THU SIKSAN KICIAN TAWH

——————————————

(Tedim kuam ah Benghlo panin siahla)

Zomi gam sungah CNA leh a pawl tengin abeisa hun lai-in hong nawkin SAC paulap lel tawh Zomi gam sungah thaumuk tawh mipi galkap ZPCC/EC  te tha nem nading leh abei nading tam vei tak hong kuan lutin hong sim uh pen Zomi khempeuh in na kisa kim loin, minam leh gam ait mel theih sanggam a khual te in hih thu mawk mai loin ding cih tawh cillum valh in ki ngaihsun ahi uh ci hi.

Zomi gam sungah gambup minpua deuh Zomi khengkhat PDF kicii lak ah online panin hong gensiat uh ahih leh khamtheih bengh ciinna khempeuh ZPCC/ZRAEC mawh puak sak in gensiatna in thu man loin nei uh ahi hi, ci hi. Zomi gam sungah thukan te’ muhna ah Benglo na sem pen Tonzang leh Ciikha lam ciang ah ki ngaihsun hi mah leh Tedim khua’ ngei ah benglo tam mahmah ta uh cih pen mi muan huai khatin gen khia hi. Benglo a kham ding Zomi te minam kai leh galkap te ki mawh sak na om a, lam khat panin Tedim kuam gei ah bengh lo nasem te Tedim kual gambup minpua PDF te siah lakna nei cih kiza kuamah kham lo ci uh hi.

Myanmar gam kalsuan zia in kitelna hong pai pih ciangin Chin State sungah CNA in hong buaipih pha mahmah leh hong kih tak phat deuhna hangin a kim apam a a gal teng pawl bawl kik a, SAC lamah kipawl in Chin State sungah a deih bangin kilal sak theih nadingin lampi sial uh hi. Tedim ah SAC leh a langdo PDF te bang mah kisiatna omlo dingin kimu ci hi. Tedim lak nading sum leh pai zonna ah paulap nei hi mah leh, Tedim ah PDF te lah suak ta takin vak thei, SAC lah vak thei, kumpi huhna lakah siah kaihna hang hi ding maw, Tedim kuam ah Benglo ciin na hang hiam cih pen mipi-in hoih sa lo cih thugen khia uh hi.

Zogam Charter bangin kalsuan na ah SAC in Zomi gam sungah vui leh tangtawh hong pat masak kei nak leh Zomi te’ deihna suah takna pen a thuleh alaitawh kikal suan tawn tung ding cih pen Zomi Movement thukimna ci uh hi. Zomi makai pi te ngimna leh deihna ahih leh Galkap leh politics ah thupi takin i din zawh nading pen amau lungtup leh KL 2019 Zomi International Khawmpi thukimna te mui tumin Zomi Federal Democracy tan ah kikal suan ahihna ki cian takin policy te tungah mipi theih ding laikung laidal tawh Zomi te ki makaihna om khin uh cih gen khia hi. Kam tawh gen zuahzuah manin Zomi gam akip ding hi khin loin Zomi te laitawh thu leh ki cingtak Zomi te din mun leh mai lam Zomi Movement nam dangte nuai siah maimai ciangah ki om lo dingin Zogam Charter hong pianna leh Malaysia Zomi Khawmpi kum 2019 thukimna te lam to in ki thuk lut mahmah ci hi.

Zomi gam sungah Zomi te’ ki makaihna hangin hong nawk sia nuam CNA leh a khem zawh teng sum tampi tawh a zol zawh phat deuh tengin Zomi hihna si ngamin a langpan uh ahihna Tonzang PDF khwl khat in gen khia hi. CNA in sum zong pia uh a, ko tawh kipawlna nong neih uh leh kong mawh puak pih ding uh a, Zomi galkap ten hong kap leh kong an pih ding uh hi. Ko tawh kipawlin spring revolution paulap in khuapi te i lak zawh leh na kem ding uh cih tawh Aiza longek zol a tuak kha teng sum leh pai duhin benglo pa in alak lungkim lo, CNA piak lungkim lo, mite neihsa inn te zuak in siat tatna lamah pai zel uh hi.

