ZOMI MINAM THU KEH GAM THU

—————————————————-

(KHAT VEI KI NEI KHIN TA)

ZOGAM CHARTER ZPCC/ZRAEC🟥🟩🟨

Zomi Political Coordination Council ZPCC in abeisa hun sungah Zomi te ki vai puak zia ding han ciam in tu’ ni ciang mai lam maban ding thu tampi gel kholhna om bangin a kal suanna thu mi ki cian khat in gen khia hi. Zogam Charter in tu’ din munah zuih theih nam om dinga tu zawh kum nga ah zong zuih theih om to panpan ding thu ahih manin Zomi Thu Tangko ahi Zogam Charter lawh cing takin hong bawl khia thei uh hi.

Zogam Charter tawh ki ton Zomite deihna thu hun tom leh hun sau sep ding maban gelna om khempeuh ZPCC lim tak a neihsa thu te siksan in Zomi sungah minam ading pan kilak zawh kum tampi pai zo uh ci hi. Mi pawl khat in ki cing sa uh a, mi pawl khatin ki cing sa nailo uh a, ahi zongin Zogam Charter (Zogam Thu Tangko) kisapna tampi om dinga mai lam ah anih veina Zomi Khawmi kum2019 hun lai bangin ZPCC in sam kik leh tua hun ciangin thu leh la tampi mah kikhel ding leh puah ding om kha ding ci uh hi.

ZPCC/ZRAEC akipan Zogam Charter te nawl khin in minam makai te na sepna te endorsement lo kipawlna om a, tua bang kipawlna makaihna in Zomi sungah Peace daihna om thei ngeilo ahihna thu gen uh hi. Zomite minam thu leh minam gam sungah tupna leh sep ding thu gelna a omsa ZPCC in zuih ding bylaw thukhun cih tungah mimal na sepna zia ding omsa ahih manin minam makai pite kihel lohna ah daihna om thei ngeilo khin muhsa hong suak hi. Zomi sungah makai din munah zingvai hawm nuam ki om in Zomi galkap te tungah ngaihsut piakna tawh thu hilh nuam zong tampi ki om hi.

Zomi Political Coordination Council ZPCC in maban liim ci takin bylaw thute a neihsa mah bangin Zomi ading veina leh sepna a nei nuam khempeuh in Zogam Charter leh KL2019 Khawmpi thukimna tawh maban pai zia leh kalsuan zia a pom mi te in thuman ahi hi. Tu’ hun minam vei dan lak lawhin ZPCC/ZRAEC tungah thuneihna leh hawm thawhna hangin minam makai te kalsuan na subuai tampi om ci hi. ZPCC in ama din mun pawlpi kilamzia maban tampi gelsa banah ZPCC Department of Federal Affairs in Zomi ading maban tampi han ciam cih thu gen hi.

Zomi Political Coordination Council ZPCC pawlpi-in department khempeuh maban lam zang takin han ciam a, social media khawngah huih lak khua panin kampi bek tawh mi thulak loh khengkhat in makai te kam pau khiam loin to bawlna, Zogam Charter khawng mi khat leh kipawlna khat peuh deih bangin paupih thei lo ahih manin simsan leh Thukhun tawh kalsuan zia tungah gam tang bek uh ahi hi. Zuih ding thu khempeuh a om khit ciangin minam leh ham ading sepna kipan thei pan hi.

Tulsa Zomi khat thugen na ah ZIUSA in minam kipawlna tuamtuam lakah Zogam Charter khawng nawl khin in, India Lamka kipawlna khengkhat mah zong nial khin uh a, ZIUSA makai kum nih subg sem ding te Peace bang bulphuh in conference khawng neih sawm ahih manin lem mah ding hiam cih a muh sungah ZPCC/Zogam Charter nawl khin zo a, bangci kilemna om thei ding cih thu gen khia hi. Kipawlna khengkhat in Zomi Political Coordination Council ZPCC pawlpi sungah Department teng kihel lo ding cih up mawhna nei hi.

Myanmar kitelna Election hong ma zang kik bilbel ahih manin Kawl kumpi zong zan khat thu-in amau နိုင်ငံရေး pen khut tung lumlet bang ci uhhi. ZPCC din mun kician tak tawh mipi hong makaih pen thu maimai lo cih thu gen hi. ZPCC a gensia in a langpang te na sepna te amau sungah buai zawkna thupoi mawh om kha zaw ding ci hi. Malaysia KL 2019 Khawmpi thukimna langbawl in minam vei cih pen zuau phuak siam uh ahi hi. ZPCC pawlpi sungah kilam zia te Khawmpi thukimna ma zaang suak thei ding mai nawt uh hi.

