ZOMI STATE(ဇိုမီး ပြည်နယ်) LAMPI KHAK

———————————————————

Zogam sungah mipi leh minam galkap Zomi Revolutionary Army Eastern Command ZRAEC kalsuanna leh tupna thu khempeuh Zomi te’ ading ahih theih zahin malang takin kalsuan theih nadingin na kisemsem ahihna makai te’ na sepna tungtawn in kimu thei hi. Hih Zogam in kip semsem a, thahat semsem ahihna nam dangte’ muhna ah hong thang paih huai semsem uh cih kimu hi. CNA in adiak in Chin State ချင်း ပြည်နယ် sungah Zogam din munah ukna leh thuneihna pen lampi a sial den uh ahihna kimu cian hi.

Thuneihna hong kituh NLD/SAC te’ buai ma pekin CNA in Tedim khuapi sungah SAC tung panin phalna la in Zum khat hong koih khin uh hi. CNA leh SAC pen kimu dah peuh mah lo uh hi, ahi zongin Khalkha CNA in amau adingin hamphatna a om theih ding ahih nak leh kuakua pen pawlpih in a deih bangin apan khop ding uh pha mawh sa lo uh hi. Tua hangin kum2021 ciangin a sim thamin CNA thautawi te in SAC kap sawm peuh mah loin nam dangte lak ah amau lut zaw a, SAC tawh kikapna ding a pelhna in Zomi Political Coordination Council ZPCC in SAC tawh kizom hi; cih paulam in Zogam lam hong kuan uh hi.

Zomi khempeuh sungah deihna nam tuamtuam om zongin ZOMI POLITICAL COORDINATION COUNCIL ZPCC/ZRAEC in Malaysia Zomi Khawmpi thukimna leh maban tup leh ngim khempeuh tangtung zawh nadingin Zogam Charter thusiksan in kisem ahihna thu Zomi khempeuh in a theih sa leh maban kisemsem khin thu ahi hi. Zomi sungah minam nasem leh makai hawmthawh leh thutak gen zong ahilo minam sungah lungsim sianglo mi pawl khat ten Zogam ading nasepna maban hong khak kinken uh ahi hi. CNA in sum tampi zekin Zomi sungah khutzat khengkhat in CNA khemna sungah awk cipin hi ciang tungta uh hi.

CNA in Zomi te ki thutuahna leh mapan hong muh ciangin buai mahmah ahihna amau sungah ki thei uh hi. Biakna leh lam tuamtuam ah Zomi te hong langpan na leh Zogam sungah amau thuneihna policy te ki deih peuh mah lo hi. Kum 2021 hun a CNA in thuneihna ki tuh NLD leh SAC kikal ah Joker bangin CNA pen gamta kawikawi uh hi. NLD tung panin hamphatna leh thuneihna om khak leh ci-in NLD pen a deih mahmah bangin pawm uh hi. SAC kiang panin CNA in tua bang mahin mai et in hamphatna met tampi dawh in a kipawlpih teng nusia in SAC tawh kilemna bawl uh a, Falam gamte hong lak kik uh hi.

CNA tawh kum 2021 bul lamin PDF gambup min pua te kizom a, Zogam khuapi Tonzang lamah CDF panin Pa Thang Suan Mung leh anaupang teng kizom in, tu laitakin khuano lam panin CNA tawh kizom in Tuithang leh Tungzang lamah hong kuan zel khuano thautawi leh Hualngo mi pawl khat te hangin SAC tungah siatna bawl sangin Zomi te ading supna tampi hong bawl uh ahi hi. Gambup ai awh PDF te gamtatna in SAC gensiat sangin Zomi State gamke khatin kalsuanna ah hong nawng kai sak nuam in kipei pawl khat om abeisa lamin om uh hi. Zogam zingvai ah Zomi Khawmpi thukimna khempeuh Zogam Charter masuan in tuipi galkai Zomi leh sim leh mal panin mapan na in khawmpi thukimna te siksan den uh ahi hi.

www.zbc.news

#Correspondent#ZomiState#ZPCC/ZRAEC#