September 6, 2025

ZOMI POLITICAL COORDINATION COUNCIL ZPCC
————————————————————
ZPCC media live panin thuzak;

Zomi Political Coordination Council ZPCC maban kalsuan pihin maban leh mailam ah tup leh ngimfe nasia mahmah ahih manin zakna anei khempeuh in KL 2019 Khawmpi thukimna maban khempeuh mah siksan in Zogam Charter tawh kalsuan pen mipi-in pai dan tel semsem uh cih thu kiza hi.

Zomi Political Coordination Council ZPCC maban in tu’ ni ciang gambuaina leh maban ah hih anuai ateng kimu khia hi.

ZPCC lungtup leh maban bulpite;
••••••••••••••••••••••••••••••••••••••••••••

Neih leh Lam, Sum leh Pai thute ( Finance)
Zogam bitna leh Daihna Maban ( Security and Defense)
Zogam Kaallak Ki-ukna Maban ( Zogam Interim Administration)
Zogam Thukhenna ( Judiciary Affairs)
Zogam Thukhun ( Legislative Affairs)
Gamkee, Kibeelpawl leh Kizawltakna kizopna ( Federal Affairs)
Taangpi mipi tawh kizopna ( Public Relations)
Zomi Numeite tawh maban ( Women Affairs)
Biakna lam tawh kisai ( Religious Affairs)
Thu leh la vaanna, tangkona thukizakna ( Information and Media )
Pilna siamna leh khantohna lam tawh kisai ( Education and Development)

Zomi Political Coordination Council ZPCC in maban ah tup leh ngim thute ah tu’ ni ciang maban kizom den cih thu kiza hi. ZPCC/ZRAEC in tu’ ni ciang gal tampi in Zogam hong nawk mah leh gual zawhna tawh Zogam ah ki om tawntung hi. Bangbang in Zogamah gal hong pai zongin ZRAEC pen sih tanin mipih leh gam ading nuntakna khamin ma ki pang tawntung ci hi.

CNA in Zogam ah amau Policy tetawh Zogam hong nuai siah nop manin ZPCC/ZRAEC pen SAC tawh kipawlin kizom uh cih tawh Zomi te hong keh zuak kik mawk hi. Spring revolution hun hong bei ciangin CNA in SAC tawh kilemna leh Chin State uk nopna lampi hong sial leuleu uh hi. Zomi te pilvang in makai te kalsuan na leh hong makaihna te ngak lah loin nungzuih siam mahmah ni’ CNA pen politics ah na sang zaw veve uh ahih manin tua i bat nading tha kisan hi.

CNA te’ siamna leh fundraising zon dan uh Zomi te pilvang siam ding kisam ci hi. Chin min dan in hong zol uh a, pahtawina pia nuam taktak ahilo khol tua te pau lapin Chin mi hihna zat nop manin Zomi te amunmu ah hong zol siam uh a, Lasa leh nek zonna lam utte in ahi ding mahin ngaihsun in va thupi ngaihsut zaw sop uh hi. CNA in Laimi hihna approved nop manin Chin min zangin mi khempeuh huai bawl a, naupang pau kisin sak bangin Khalkha pau te hilh in Laimi ki nuam hihna tua dan in kimawl uh hi.

Zogam Charter hong nawng kaisak CNA leh a khemlup gul bangin Zomi te a khimcip hon khat hangin nuntakna Sisan tawh Zogam Thutangko a kilei ahi hi ci hi. Zogam ading Malaysia KL khuapi ah kum2019 in Zomi khempeuh kikai khawm in a khatveina International Conference pen lah cing takin kinei khin ahi uh hi. CNA in hih thute a theih ciangin Zomi te mai lam ding leh maban pen khak theih zahzah in hong khak hi. SAC in a sep laitakin kipawl uh a, NLD in a sep laitak in kipawl uh a, buaina om ciangin SAC kiangah lailut in kipawl uh hi. Metna leh thuneihna a deih manin lam tuamtuam tawh Zomite hong khenkham uh ahi hi.

http://www.zbc.news