Zogam Charter ZPCC/ZRAEC vai kipuakzia khempeuh makai te in a zuih mah bangin mipi tungah Zomite in theih mahmah ding kisam ci hi. ZPCC in thu manpha Zomite lungtup thute kician takin a neih mah bangin zuih ding zong mipi in han ciam leng hun sawt loin ki thei dinh ci hi.

Zomi sungah mimal thusanna leh Zomi leh minam gam sung langpan na video leh man tuamtuam om thei mah ding hi. Zomi Revolutionary Army Eastern Command ZRAEC in Zomi Gam thuneihna leh ukzawhna nei mah diam cih dotna bangin mimal muhna agen na tawh ki ton in galkap din munah Zogam Charter siksan in Malaysia KL Khawmpi thukimna siksan in mipi tawh ki makaihna ZPCC pawlpi-in ama din munah Zogam Charter hihna Department tuamtuam tawh malakna anei ahi hi.

Zomi Gam sungah SAC ahi zongin PDF leh CNA in bang zahin hong nawkna thu ah Zomi Political Coordination Council ZPCC kikam zia hong buai sak nuam ahihna thu hang ahi hi. Zomi khat in minam thu ah Zomi leh minam mai lam thu kalsuan zia theih nadingin Malaysia KL Khawmpi thukimna siksan in Zogam Charter bullet in kipai ahihna thu theih huai ahi hi. Zomi Revolutionary Army Eastern Command EC in ZPCC pawlpi sungah thukhun leh tu’ laitak din mun leh mailam saupi din mun ading tupna thu tetawh kalsuan ahih manin mipi sungah buaisakna, gitlohna cih bangin mimal galkap om khak leh amah tungah mawhsakna thu kipia cih galkap mang EC in general hi.

ZPCC pawlpi lwh cin theih nadingin Zomi khempeuh ahi theih bangin Malaysia KL 2019 Khawmpi khat veina kisap zawh manin thu tampi thukumna mah hong po khia hi. Hih Khawmpi sungah kihel zong makai leh mi pawl khat leh kik zong om mai thei a, ahi zongin hih KL 2019 Khawmpi in mipi thukimna tawh kilam khia hong po khia Zogam Charter a kipan ZPCC lungtup in Department of Defense ah galkap mang kikipsakna tu laitak a sem Pu Min Thang zong khawmpi ah kihel mah ahi hi.

ZPCC kalsuan zia bangin Khawmpi bawl nuam khawng aom khak leh Zomi makai ZPCC pawlpi tel loin lwh cinna om khinsa suak hi. Zomi kipawlna khat peuh in a thusim kei zongin Zogam Charter din mun pen Zomi leh Gam ading adin kun sang mahmah khin thu ahi hi. ZPCC/ZRAEC thusim loin endorsement khawng i neih kei khak leh Zomi leh minam gam sun nasepna peace a om lo khinsa ahi hi. ZPCC/ZRAEC a din mun ah om khinsa ahih manin khawmpi thukimna tawh gamta ahih manin deihna leh mimal san bangin Zomi leh Gam sungah kihel mah ahi gamta ahih lohna ZBC news tungah Correspondent in mu khia hi.

Zomi leh Zogam apuah a zun nuam mimal khat peuh in Zogam Charter din mun leh ZPCC pawlpi kikamzia thukhun bylaw kan cian loin theihna om loh manin a gensia te khemna leh lungsim hoih lo te mi zol siamna sungah awk khak uh ahihna makaipi khat in kician tak in general hi. Zogam Charter leh ZPCC/ZRAEC langpang in minam ki vei sak mahmah USA lamah ZNV Corp panin a pengkhia we love minpua cih bang mimal thute ah khemna om khak leh Zogam Charter siksan minam makaihna ZPCC pawlpi sungah ZNV Corp pawlmi lut huai a, tua sungah thu taktak siksan kalsuan zia kitel thei pan ahihna a lut khinsa mite’ zuau phuahna pana pai khia in ZPCC thu a kan cian ciangin thuman amuhna gen hi.

Zomi Political Coordination Council ZPCC in ama din mun leh kalsuan zia tungah Zogam

Charter tawh kalsuan nuam mi ahihna leh Malaysia KL 2019 Khawmpi thukimna siksan ahihna thu hangin min deih manin deihna leh minam thu deih bangin mawh puak lakna sepna a nei hi chih thu gen hi. Zomi khat peuh minam leh gam ading sepna tuamtuam aneih hangin Zomi Tual Suak thuneihna taktak thukhun i tun nading ZPCC pawlpi in omsa thu te kima kaihna siksan ahi hi.

Zogam Charter leh ZPCC pawlpi kalsuan zia Malaysia KL 2019 Khawmpi thukimna siksan nuam lote lungsim puak zia ZBC news correspondent in akik ah suah ding hi.

http://www.zbc.news

#Correspondent#ZPCC#KL2019KHAWMPI#