Zomi Political Coordination Council ZPCC/ZRAEC lungtup in Zomi leh gam kembit masa ding ahi hi. Khua sung leh khuapi te kemin buai na om loh nading numei naupang pen kikhual masa ahihna Zogam Charter kip letin kizah takna thu gen hi. Myanmar gam sungah နွေဦးတော်လှန်ရေး paulap in khuapi kikap sa teng i et ciangin SAC lak kikna leh supna tampi kimu khinta uh a, galtai gen thei haksa kibeh lapin CDM teng zong kivakna ban samin mi tampi om na thugen uh hi. Zomi ten thaumuk tawh do masak loh ding Zogam Charter in a gen ciangin SAC langdo lo bang lo hi a ci min dai nuam ten gen uh hi. Zomi makai ten nak do lua SAC in deih takin hong uk hun in zong Zomi te deih suahtakna pen tu’ ni dong kikhah suah lo cih gen khia hi. 

Myanmar gam din munah thaumuk tawh kipatna in suahtakna sangin siatna tampi hong tun ahihna mipi in mu khia uh hi. Thaumuk tawh kipat ciangin SAC zong kum70 pen amau kalsuanna leh thahatna ahih manin suahtakna ding haksa ci uh hi. Gam dangte ah hi bangin mipi in suahtakna a lungphona a bawl ciangin bang hangin lwh cing hiam cih leh mipi lamah galkap te kipawl pih pah theih ahih manin mipi deihna gual zo uh ci hi. Myanmar gam sungah mipi-in bang zahin SAC ukna deih loin lungphona a ki nei phial zongin galkap khempeuh mipi lamah hong pang lo uh ahih manin Min Aung Hliang lamah thautawh galkap teng kipawl manin mipi deih suahtakna Democracy in gamla semsem uh ci hi.

Zomi namte deih ahi Zomi Federal Democracy cih te tu’ leh tu’ in kingah pah khol lo dingin thu zong hi. Hun khat ciangin zong gam kikhel leh a vang ciang zong om thei ding mihing lampan in muhna uh ahi cih gen hi. Kum 70 sungah minam makai khat genna ah Kawl ten a thu uh a zuih omlo, a gual zo ding om leh lam tuamtuam tawh hem khia uh, kum 2025 kitelna pen thukhun 2008 nuai ah thute ahih manin party lian khempeuh in lui sawm lo, NLD zong lutsak lo uh ahih manin kitelna lut ding pen a thahat te deih loin amau nuai ah om thei nam teng ngah sak uh ci hi.

Zomi ten Zomi Movement kikhawl san thei lo ding ban ah Zomi gam sungah Zomi te thuneihna leh deihna te lung nuam takin a gam mite i ten nading hong uk nuam gal neuneu teng a beisa te sangin a khauh zaw in kidal ding uh ci hi. CNA in hong mu dah sak Zogam Charter leh ZPCC/ZRAEC kalsuanna lampi te bang zahin hong khak tan nuam mah leh Zomi leh Zogam ading sisan lum laiteng gal hangsan ten kidal ding ci uh hi. Zomi gam sungah khua tuamtuam ten mipi galkap leh mipi te tawh kitel khelhna a om loh nading leh kipawlin thahat theih nading pan lak khawm ding kisam ci hi. Kum 2021 kipat kha 5 sungin thautawi ten mipi cik ze loin a that lum ziauziau hun bangin gamta lo ding hi hang, zang gam lamah hi banga thusim puak uh cih tawh mi that ziauziau pen နွေဦးတော်လှန်ရေး hun hi nawnlo ci hi. Kum 2021 kipat kum khat hai

 sungah နွေဦးတော်လှန်ရေး hu hau in mi mawk sih thukician loin tam mahmah cih news tuamtuam ah kigen hi. 

Zogam Charter hangin Zomi gam hong bit semsem nadingin ZPCC/ZRAEC in Zomi Khawmpi maban te a tak suah nading han ciam pen in nei uh ci hi. SAC in amau nawngkai sak te a diam Zomi gam khuapi mun pawl khat ah Bomb khiat ding cih kiza hi, Khalkha pen SAC tawh kipawl vet uh a, Falam zong a nawk loh nadingin CNA a keppih uh ahi hi. CNA makaihna amuang kha tengin CNA pen amau langah om ta uh hi. PDF kicii diak leh SAC langdo teng pen CNA/SAC gal leh suak uh hi. CNA in lam tumtuam tawh a policy khek zelzel uh pen Zomi makai tengin a tel sa uh ahih banah mai lamah hi sangin ki deih lo zaw semsem ding din munah ZPCC/ZRAEC Eastern Command in ciam teh uh a, cik mahin hi dan namte tawh ankuang ki sawk khawm thei ngeilo ding ci uh hi.

http://www.zbc.news

#CORRESPONDENT#BENGHLO#TEDIM#