Zomi Political Coordination Council ZPCC/ZRAEC

———————————————————

(Eastern Command Siamsin thak a 40 zawhna)

Zogam sungah Zomi te’ mai lam dingin han ciamna tawh Zogam Charter thumeilet din pih dingin ZPCC in Malaysia KL 2019 Zomi Khawmpi thukimna te mah bullet in Zomi Federal State khat din munah kal suan zawh nading leh vai puak tampi thulela te khempeuh tungah kilam zia dingin siksan Zogam Charter maban leh KL khawmpi thukimna maban khempeuh Zomi in mawh puak in ki nei thu khat ahi hi.

Malaysia KL khawmpi panin Zomi Revolutionary Army Eastern Command ZRAEC kikip sakin tua lai panin ZPCC galkap din munah Pu Min Thang zong kiseh pah ahih manin tu’ ciang Zogam din munah galkap lamah ZPCC department of defense ah kip sakna leh Zogam Charter leh khawmpi thukimna teng mah gual zawh nading leh Zogam hong kembit thei dingin galkap mang in kipsak uh ahi hi.

Kum2021 panin Myanmar ki-ukna hong sia mahmah ahih manin kum nga huam sungah SAC galkap sangin CNA leh a khemsa sungah thautawi tengin Zomi Revolutionary Army Eastern Command ZRAEC pen hong neh thawh mahmah uh ahi hi. Pasian hong makaih na vangin sak lam panin zong ZRO ten hong vansuk leh hong huh mahmah a, gam dang panin zong huhna tuamtuam panin ZPCC tung panin a tawn kei zongin kipawlna khat peuh tung panin ZRAEC ading huhna tampi kisepna te hang mahin kigual zo din munah ki om ta ci uhhi.

Pasian in kum ngah huam sungah ZPCC/ZRAEC galkap siamsin hong nei sak zelin tu’ nai diak in zong zawhna pawi khamna Zomi Galkap mang Pu Min Thang in neih pih theih ahih manin lungdam huai mahmah hi. Zomi Tualsuak thu neihna lawh cin nading nam dangte bangin hat zawk theih nadingin Zomi Political Coordination Council ZPCC hanciamna tawh vai tampi mah kisem khin cih thu kiza hi. Zogam

Charter siksan in ZPCC leh Eastern Command pen ZPCC huang sungah om ahih manin khawlpi thukimna thute mah bullet in minam ading sep theih tantan ah ZPCC in hanciam na pan lak uh thu ahi hi.

Zomi ading sepna tampi kipawlna tampi om zongin khawmpi pai khawm teng thukimna leh Zomi te’ mai lam ding lam etna te simsan in ZPCC in kisam bangin EC tawh mapang khawm ahihna thu gen cian hi. ZPCC din munin mailam maban ading vai tampi neih mah bangin abeisa ZPCC department of finance tungah sum na pia kim un cihna thute makai pawl khatin ki deih kei mah meh leh paizia kalsuan zia thute picing a suah theih nadingin ZPCC finance department tungtawn in huhna sum ki zong den uh ahi hi.

Zomi Political Coordination Council ZPCC tungtawn in hong pia zong om a, ZRO in amau deihsakna leh panpihna hangin kilemnna hong tam nading cihna tawh amau lam panin zong piak theih nading na gel uh a, sumleh pai zekna leh kalsuan na ah ZPCC/ZRAEC tungah lh theih kician pen ZPCC finance panin pai teng pen galkap mang Pu Min Thang in theihpih ding ahi hi. Tua lo a tuamtuam pan apai khempeuh galkap sungah kilak zek zong om ding, ZRO in amau hoih a sakna mipi theih a kisam lo zongah sem ding piakna om mah bangin ah minam leh gam ading vive kisem cih thu Finance department in gen uhhi.

ZPCC/ZRAEC in galkap om ciang bek hi loin mipi deihna leh panpihna om mah bangin mai lam din mun galkap in zong Zogam Charter khawmpi thute siksanna ah mipi tungah gamtat luhek zia, ki-ukna leh kivai puak zia kham theih lo sem leh Zogam ah Bengvai te Zomi te’ ading bei nading kham theih guih theih khempeuh ZPCC/ZRAEC mipi mawhsakna a mah bangin thukikum in hong gel phat mahmah ding mipi-in deih mahmah uhhi. Thautawi khat peuh leh mipi-in ahi zongin Zomi te Pasian nungta bia hihna hangin Zomigam sungah Pasian deih lohna te panin Pu Go Sawm ZPCC/CFO leh Pu Min Thang Eastern Commander and Chief hihna Zogam Charter sungah vai puak lakna din munah na sep ding uh thute mantak in nong han ciam ding uh mipi-in ki lunggulh mahmah cih thu mipi tung panin kiza hi.

