MYANMAR ELECTION IN ZOGAM AH

——————————————————-

(Kum 2008 nuaiah mekuanglui peuhmah in

Zogam kuamah ZPCC/ZRA Eastern Command theihpihna om loin lut huai lo)

•••••••••••••••••••••••••••••••••••••••

Thu lamah abeisa leh hong pai ding ngaihsutna a tam zaw ah SAC in kitelna pen ahi thei zahzah in paipih veve ding cih pen gen tek uh hi. Kitelna pen adiak in a lawh cin theih nading zong buaina tam ding a, a lawh cin luat loh ding uh zong buaina tam huai na ciang om thei ding cih gam ading nasem ten Kawl kumpi tatzia pen hi bangin na gen tek uh ahi hi. Kawl kumpi pen a deih bangin thukhun bawlin a deih bangin zong amau kumpi gui zuih nasep aluah theiu nading bekbek tawh mipi deihna sangin amau deihna pen 25% bang thuneihna SAC thukhun ah koih sa uh mawk hi.

Chin State sungah pawi lamte ahih leh amau metna ahih theih nading ahih khak leh SAC tawh khutkilen a na sem pahpah te uh ahih manin amau pai dan letkip tam lo uh hi. Kitelna ah Falam leh Khalkha zong a diak in bawl mai thei ding uh hi, amau pen SAC lamah thukimna laibawl kik zel uh hi. Khalkha te’ ading hamphatna lamah a sep pih zo ding te leh a seppih thei tetawh kipawlna a bawl nuam bek uh ahih manin Zomi te hong khem zonawn lo i cih laitak in Zomi PDF te hong ki belpawl uh hi. NUG tungah ngah nading teng a lak khit teh kuamah amau bawl tawm thukhun sungah deih lo uh hi.

Zogam Tedim khuapi ah abeisa leh tu ni hun ciangah thuzak neuhneuh thautawi lak ah hong om zel hi. CNA in abwisa hun sungah Zomi te makai leh galkap te hong zawh theih nading lampi tuamtuam zangin ZPCC/ZRAEC pen SAC tawh kipawl uh ahih manin kap ung, cih tawh hong sim hi. Zomi sungah Zomi te’ lakah PDF ten zong a tuamtuam tawh i minam makai leh galkap te hong gensia uh a, Tonzangah ki thuah hi; kipawl cih tawh mawh matna hong bawl zel uh ahi hi.

Tu’ hun tak ciangin hi bangin SAC langdo te kalsuan dan leh tat dan thu theih mipil khat peuh in ngaihsut theih hun ding neita uh hi.

CNA pen SAC tawh kipawlin Falam lakik

Gambup minvawh Tedim PDF te SAC tawh khua sungah vak khawm thei ta uh hi.

Zomi Political Coordination Council ZPCC/ZRAEC hong lang pangin min siatna tawh hong zuak tengin SAC kilemna nei, ki thuah khawm thei cih mawk pen PDF sungah thu tampi om ta cih ahi hi. Luang tampi tawh Falam khawng kila khin a, tu’ in lak huai lai ding maw, minam galkap ah ki-ap vet ding cih pen kal lakah ngaihsutna om ta uh hi.

NUG in kician makaih theih nading lampi haksa semsem cih pen minam makai te’ theih khitsa uh ahi hi. NUG kalsin thu ah buai lam ma nawh zel cih uh a, Finances lamah mipi neih sunsun sumte pheisam nupi pawl khatin na kem zel ahih manin PDF thautawi te bei dong lam ma nawh theih din mun suak hi. NUG in kawl lungsim mah a puak manin ZPCC/ZRAEC in pawlpih tak salo ahihna lam a kipat cilin na pom pah lo uh cih oen thusaupi amuh man ahi hi; ci-in gen hi.

Zogam Charter tawh Zomi leh Zogam kep zia dingin kalsuanna Malaysia KL2019 Zomi khawmpi thukimna maban te mah kisik sanin Zomi Political Coordination Council ZPCC/ZRAEC in a tupna te maban ki suan zel uh ci hi. Zogam sungah kitelna lut ding peuh mah kum2008 thukhun nuai ah kitel lut ding ahih manin hi tawh kisai-in Zomi sungah minam party ZCD pen tua ah lut lo ding acih khitsa mual tung mi kipawlna khempeuh thukimna tawh kiton in kalsuan ahi uh cih pen atel om mah bangin a tello zong na om theih ahih teh theih huai thu hi. SAC in a siam manin amah alangdo NLD in kitelna ah hong lutthei lo kiau uh a, ahi zongin NLD makai teng pen Democracy man taktak ngah nading in hong sawi tai kik zel uh pen hi ciangin Pi tek nu zong ahun bei hong suak ci hi.

