ZPCC/ZRAEC IN LUNGDAM PIHNA ZNC/ZCD
—————————————————————
(Kum sawmthum leh kum sagih ZNC/ZCD)
Zomi te minam vaileh galkap vaiah minam veina hong pan khia phungpi ZCD lungdampihna.

Zomi khempeuh namdang lakah ahi zongin Myanmar gam sungah minam tuamtuam tengkhawm lakah ahi zongin Zomi te minam leh itna thu ah tu’ ni ciang din munah Minam vaiah kipawlna leh pan lak theihna Zomi hihna tawh minpua-in tampi hong pian theihna dingin kum sawmthum leh kum sagih sungah Zomi Congress for Democracy kum sawmthum leh kum sagih sungah Zomi te’ ading galkap maiah nuntakna luang khamin ma hong pangin Zomi te’ tualsuak thuneihna Zomi gam sungah om kik nading minam makaihna ZCD party ပါတီ in tu’ ni ciang thukhun thumeilet kiip takin dinpih in hong sep zawh uh kum sawmthum leh kum sagih cinna lungdampihna thu leh ZPCC/ZRAEC kipawlna in abei khempeuh ZPCC Department of Finance abei teng pia uh cih thu kiza hi.

Zogam khantohna dingin Kawl kumpi thuneihna panin Zomi te minam kiciankhat hihna te hong thusim nading leh Zomi gam sungam Zomi Tualsuak Thuneihna ki-ukna Zomi te in ki ngah nadingin ZCD a kalsuan pih Thunamli pen khasuah sawmlo, SAC in lam tuamtuam tawh hong heisak kawikawi mah taleh Zomi ading kipiakna leh tupna thu khempeuh gual zawhna ngah ma tengin kum tampi maban ah Zomi khangthak te zong cih takna leh tupna thu ah kip takin minam ading nasepna han ciam ding leh makai masa te etteh ding thupi mahmah cih thu mipil khatin lungdam pihna thugen khia hi. Zomi sungah ZCD in tu’ ni ciang bang hangin SAC a register thak bawlsak zel, bawl kul loin lem sak thei zel uh cih pen amau politics kimawl ziah uh Zomi te’n i theih sa ahih manin lung kham dingin ki ngaihsun masa lo ci uhhi.

ZCD in mualtung mi kipawlna lian tengtawh thukimna bangin kum2008 thukhunte a kipuah kik masiah in kitelna leh party sanna leh lutna cih te kipaipih lo uh ci hi. Mual tungmi kipawlna PRCF tawh thukimna te zahtak in kum2008 thukhun galkap bawlte hong puah in Federal Democracy lampi tawh kituak in kipuah masiah Myanmar gam sungah cik mah hunin ki-ukna man taktak om zo lo ding ahih manin tua thute khan loin galkap kumpi tawh kilemna puah phatna om ma siah pen mualtung mite kipawlna thukimna in lut lo ding cih thu ahi hi.

Myanmar gam sungah buaina hangin NLD leh SAC kikal ah thuneihna kituhna hangin mipi tungah haksatna buaina tampi hong piang khin a, sihna zong Zomi te kisai lo takin ki tuak uh hi. Hih bang thute hong pia’n ma in Malaysia gamah Zomi leitung Khawmpi kum2019 kum ki bawl thei khin masa uh hi, hih khempeuh Pasian thupha tawh Zomi te’ mai lam maban ding thukimna leh Zogam Charter siksan in Zomi Political Coordination Council ZPCC hong pian khiatna thute banag Zomi Revolutionary Army Eastern Command ZRAEC, Zogam Myanmar ah om theih nading kipsakna thute ki neih theih nadingin Minam kipawlna, Pasian na sem te, khua leh kipawlna minam party makai khempeuh Malaysia khawmpi ah kum2019 kumin kibawl khin a, tua panin thukimna thute maban khempeuh ZPCC/EC ki zom to suak ahihna thu mi khempeuh in theih khitsa hi mahleh mai lam maban limcii te ki nawk toto ta ding ahihna thu ZBC news media tungah hong puak uhhi.

