ZOMI POLITICAL COORDINATION COUNCIL ZPCC/ZRAEC

—————————————————————

(ZOGAM CHARTER KUA TE IN ENDORSEMENT)

Zomibup thukimna leh ZIUSA hanciamna tawh hong kipan khia Malaysia KL Khawmpi 2019 lwh cinna thu te abanban in tu’ hun ciang ZPCC na kisem kikal suanpih ahih manin mipil leh misiam te et cianna thukimna letmat tawh kumnga sungah hong kizang khinsa Zogam Charter pen tu’ nai-in ZIUSA in lakkhiatna hangin mi tangpi khemgkhat ki thei siam lo kha thei ding ahih manin Zomi hihna a panpih lo hong suak ding uh ahi hi. Zogam, Myanmar kilam nading leh Zogam Charter sungaj Zomi Tualsuak Thuneihna deihin a sem te in apanpih tawntung ding uh ahihna dik apom ahi hi.

Zogam Charter sungah biakna, khua leh tui kipawlna, gam tuamtuam sungah Zomi kipawlna te in kihel hi cihna te om khin mah leh ZIUSA pen hong lak tai kha ahih manin bangthu hangin amau Endorsement panin lakhia cih pen Zomi hihna leh minam veina panin pengkhia nuam uh ahi hiam? cih ding thukhat om ci hi. Zomi Political Coordination Council ZPCC kalsuan pih Zogam Charter pen mipi tungah kipaipih khinsa leh, ZPCC/ZRAEC in hunbeisa kum5 huam sungah galkap luangtampi kipiakna, Zogam Charter sisan tawh kilei Pu Moses Kim Tuang luangin Zogam Charter thupi ahihna hong thanghat sak ahi hi.

Zogam Charter pen mi maimai laigelh leh mi mawkmawk thukimna bangin kikip sak zenzen lo ahih manin ZIUSA in a lak khiat hangin gam tuamtuam leh USA gam sungah Zomi Innkuan local kipawlna khengkhat te in panpih tawntung uh cih thu kiza hi. Zogam Charter tawh kizom thei kipawlna gam sawmli val ah Local kipawlna leh biakna pawlpi, khua leh tui kipawlna in endorsement pen Zomi kitaisan theilo ding ahih manin Zomi Tualsuan Thuneihna Zogam Charter thubul te tangtung masiah Zomi khat peuh mawh puak ahi hi.

Zomi Political Coordination Coucil ZPCC/ZRAEC cih pen Malaysia Zomi International Conference sungah a kisam a pai khawm makai leh biakna sia leh gamtuamtuam panin kipawlna local tuamtuam te kihel in Khawmpi thukimna te siksan in Zogam, Myanmar ading thupi takin ZPCC sepsa leh maban om khinsa te ki kal suanpih ahihna gen cian hi. Mimal deihna thugen, mimal ngaihsutna thugen om zongin tupna kician laikung laidal Zomi tangpi tangta in ki cian takin i muh theih ahi Zogam Charter(Zogam Thu Tangko) sim cian in tua tungah mi pi deihna leh mailam ding te kimu toto ding uh cih ahi hi. Zogam Charter ki cingkhin hi cihna tawh akip pai suak ding hi khin lo hi, mi khengkhat in ki cing lo hi, Zogam

Charter pen puahphat huai hi a cih pen thuman hi a, puahphat hun ding leh Zogam, Myanmar din munah Malaysia KL 2019 Khawmpi i sap zawh ki masiah mimal deihna bangin puah pak theih ding ahih lohna hong ki musak hi.

ZPCC/ZRAEC cih pen Malaysia KL 2019 Khawmpi thukimna panin hong lawh cinna ahih manin Zogam Charter sungah Zogam Myanmar ading ZRAEC pen kipsak in galkap mang dingin Pu Min Thang mah kiseh pah ahihna laibu sungah om khin ta hi. Zogam galkap mangin ama vaipuak leh din munah Zogam Charter sungah om Zogam kicihna teng Zomi te thuneihna ahih manin tu’ leh tu-in Zogam Charter laibu sungah thu bangin ki let pah zenzen loh hangin ZPCC/Zomi Revolutionary Army Eastern Command ZRAEC in Zogam Charter pen mipi leh galkap te in lungtup leh deihna tum belin kinei ahi hi. Zogam Charter bangin kalsuan kei leng Zomi te kamgen bek tawh gan hawl bangin lam kipial kawikawi ding ahih manin hun lapin Zomi Khawmpi kum2019 in Pasian hong kai khawm in tu’ in tua thute kipai pih hi, cih pen manpha kisa hi.