Zogam sungah kuakua kitelna lut ding a mekuang lui ding peuh mah thu ging zakna panin Zogam sung buai huai thei dingin ngaihsun hi. Zogam sungah Zomi Political Coordination Council ZPCC/ZRAEC Eastern Command theih pihna om loin Zogam sungah kum 2008 thukhun nuai ah mekuang lui ding peuh mahin Zomi makai te tungah theihpihna kisam cih pen khauh tak in gen cih kiza hi.

Tedim, Tonzang leh Cikha pen Zogam Charter sungah a hih theih laiteng kep ding leh a nawngkai sak om leh dal ding pen Zomi te policy lian mahmah ahi hi. CNA in a tawpna ciangin Khalkha a akap om leh dalin SAC tawh ma ka pang ding uh cih pen hong nei thak uh hi. Amau bawl tawm thukhun sungah amau mahin pawlpih teng taisan in a do galte lamah kibel pawl hong suak hi. Zomi te hamphatna leh thupha pen ki zom toto ta hi Malaysia kum 2019 hunin Zomi Khawmpi ki neih pen tua thupha thukimna in Zogam zingni thak lampi hong ta’n khol ahi hi. Khawmpi ah apai thei dingin kilawm leh apai khawm thukimna Zomi te zingni thak ding thumeilet te hong pian khiatna ahih manin Zomi te ki nuai siah theilo uh hi.

Zomi Political Coordination Council ZPCC/ZRAEC maban leh Zogam sungah kalak mawh puak malak dan i Zogam Charter tungtawn in kilam thukhun te mah ki semsem cih thukiza hi. Tedim pen hin beisa in thautawi gambup minpua PDF ten lak ding den uh a, mipi lamin lak loh ding mah hoih kisa hi. Tu’ hun ciangin i lak loh mah bangin Ui leh Zawhngeu zong ki thu tuak hun hong nei hi kha dingin kal lakah mi ki cian tungpan kiza uh hi. Zogam kuam mun khengkhat lamah mekuanglui kum 2008 khum nuaiah kihel peuh mah ading lau huai phadiak din munah om uh hi. Zomi Revolutionary Army Eastern Command ZPCC/ZRAEC Zogam vanna Tonzang kuam lamah ki dop huai ding uh hi, thu nung thuman om loh nading pilvang ni’ Zomi te hong nuai siah nuam tengin spring revolution paulap in ZPCC/ZRAEC lubuk ah bawl uh ahih manin kuakua in theihsak masak ding mah thupi, thupi ci hi.

•Khalkha Ui leh Zawngeu kilemkik ta

•Falam ah ui leh Zawhngeu kilemkik ta

•Tedim ah Ui leh Zawhngeu kilemkik ta

Myanmar gam sungah နွေဦးတော်လှန်ရေး in lenmual hong kaisan ciangin Democracy lamah ki mai nawt loin kum 2008 thukhun nuai lamah ki han ciam zaw ta hi. CNA in ano kai teng a khualna sangin ama gilpi khualna tawh နွေဦးတော်လှန်ရေး beisak in pupu SAC Min Aung Hlaing tawh khut kilen kik mai leng tai zaw ding cih khentatna nei hiau hi. Falam ading Zomi sungah nuntakna pia khia teng pam maih insak hun tung ding i cih pen khuahun pen khut tung lumleh bangin SAC thu ki hei mengmeng uh hi.

Zogam sungah makai te kalsuanna thutawh kimakaihna haksa a sa tampi ki om mah leh thuman deih te ading buai huai lo ci uh hi. Tu’ hun Zomi biakna kai khempeuh in thuman thutak gengen sangin ciamnuihna leh zawlthu tengtawh mipi nuihna in puatham hong khel zaw ci-in tua dan nuam i sak dan mahin minam leh gam makaihna ah ki bang din mun ci uh hi. Thu nautaang zak ahih manin man thei veve , ahi zongin pilvang huai zek dingin thupi kha ding hi.

Zomi Political Coordination Council ZPCC/ZRA (Eastern Command) in Zogambup maban ah thungetna te hangin mipi lung muangsak in i gam hong kek thei ding namdang khatpeuh hong kuan khak ciangin sihna zah thuakin kidal ahih banah sep lai ding maban Zomi khempeuh in lungsik thasial loin mapang khawm dingin kizawn semsem uh ci hi. SAC mun khengkhat ah nahtang um khiat sawm ahih manin CNA nawitep pawl khat amun amual ding zongin buai uh ci hi. Kum 70 huam sungah Zomi Tualsuak Thuneihna Federal ki-ukna pen i ngah pah loh hangin Zomi Movement kitawp san theih hi loin ngah phial mah leng Zomi Movement khauhzaw a pai beh ding hi toto cih pen kiza khia hi.

www.zbc.news

#Correspondent#TEDIM#CIKHA#TONZANG#