ZRA(Eastern Command) Zogam Galkapte Thu Atom
—————————————————————-

• 2013 kum, November kha sungin, Zomi Re-unification Organization (ZRO) Pawlpi in, Myanmar gam sung ah Zogam phuh zawhna ding leh Suahlam Zogam bitna dingin avaan dingin Zomi Revolutionary Army (Eastern Command) phutkhia hi.
• ZRA(Eastern Command) pen ZRO Pawlpi in akhutnuai a om, Zomi Revolutionary Army (ZRA) Zogam Galkapte sung panin, Myanmar gam panin akuan Zogam Galkap teng khenkhia in, kivaipuakzia athak tawh, vanzat akim in guan a, thupha pia in inn atuansak ahi hi. Inn atuanciil in, ZRA(Eastern Command) Zogam Galkap mimal (50) valdeuh phapan hi.
• 2014-15 kum sung in, ZRA(Eastern Command) in Myanmar gam sung a Mualtungmi Thautawite
  kipawlna UNFC Pawlpi sung ah Zomite Minam Galkap kician khat hihna tawh dinmun kician khat angah theihna dingin hanciam a, CNF galte khaktanna hangin, lut theilo hi.
• ZRA(Eastern Command) in 2016 kum a kipan in 2020 kum ciang, Galkap Siamsinnate kumsim in bawl a, kumsim in Zogam Galkap (Active Cadres) mimal atawm pen (100) ciang, Siamsin zawhna kipiazo hi.
• ZRA(Eastern Command) in 2021 kum a kipan kum nih sung in Zomi National Volunteers (ZNV) Zogam Galkap ding Siamsinna bawlsak a, mimal (500) val, Siamsin zawhna kipiazo hi.
• ZRA(Eastern Command) in 2023 kum a kipanin tuni ciang, kumsim in atawm pen nihvei, Galkap
  Siamsinna tuamtuam kibawlzo a, Siamsinna azo Zogam Galkap tampi kipantahzo hi.
• ZRA(Eastern Command) in Tedim gam sung ah Len thum, Tonzang gam sung ah Len thum, Kabaw Valley sung ah Len khat satzo hi.
• ZRA(Eastern Command) in NUG Defense Ministry pan Galkap makaite tawh Zogam bitna ding vaite, 2021 kum in kuppihna leh hilhcianna neihzo hi.
• ZRA(Eastern Command) in ZIC2019KL Khawmpi thukimna zui in, Zogam bitna dingin ZPCC Pawlpi
  sung pan Department of Defence panmun la in picing takin ma pang hi.

http://www.zbc.news

Correspondent#ZPCC/ZRAEC#Zogam#Myanmar