NAI THUM SUNG MABAN KIHO

———————————————

ZBC breaking news information leaked

(Thusim lengkhia)

ZOGAM CHARTER ZC

ZPCC/ZRA-EASTERN COMMAND

ZOMI LEH ZOGAM din munah minam ading nasem makai te’ kalsuanna sungah kum2019 KL khawmpi Thukimna te hong tangtun nadingin sepna te mipi leh nautangin a zuih kim zawh loh thute ban takin lawh cing semsem ahih manin Zomi Movement akipan Zogam Charter movement cih te mipi minam vei te’ sungah telna leh thupi sakna hong khang hi. Burma gam sung buaina hangin Zomi sungah ZNV Corps sungah pawllut mi tampi-in amau theihna tawh makai hawm thawhna leh galthu leh minam thute ni khat zan khat thu-in deihna bangin a kikhel dingin ngaihsutna aneih ciangin kalsuanpih mel nei loin Zomi Political Coordination Council ZPCC vai hawmna nuai panin tai khia ki om cih thu abeisa kum5 huam sungah thupiang te ahi hi.

Zomi Political Coordination Council ZPCC/ZRA Eastern Command nasepna hong lum let nuam in hong ki thawi ZNV Corps sungah mi pawl khat te’ hangin mi nautang in thu a tel khelh nading makai te kammal leh mante tungtawn in online social media tungtawn in thusia hong bawl khia uh hi; ci-in makai sung panin mi kician khat in ZBC news tungah gen hi. Hih bangin ZPCC/ZRA Eastern Command hong nawngkai sak nuam mite in amau ngimna tak om tuan lo uh hi, Spring revolution hun ah hong diang khia uh a, bang mah kalsuan nading om loin Zomi makai te’ sepna gelna te hong nawk nawi nuam ahih lam uh zong gen cianna nei uh hi.

ZRA/O Pu Thang L Pau in agenna ah ZBC news a dot ciangin ama muhna ah apai nop tan pai sak lel ding hi a, bang mah maban hong sem tuan peuh mah lo ding cih a genna om khin hi. Tua mah tawh ki zui-in Zomi leh Zogam ading makai muan huai te pen a singam leh lungkia ngei loin Zomi a dinpih taktak uh ahi hi. SAC ukna sungah ZNC/ZCD in party panin thu tawy kalsuan in siksan man lenkip in policy tungah Zomi Thuneihna ngah nading bawlsiatna leh haksatna tuakin a sih dongin lung ngeilo mi hang san taktak ahi hi. Makai thudot taktak ding nam teng kua te uh ahi hiam;? cih pen i kan nadingin ZPCC/ZRA EC, ZRA/O, ZNC/ZCD hih teng sungah thukhun tawh a din kip zo te leh a sem taktak pen Zomi keh Zogam ading makai muan huai taktak te uh ahi hi.

Tupna kician om loin huih nun na peuhpeuh ah a puk kawikawi nasepna pen tawpna ding omlo mang thang na sepna ahihi. Zomi Political Coordination Council ZPCC in tu’ ni ciang mi pawl khat te’ lam siahna te a theilo ki hi peuh mah loin dawn tak leh thuk kik takin a ngaihsun lo uh hizaw ci hi. Lam kal leh social media tung peuh panin kiko kigen siatna leh ZPCC/ZRA Eastern Command kalsuanna in Zogam Charter thute tungtawn in Zogam ading ki makaihna pen Zomi khempeuh i sin toh ding leh mawh puak ahihna Zomi Revolutionary Army Eastern Command in galkap mang te han ciamna dung zui-in Zogam khua tuamtuam ah hilhna leh tupna te kipuah pha ding cih pen thusim lak pan kiza kiau khat zong ahi hi.

Zogam leh Zomi ading na sem nuam tampi hong om ciangin kuamah kikham loin minam leh gam it ahih teh ci-in a lawpna tan ciangciang uh kisem sak hi. Kum 2021 panin CNA tawsawn na leh khemna hangin ZPCC/ZRA Eastern Command pen hong kisim mawh mahmah a, sak leh khang panin gal leh sa bangin mite khem sa in Zomi galkap leh gamkem te hong ki do den hi. Tua ahih manin Zomi Revolutionary Army Eastern Command ZRAEC pen Pasian thupha tawh haksa leh galkap te kicing kei mah leh tu’ ni tak ciangin Pasian minam a kem ding pha sa ahih manin maban tampi ki zom thei-in Zogam Charter deihna te hong thak suah ding kipanpan ta cih uh hi.