ZIUSA han ciamna tawh Malaysia Kl 2019 Zomi Khawmpi kinei zo a, tu’ in Zomi Political Coordination Council ZPCC tawh kizom nawn lo zah dongin Zogam Charter pen Endorsement pia ngam lo zahin Zogam, Myanmar minam kalsuanna panin a la khia masa pen hong suak kha hi. Zogam Charter kua te in Endorsement pia uh cih pen Local Zomi Innkuan te in pia a, Zogam tuamtuam panin zong kipia uh ahi hi. Zomi tawh kizom Zomi leh Zogam thute a pom leh apanpih nuam mite in ZPCC/ZRAEC apom ding pen thuman ahi hi. Zomi Movement nasem khat in ama vei hun ciangin a omsa Thumeilet pial sanin gensiatna leh lam tuam tawh Zomi vai khat peuhpeuh paipih nopna pen thuneih nopna leh langpan nopna hong kimu sa hi hi.

Zomi Political Coordination Council ZPCC/ZRAEC in Zogam Charter tawh kalsuanna ah kum ngah spring revolution hun in makai te gensiatna, langpan na, thuneihna pan khawl sak nopna, Pawl khat ten Pu Thang Lian Pau hopihna panin thuza in, pawl khat ten sum leh pai khak Pu Min Thang khakna panin thuza in, ZPCC panin CFO kammal danin galkap te tungah zuau phuak uh hi. Hi bang thu tam nianua teng banah Zomi Revolutionary Army Eastern Command ZRAEC sung panin khamtheih tawh buai, numei tawh mawh, zuu leh zaa kham theih lohin a taikhia galkap ki tawp sak te-in zuau thuphuak in, sum leh pai apia zozo te’ tungah ZPCC/ZRAEC kikal social media ah zuauthu tampi hong puak uh hi.

Zogam, Myanmar minam vai ZPCC/ZRAEC te’ thuneihna ahih manin Pu Min Thang Commander and Chief leh ZPCC pan in CFO Pu Go Sawm te tungah thuneihna mawhpuak om uh ahihna mipi theih khitsa banah kheltat nuam khengkhat te in amau kam zat ding bangin thu na phuak thei uh hi. Kum 2021 panin SAC gamtatna te panin thautawi tuamtuam te hong lawh cinna leh adin munte ngaihsut kawmin ZPCC/ZRAEC akipan Zogam Charter dongah hawm thawh te nasepna leh Tonzang gal bei nadingin Zogam Charter mawh sak nuam mite in tu’ bang ciang hiam cih pen mit a muh theih om ta ci uh hi.

Zomi Political Coordination Council ZPCC din munah Zogam Charter siksan in Malaysia KL 2019 Khawmpi maban te kikal suan pih hi. Myanmar kitelna hun ngak kawm in Zomi te din mun leh mailam ding ZPCC in sawt loin thukupna leh abeisa kalsuan na te kimuhna om thei ding cih thupen ZBC news gensa thute ahun zui-in Correspondent in Suak sak zel ding hi. Zomi te sungah mi deihna thuneih nopna tawh buai hun hi nailo ahih manin thu onsa Zogam

Charter thute siksan nuam Zomi Movement nasem nuam khatin ZNV Corps sungaj pawlmi suahna neih huai hi. Huang pua panin thugen na sangin inn sung panin thugenna in mi kician leh mi picing khat hihna hong ki lang sak hi.

Zogam Charter lawh cingin kisam te puahphat hun hong tun nading leh ZIUSA endorsement alak khiat hangin Zomi Innkuan Local leh biakna pawlpi minam a it te in ZPCC leh Zogam Charter kikhen theilo ahih manin KL2019 Khawmpi Thukimna hong lawh cingin thusiksan tawh ki makaih siam dingin Zomi khempeuh han ciam in Zogam Charter tungah lungsim zahtakna leh piciin na puak kim dingin ki deihna thu Topa’n Zomi gam ci dam sak ta hen! ZPCC leh Zogam Charter kua te in endorsement thei ding akik next ZBC news correspondent in zom lai ding kikam en hi.

ZPCC/ZRAEC

Zogam Charter(KL2019Khawmpi)

www.zbc.news

#Correspondent#Zogam Charter#Endorsement#ZPCC/ZRAEC#