USA I ZOMI TE KIANGAH HAWH CIANGIN

——————————————————————————————————-

Mipil khual zin khatin USA gamah nasuak in apiang ngiat te’ Zomi kampau zat siam dan amuhna leh kisam a sakna ciang genna thu ahi hi. Zomi or English, USA gamsuak khat in Zomi tawh hong hopih leh na dawn ciangin Zomi kamoau mah na zat kul ta hi.

Mikang gam na zin leh mangpau a thei sa khat hiteh, a zomah Zomi hihna Zomi Pau zong nasiam kul hi. Zomite kiangah na hawh Sawm leh Zomi tawh napau kul a, na minam te’ lak ahih kei ngal nak leh thu tuam hita hi.

Leitungah Zomi te Pasian thupha tawh langkhat ah ki khen kawikawi-in tua sungah Zomi te tul sawm lomin pemta in phualsatna United State of America gamah kipawl cing mahmah thu ahi hi. Gam dang khat peuh pan ahi, Zogam ahilo mun dang khat panin USA gamah na ziin ciangin Zomite tam mahmah ta ahih manin Zomi kam na siam ding kisam hong suak hi. Na laizom na mipih te in ahi zongin Zomi Kipawlna tuamtuam in hong sam ciangin Visa leh ngaih hawhin na pai leh na minam leh na pau te na siam ding pen mi khangto khatin a theih ding kisam thu hita hi. Nam dang ten pau nam tampi siam sawm uh a, Zomi te zong tua bangin nampi lungsim nei-in han ciam leng kigual zo semsem ding thu ahi hi.

Zomi te tu’ ma sawm nih ma hun ciang gam dangah i tun hangin mimal lak omin mimal kisim thei zah khat ahih manin tua zah in Zomi gam dangah kipawl cing zo taktak loin ki lang zo tak khin lo hi. UN in lampi hong ho’n ciangin Pasian in Zomi te’ ading lampi thak in gam dangah Zomi te pawl cing mahmah ding a gel kholhna ahi hi. USA gamah hi bangin Zomi te leitungah khangto in pilna siamna a neih ding uh hong deih sak ahih manin Zomi te in a Identity uh lamto ding gel kholhna ahi hi.

Israel te zong gam dangah kum zali bang tengin Egpyt gamah gam pilna khempeuh tawh Pasian kammciamna gamah ciah kik uh hi. Mi khempeuh suak in a gam a ciah hi tuan loin a nungta Pasian thu a um teng bek in Pasian kamciamna gam a luah ahih manin Pasian mah belh lian penin na nei uh hi. Zomi te zong gam dang khat peuhpeuh ah om in Zomi hihna leh Zomi te pau leh laite mang ngilh sangin a thei kii dem bawlin Laibu leh AI lamah tampi i neih zawh nading na sem dingin Pasian khaici bangin hong koih mi khengkhat te in lungkia loin hong han ciam mahmah un, a diak in Burma gam sungah tengin Kawl leh vai lak ah i ten ciangin minam hihna te phawk tawn tungin gam khat sungah teng Khawm i hih manin ki neu bawlin ang sung deihna bek tawh na sepna peuh ah na minam leh na gam na ngawn a don loin zahin a vei lo zahin I om khak ding pen Pasian bia leh milim bia kikal ah ngaihsut ding thu tampi Pasian in hong phawk sak hi.

Pasian a nungta khat bek Isreal Pasian abia a um mite nuntakna leh nasep in a minam khempeuh suah tak nading leh a gam alei aluah kik zawh nading ahih manin Pasian in a kamciamna a Muang a um mite na kem tawntung hi. Kawl leh Vai lakah nasep lian na neih ciangin nang ham phat nading sangiin ka minam Zomi hong zah tak nading leh Zomi a cih minam te ading gam leh thuneihna a luah nadingin nagel den leh na thusim hi sak den in, Canan gam bawngnawi leh khuaizu luanna leitangh luah nadingin kumpi-inn sungah omin pilna leh hauhna khempeuh thuneihna a khut sungah koih Moses in tua khempeuh nusia in a minam leh a gam ding a mipih te ading sem zaw in tua gam hauhna te nusia zaw hi.