Zogam khua sungah khua tuamtuam panin ZRA Eastern Command galkap te khual a zin ciangin mipi leh khua leh tui tawh buaina om thei mah leh hite khempeuh panin ki puah phatna hong om toto in tu’ hun lam ciangin mipi leh galkap te’ sungah Zomi Political Coordination Council ZPCC in mipi kalsuan zia dan ding leh Zogam Charter tupna thute ki theih kim loh manin mimal kikal buaina om thei zel cih thukiza uh hi. Burma( Myanmar) နွေဦးတော်လှန်ရေး hong kipat ciangin ZPCC in Malaysia KL Khawmpi te deihna thute kisem lai takin Zomi Political Coordination Council ZPCC hong buluh nuam mi khat leh nih te nasepna te hangin Communication kizopna te haksatna cih thu te hangin paulap pawl khat tawh hong ki do suak hi.

Zomi Political Coordination Council ZPCC/ Eastern Command has n Zogam Charter thute gatangh khil bangin zuih sawm tawntung a, tua bangin ki cing hi pai suak ding hi cih bang hi masa loin Thumeilet nei loin ki makihna pen khiatna neilo din mun ahihna hangin Zogam Charter thukimna te zah takin thupi sakin ma a tun nading han ciam uh ahihna thukan khat in ZBC tungah gen hi. Hun khat ni ciangin ZPCC in Assembly hong kaih khop hun ni ciangin a kipuah phat thei ding thute a hun lapin Zogam leh gam tuamtuam panin thu thei leh mipil misiam tungah kikai khawm ding cih pen mimal lam pan muhna hi. Zogam ading ma pang khempeuh in lungkia loin ZPCC Fundraiser te tungah na piak theih zahzah khasim ahi phial a, khat vei ahi zongin na minam sungah khaicii tuh pel mawh ding pen gam khangto te kilam zia khat zong hi.

Zomi makaipi te gel kiho hangin Zogam ading sepna khempeuh te’ tha nop huai semsem ding hita hi. Kum khat ahi phial a, kum nih cih bang ciang tawh minam na sem hi loin a kum a sim hong makaih leh minam vai thute a gel asem te makaihna a zui thei siam khempeuh Zomi ading pai dan kician hong suak hi. CNA khemsa in Pa Thang Suan Mung in tu’ ni ciang ama deih bangin ZPCC/ Eastern Command hong sim zel a, abeisa kal khat sungin hong matsak mi te khh ding cih kiho te zong hong pelh kik hi. Pa Thang Suan Mung gamtatzia in naupang kimawlna bangin ngaihsun ahih manin hun khat ni ciangin Zogam galkap te na sep theih nii hong sat mahmah hun hong tung kha ding hi.

Zomi khuapi Tonzang kuam lamah Beenglo panin siah ngah theih nading han ciam a, SAC lang panna lungsim sangin Beenglo panin hauh sawmna lungsim hong khauh pai ahih manin thaumuk ngatin a deih bangin zawh thawh thu tawh na sep ki pan hi. Pa Thang Suan Mung galkap regimeအစိုးရ gamtatna pen Zogam khua neute ah mi bang mah neilo te’n haksa sa mahmah uh hi. Zomi Khuapi Tonzang kuam lamah Zolo thawhna hangin sum tampi ngahna om tei hangin tua beng te hangin Zomi sungah Zou te tam pi khangno si khin uh cih thu ZBC news correspondent tungah hong puak hi.

ZOMI POLITICAL COORDINATION COUNCIL ZPCC/ZRA EASTERN COMMAND in hong sep ding maban mipi theih nop thu kikan cian lai hi. Zogam Charter panin kalsuan dan a thei khempeuh in Zogam ading lawp mahmah cih thu kiza hi.

ZRA/O Pu leh ZPCC, CFO ki hona ging khia ahih manin Zogam Myanmar nasep ZPCC thu sim tampi sep ding gelna om khinta ci hi. Zogam hong sim mawh CNA leh kim leh pam in Zomi hong nuai siah theihna pen CNA khemsa leh anvaksa mi pawl khatin a gam leh a minam zuak ahihna kimu uh hi.

Zogam Charter

ZPCC/ZRA Eastern Command

ZPCC/ZRAEC , Headquarters Zogam, Tedim

http://www.zbc.news

#Correspondent#Makaitekiho#