ZOMI ARMY ZOGAM DEFENDER AND POLITICS (ZPCC/ZRAEC)

Zogam Zomi kembit hubit Zomi khempeuh in ih neih ZPCC/ZRAEC Pasian in thupha pia in ompih taktak ahih manin tuni tanin haksatna namcin tuakmah leh nawkmah uh leh lungkia cih omlo in thahat semsem uh ahih manin nakpi takin mipi in tha ngah in tha kipia mahmah hi.

Tuni tan ih sanggam melma te leh minam dang pawite CNA in nakpi takin sukcimit sawm mah uh leh tu ni ciang dong bang mahmah cih zolo in Topa’n ZRAEC ompih tawntung ahih manin galte in bangzah in a dodo uh hangin guallel cih om ngeilo uh hi. Topa Zeisu kepna ompihna hang bek ahi hi. Tua bek thamlo CNA leh sanggam melmate a vui a tang leh a mi tawh kicing takin hong kuan uh hangin a bungta Pasian in Zomi Army Zogam Defender (ZRAEC) ompih in galte bangzah in a tam hangin nungkik in gual lel cih om ngeilo in tuni ciang lingkia lo in Zomi nam te ading thasial hetlo in luangkham in Zomi leh Zogam hong kem tinten uh hi zahtakna sangpen Zomi te in ih pia hi minam leh gamading nasem mapang khempeuh.

ZPCC/EC in nakpi takin pan la thak uh ahihna thu i theih ciangin Zomi khempeuh tha kilawp in kipumkhatna lam ah ki luang khawm theih ta ahihna tampi tak kimu thei hi. Zogam ading zingvai hawmna Zogam Charter sungah thu om mah bangin pan mun leh departments tuamtuamtw bakpi in nasem (active) mahmah uh hi cih thu kiza ahih manin mailam ah Zomi Zogam maban ah nasepnate tang zaisemsem ding cih lametna tampi om cih ki mu khol khin hi.

Zogam sungah melma te leh nam dang gamdang mi Zogam sung a susia nuamte a manlang in a taikhiat a ki hepkhiat kei uh leh Zogam Defense Army ZPCC/ZEAEC in Zogam siansuah ding uh hi. Zogam Zomi hong kem Topa Pasian in Zogam leh Zomi ading nasem te hong kepbitsak in hong makaisak ngiatn ding mipi in thu ngetna bek ahi zongin sum leh neihsa tawh ahi zongin hihtheihna bangin thapia in panpih huai mahmah hi. ZBC Correspondent Tedim, Zogam.

http://www.zbc.news

ZNCNEWS #Zomi #ZOGAM