai lam ading kikhin khai thei lo hi.

Akhang akhang in, Zomi-te sung ah, Zogam suahtakna ding, Zogam phuh zawhna ding, Zogam in Myanmar
gam sung ah Federal Gamkee kician khat dinmun a ngahna ding cih lunggulhna tampi kinei tawntung hi.
A beisa kum Sawmli sung teng, Zogam leh Zomi-te itna tawh gam leh minam ading Zomi-te mapannate,
anuai a bangin, ahuam in tangthu kiciamteh thei hi.

• 1988 kum a Myanmar gambup kitomna tungtawn in Zomi-te in gamsung gampua pan hanciamna,
• 1990 kum in Kiteelpi sung ah ZNC Party min tawh Zomi-te hanciamna,
• 1991 kum in UNLD sung ah Zomi-te pankhopna,
• 1993 kum in sim leh mal a Zomi-te kigawmkhopna ding lunggulhna tawh ZRO Pawlpi phuhna,
• 1996 kum in Myanmar gam kitomna pan Zomi khangnote hanciamna,
• 1997 kum a kiphut CRPP sung ah Zomi makaite mapanna,
• 2000 kum kim a kipan tuipi galkaai Zomi-te in Zomi kipawlna min tawh minam maban ah mapannate,
  ZPCC Pawlpi & ZIC2019KL Khawmpi Maban
  Pawlpi Sungthu – Taangpi theihsak ding kisamlo hi. Laimai (4/7)
• 2004 kum in Zomi khangnote ZSYO min tawh, mualtungmi thautawi kipawlnate lak-ah hanciamna,
• 2008 kum a Myanmar gam Thukhunpi kipsakna tawh kisai langpanna,
• 2010 kum a Kiteelpi tawh kisai Zomi-te langpanna,
• 2010 kum in CCJ Pawipi sung pan Zomi-te mailam kalsuanzia ding vaihawmna,
• 2013 kum in ZRO Pawlpi in suahlam Zogam bitna dingin ZRA(EC) Zogam Galkap phuhna,
• 2015 kum in mualtungmite minam thautawite kipawlna UNFC pawlpi tawh kizopna,
• 2015 kum a Kiteelpi sung ah ZCD Party min tawh Zomi-te mapanna,
• 2016 kum a USA gam akibawl Zomi Khawmpi ah Zomi Movement maban phungvuhna,
• 2016 kum in ZRA(EC) Zogam Galkapte in Myanmar Peace Process leh UPDJC ah hanciamna,
• 2016 kum in Myanmar 21st Century Panglong Agreement ah Zomi Makaite hanciamna leh mapanna,
• 2017 kum in Northern Alliance pawlpi tung ZRA(EC) Zogam Galkap palai puakna,
• 2017 kum a kipan, kumsim in suahlam Zogam sung pan ZRA(EC) Zogam Galkap kaihkhopna,
• 2019 kum Zomi Nam Ni hun sung in Leitungbup Zomi-te Minam Khawmpi bawlna leh thukimnate,
• ZIC2019KL Khawmpi sung pan ZRA(EC) pen Minam Galkap hihna tawh taangpi tung pulakna,
• 2021 kum kipat a kipan, ZRA(EC) Zogam Galkapte in suahlam Zogam leitang sikna leh Len satna,
• 2021 kum in ZPCC Pawlpi phuhna leh Zogam Charter kipsakna
  Hibang in, tu ni ciang, ahun zui a Zomi-te gam leh minam maban kalsuanna, Zomi Movement mabante
  ahuampi in kiciamteh thei hi.
  Zomi Movement Thubulpi Hilhcianna
  2019 kum, Zomi Nam Ni hun sungin, Malaysia gam, Kuala Lumpur khuapi ah, Leitung muntuam gamtuam
  panin, akikaikhawm Zomi Makaite in, Leitungbup Zomi-te Minam Khawmpi (Zomi International Conference
  – ZIC2019KL) lawhcing takin bawlzo uhhi. Tua Khawmpi sung ah, gam leh minam thu tawh kisai Khawmpi
  Thukimna naneizo uhhi. Khawmpi Thukimna sung ah, Zogam ah Zomi-te in, eima thu eima’n vaihawm
  theihna, minam thuneihna bukim (Self Determination) angah theihna ding, Zogam leh Zomi Innpi phuh
  zawhna ding lunggulhna thu limtak in kipulak hi.
  Hih lunggulhna atangtun theihna dingin hanciamna pen, Zomi Innkuan USA (ZIUSA) kipawlna in 2016 kum
  a kibawl, a Kumcin Khawmpi sung pan kipsakna leh taangkona abawl uh, Zomi Movement acih Thubulpi
  tawh akibang ahi hi. ZIC2019KL Khawmpi kipsakna bangin, tua lunggulhna atangtun theihna dingin, Pawlpi
  tuamtuam, Kipawlna tuamtuam, Party tuamtuam in, a dinmunciat panun, gam leh minam maban ah pankhop
  dingin kithukimna kineizo hi. Lam khat panin, Khawmpi akah minam thautawi kipawlnate, mun tuamtuam a
  minam kipawlnate, khua leh tui kipawlnate, Minam Party-te leh Zomi mipil misiamte in, Zomi Movement
  alawhcin theihna dingin ma pankhop dingin kithukimna akinei ahi hi.