Burma gam sungah om in Zomi hihna suaktatak in thuneihna te Zogam ah i ngah ma tengin minam makai leh nasem ading thungetna neih sak den ding kisam hi. Zomi te hong lamto nuam Pasian in Zomite leitungah hong khen kawikawi-in hun khat ciangin Zogam Nuam icihna munah khang bang zah ciangin hong gawm kik ding cih pen Pasian gelna om kha pial ding a, I theih pah loh hangin Zogam nuam pian nading mipil misiam dingin gam dangah pilsinna hong tawsak leh hong sinsak ahi hi.

USA gam mi suak American Zomi te in Zomi late sak in Zogam ngaihna te awih siam in Zomi hihna leh pau leh zia leh tongte hong thei zaw a, picing sa leh gam sungah suak khol lo zaw deuh te in Zomi hihna leh Zomi paute na ngawn thei lo kik bilbel uh ahih manin lang khat ah pillua maw, langkhat ah a minam masuah hi phial hiam cih nop zek hun tung hi. USA gamah nu leh pa te in gam sungah suak in piang ngiatte pen hoih tak lampi man a hilh siam nak leh a khuak uh hoih in na khempeuh zui thei pah lel hi. Mi khangto leh mipil ten a minam zong it a, ama omna tenna gamah khat peuh ah zong kisapna bangin mi dangte zia bangin gam ta thei uhhi.

Hun khaat lai-in Zomite’n mikang pau English theih ding ki han ciam mahmah a, zong theih huai takpi mah ahi hi. USA gam a zin ding te in theih pel mawh ding khat ah American Zomi te pen mikang leh Zomipau siam mahmah uh ahih manin pianpih pau suak ta hi. Spanish leh Vietnam I cih te bangin Mikang pau leh amau pau pen nuam takin na zang lel uhhi. Zomi te zong tua mah ki bang pian a Zomite tamna munah mikang pau leh Zomi ki helh zihziah ta ahih manin theih huai mahmah ding hi.

USA na sepna innpi te sungah Zomite tamna ah Zomite in Zomipau hilh zaw uh a, nasem makai te zong a theih uh kisam mahmah ci hi. Theih ding leh siam ding pen mangpau ahih mah bangin a gam ahihte theih loh phamawh hi, Zomite i tam leh Zomi te in I pau tawh kisem lel uhhi. USA gam sungah minam tampi om a, kuakua minam in amau tamna munpi tengah amau ngeina leh paute pen na zang tek uh a, zuum nasem leh makai ding pen kitel ciangin ki tha Pia mahmah uhhi. Muslim te bang amau tam na munte ah a biakna leh a upna uh khuah mahmah a , biak inn hoih nono han ciam uhhi. Zomite zong i tamna munte ah Zomi Innkuan ahih nak leh inn 300 ki phak khop nak leh kipawlna community pen han ciam in Zomite zia leh tongte mi dang te et theih zah Khopin I kep siam ding thupi mahmah hi.

Zomi na hih a mun dang khat peuh panin USA gamah na pih te kiangah na hawh ciangin Zomi hihna leh i paute na siam kul ding hi. Bang hangin siam kul hiam cih pen Pasian in a gam panin a suak thakte in Zomi hihna Zogam ah amuh sese nailoh hangin Zomipau siam mahmah in gam Ngaih la zong siam ta uhhi. Gammi a suak te ahih leh mangpau a theihsa uh hilel a, i diak in Zomi hihna tawh na kizop nop leh Zomi Pau siam huai hong suak zel hi.

Gam khat peuh panin USA ah Zomite kiangah na hawh ciangin Zomi mah tawh kiho theih sensen kul ta hi. Chin State sungah Zomi te pau leh lai pen theih nop pen keh sin ol pen ahihna tawh kituak in mai lamah Zomi te lai tawh pilsinna ahi Siamsinna in i zat ziahziah theih hun zekai nawnlo ding uh cih lam etna nai mahmah hi.

http://www.zbc.news

#Correspondent#Zomi#Pau#