HAKSA LUA IN NGAIHSUN KEN

————————————————————————

Breaking news Venezuela 🇻🇪

(USA Navy Seal)

United State of America in tu’ sungin gamtat lian mahmah khat hong neih manin mipi-in lam dang kisa mahmah uh hi. Hih gamtatna pen gam lian zaw deuh ahi China leh Russia lam in dik sa lo ahih manin hih gamtatna thahatna hong lak khia khat in ki ngaihsun uh hi. President Donald Trump in gam dang kumpi gina mello te in USA sim mawhna leh a zahtak lohna thute ama hun sungah mawk koih sawm lo hi. Mi pawl khat muhna ah meidawi bang mah sem ngam khol lo dingin President Trump mu uh a, leitungah America first cih pen ama lungtup lian penpen ahi hi.

VENEZUELA gam makai galkap thuneihna tawh mipi tungah uk cipna a len galkap Dictatorship i cih galkap mangkhat in ama thuneihna thaumuk tawi na panin mipi te’ tungah ukna aluah alen Galkap mang khat ahi kumpi Nicolás Maduro pen USA gal siam ten abu sung panin Aktui bang ahihleh ki tap suah het loin la khia ziau thei khin uh hi. Venezuela gam makai ten USA thupiakna leh hem genna thute naupang thugen sangin niam ngaihsut ahih manin CIA in thusim khempeuh a tel ciangin gam sungah buaina om lo takin lut ziau lel ahi hi.

Nicolás Maduro pen USA gam sungah gilbem muan huai mahmah sungah kikem khin ta a, a maban ding Thukhen zumin thusitna lianpi bawl sak ding hi. Hun beisa lai-in President Donald Trump kiangah hong man mengmeng in, ka om na munah hong pai inla, zekai nawn ken ci-in kiphat sak pau mahmah a galto khin khat ahih manin USA Navy Seal in olno takin kaikhia ziau ahihna kimu thei h. USA galkap i cih te pen Spanish zong pau thei lel uh a, Bin Laden mat lai zong Iraq pau in hopih in a taltang kap sak uh ahi hi.

USA gam nasep in leitung gam tuamtuam 100% a uk zawh pah sam loh hangin a thuneihna pen kiam pak sam lo hi. D leh R party sepna lamah Republican te pen khauh pai-in zong nem tat khollo ahih manin gam kumpi a suk nop te baih takin na sem dingin mai lamah kimu thei hi. President sem khinsa Obama leh Joe Biden te hun tawh i et ciangin gam dang ten kih ta het loin neh thawh mahmah uh hi. Russia in Biden hun sungah Ukraine gam hong nawk khin a, China in Hong Kong olno takin thuneihna luah phei hi. USA adingin Myanmar gam ciang pen zasan meh nek sangin ol no tak pan pih nuamin sem nuam peuh leh amet nading lampi om leh sap kul lo zahin CIA tam zaw kibeh lap ding uh hi. Myanmar sangin Iran khawng dictatorship ukna sungah khangto zaw leh galvan hau zaw ahih manin Iran ciang zong B2 bomber spirit gukin Nuclear phual vutvai suah sak ding hun sawt la het lo uh hi.

USA gamtatna te ah sim mawh pak theih om sam loh hangin hi, deihdeihna munah minal leh gam makai cih te pen vantung lam leh lei lam panin sep dan haksa sa lo uh hi. USA leitungah thahatna leh pilna lamah gam lian kizahtak asuah mah bangin galvai ah tung lam leh nuai lam ah na khempeuh a baihsa in om khin uhhi. Galkap thuneihna tawh Venezuela ki-uk cipna Myanmar, Russia leh Chinna gamte bangin kitelna bawl leh a zo peuhpeuh om khak leh thong sungah gilbem lamah koih pawl uh ahi hi. Galkap thuneihna tawh ukna a luah suak theih nading uh thukhun constitution pen zawh loh theihtheih nadingin amau deihna bangin a bawl te uh ahi hi.

Myanmar gamah SAC in kitelna leh ukna cih te galkap thuneihna a khengthei ding lampi te a khak tan na in Consitution Thukhun sungah SAC in 25% pen thuneihna om khin in a bawlsa uh ahihi. Kum 2008 thukhun pen mual tung mite kipawlna khempeuh puah phat lohin SAC thuneihna in mi khempeuh Dictatorship khut sungah om dingin bulhsa uh ahi hi. Myanmar gam sungah minam tuamtuam te in amau thuneihna suahtakna ngah theih nading lampi te khak tanin thaumuk tawh Chin leh Russia te system Communist ukna tawh SAC in kum sawm sagih hong ukna tu’ ni ciang gam mipi 75% in haksatna thuakthuak uh a, SAC tawh nasem 25% in nuam takin gam sungah hauhna te zekin nuamsa uh ahihi.

http://www.zbc.news

#Correspondent#Venezuela#Nicolas Maduro#