Zogam Charter thukimna ah thukimna suai a kikaih khit ciangin hih thute kibulletin kikal suanpih ahihna thute ban ah minal deihna bangin thudang siksan in ZPCC/ZRAEC in paipih ngeilo ahihna thugen uh hi. Lungdam huai thukhat ah minam party tawh thahat in kalsuan nading zong lam etna lianpi om toto uh hi cih pen upna leh lametna ahi hi. Mihing lampan in sep zawhna tantan kisem mahleh ei deih bangin thukhat vaikhat peuhpeuh a piang pahpah ahih lohna thu zong mipi te’ theih dingin ZBC news gen khia hi. ZPCC/ZRAEC, Zogam Myanmar gamvai madawk kalsuanna ah abeisa hunin Zogam Charter siksan in thaumuk tawh kikap masak loh theihtheih ding pen mipi leh Zomi te neihsa inn lelo khualna ahih manin thukhun bangin tuate kipai pih lo ahihna Zogam Charter sungah thumasa ahi hi.

Zogam Myanmar din munah SAC sangin ZPCC deihna leh kalsuanna thute hong phuktan nuam pawite kimawlna in Zomi te neih mipi galkap Zomi Revolutionary Army Eastern Command ZRAEC pen tam veipi hong nawk khitsa banah tu’ nai in zong Tonzang gamah om ahi CNA pangbel khemsa Pa Thang Suan Mung sanggam I’aw te thautawi makaihna CNA pangbel belin SAC ukna pan amau inn tual sung ciangah thu aneih theih khak leh cihna hangin CNA muanna hangin mipi leh Zomi galkap te’ tungah siatna tam veipi hong bawl makai terrorist khatin ZRAEC in a ciapteh uh ahi hi. Tedim lamzikpi khak tanin mipi haksatna a tungsak Pa Thang Suan Mung CNA khutzat in Benglo panin sum avalin a lakna leh Benglo kham ding hileh I’aw tengin haksatna tuak masa pen ding uh cih pen Phaitu khuami khatin kician takin a genkhia hi.

Zomi Political Coordination Council ZPCC in sawt loin Kawl kumpi kitelna leh mai lam maban ah Zomi te’ kalsuan zia ding kikupna lianpi neih ding gel uh cih zong thukiza hi. Zomi khempeuh minam leh gamthu ah vei theihna hong pian nading phulum phulna nading leikha in petlet acih bangin Zomi Congress for Democracy ZCD zong kihel mai thei ding cih thukiza hi. Zogam Charter thusim loin Malaysia KL2019 Khawmpi thukimna te ki cingsa loin minam veina Zogam, Myanmar ading nasem te in khawmpi maban te mah honglul let ding pen deih huai mahmah cih pen kithutuahna lampi masa ahi hi.

ZPCC/ZRAEC in abeisa kum2021 panin kimleh pam panin CNA in lam tuamtuam tawh hong kapin Zomi sungah thu hoih leh thupoi tawh ZPCC/ZRAEC hong kinawk mahleh hite buaipih tak masa ahih loh manin makai te in a sep ding uh maban te semsem lel cih pen ZPCC media tanu te khatin kician takin a gen zelzel thu hi. Zogam Charter Zomi te khua leh gam tengin a sungah om bangin i kem toto ding uh hi. Mi dangleh nami dang te thuneih theih nading om lo ahih manin sep ding thute han ciam in Zomi ten thapia in mapan khop semsem ding thupi mahmah ding uh hi.

Zomi Political Coordination Council ZPCC in Malaysia khawmpi thukimna Zomi galkap mang dingin Pu Min Thang in Eastern Command ah hong makaih mah bangin CFO Pu Go Sawm in amah sepna ah hong makaih hih te khempeuh thutawh siksan nei-in kalsuan te uh ahi hi. Tu’lai social media khawngah minal laiat leh ut bangin kampau thugen te tatzia bangin minam
makai te kikal suan ahih loh manin Zogam Charter tungtawn in Zomi Tualsuak Thuneihna bek siksan in Zomi te ading kisem kipia khia uh ahi hi.

http://www.zbc.news

Correspondent#ZPCC/ZRAEC#ZNC/ZCD