Zogam Charter cih pen minam makai khat peuh theih kisam a, minam dang thute theihzah kan zah mah bangin mipi makaihna ZPCC/ZRAEC in zong theih kisam mahmah thu ahihi. Minam makai leh din munah om khatin siksan thute mipi tungah lam hilh kisam a, mimal deihna leh mite’ langpan na thute tawh thanem tuan lo ding kisam ci hi. Tu bangin lam ahilh ding makai te’n Zomite’ lunggulh leh lungtup thute thumeilet te adiak in makai te mahmah in zuih pahna leh mipi tungah tuate mah tawh nasep kipat dingin kipan tah leng ki zekai nawnlo ding uh ahi hi. ZPCC/ZRAEC in makai ciang bek, galkap ciang bek hihna din mun hi loin na din mun uh Zogam

Charter siksan Zomi Political Coordination Council ZPCC pawlpi sungah omsa na thute uh nong han ciam ding uh mipi deihdeih thu ahi hi.

ZPCC/ZRAEC in Myanmar Zomi vaipuak kikpsakna thute Malaysia khawmpi maban te mipi-in hong theihpih pah kei zongin makai teng hanciam in Zogam ading nong thasial

loh ding uh mipi in kong deih mahmah uhhi. ZPCC/ZRAEC kalsuanzia sungah Zogam Charter sisan luangleban tawh Zomi ading lampi kisial khinsa hi a, kum5 huam sungah ZPCC/EC in Zomi leh Zogam ading galkap luang tampi mah tawh Zomi Federal gamke khat kilei toto khinsa ahi hi. ZPCC/ZRAEC in minam leh gam ading asii khempeuh minleh sazian te phawkna te hong bawl zel dinguh mipi ten deih uh hi.

ZPCC/ZRAEC hong panpih sangin hong langgen leh mite tungah thudim lo zuauphuah thute agengen te nikhat ni ciangin Pasian dan pia veve ding uhhi. Makai leh galkap te zong ZPCC thumeilet tetawh kituak in hong sep tuan kei uh leh Pasian mah in mawhsakna pia veve ding uhhi. Tua ahih manin makai te zong ZPCC/ZRAEC in Zogam Charter leh ZPCC policy te mah nong kip let ding uh a, mipi te in zong thuman a theihtheih nading in makai te nungzui siam in Zomi Federal khat din mun tun zawh nading kipum khat takin na sem khawm ding ahi hi.

Tonzang khuapi ah om ten mipi dahna haksatna tam ahih manin ZPCC/EC galkap te adeihna thu kiza uh hi. Zogam sungah thautawi CNA khawng om sangin ka laizom te hong om leh deih zaw ta ing cih thukiza hi. ZPCC in Myanmar နိုင်ငံရေး khut tung lumlet bangin kikhel mengmeng ahih manin kisap hun ah sep theih pahpah dingin om den cih thu makai khatin gen hi. ZPCC/ZRAEC sungah galkap nasem zuudawn, khamtheih leh zaa cih a zang peuh mah a tamzaw tai khia uh a, pawl khat mawh zongin paikhia zel lut zel cih pen EC lampan ZPCC Information and Media tung panin kiza hi. Zomi galkap khat in zuukhamsa leh khamtheih peuh hih sa in om sangin makai te zahtakna leh Pasin zahtakna tawh minam leh gam ading kiciamna thute thupi ngaihsut leh thum ngaihsut in hong sep ding uh kihan thawn den ci hi.

Zomi Political Coordination Council ZPCC/ZRAEC in Myanmar kitelna SAC maban ding leh ZPCC maban ding bang ciang cih pen ZBC news correspondent in akik ah thusuahna nei ding hi.

Zomi Political Coordination Council ZPCC

ZPCC/ZRAEC

www.zbc.news

#Correspondent#ZPCC/Eastern Command#