ZOMI POLITICAL COORDINATION COUNCIL

————————————————————

ZBC Breaking news

ZPCC/ZRAEC (Bylaws of the Council)

Zogam Kaallak Kivaipuakzia (Zogam Interim Governance) in kum sagih ciang bang hong pai khit ciangin ZPCC in Pawlpi Ngeina Dante( Bylaws of the Council) Zogam ading minam thu ah Zomi te kalsuanna zia dan ding Ngeina Dante hong bawl khia zo thei ta uh hi. Zogam galkap leh Zomi Political Coordination Council ZPCC kalsuanna ah Zogam Charter khit ciangin hih Bylaws thupi tak hong piang thei pan ahih manin hih Bylaws in Zogam Charter tawh ki tonin Pawlpi Ngeina Dante hong bawl khia thei bek uh hi.

Zogam Charter masuan in Zomi te in i neih zawh Zomi sungah deih bangin hong lawh cin theih lohna pen Pu Moses Kim Tuang hong kisuam lup sak a kipan , nam dang leh Zomi sungah minam ze-etna hong om ciangin lungduai takin ki ngak ahihna thu ZBC tungah gen uh hi. Zomi Political Coordination Council (Zomite Gam leh Minam Maban Vaihawmkhopna Pawlpi) in sepna maban hong kalsuan toto khinta uh a, laikung leh laidal tawh nasep ahih manin ki tangpek theih hilo uh hi. ZPCC pawlpi-in ama sep ding maban pen han ciam uh a, haksa ta leh Zomi Movement guallel in om loh nading leh minam picing asuah semsem nading hun tampi sep khit ban vuah maban lianpi Zomi te’ ading aneihna zong kitel uh hi.

Zomi leh Zogam ading ma a pang nuam khempeuh in Zogam Charter bekin hong kipum khat sak thei ding a, siksan nei loin minam vai sem ding cih pen minam sungah buaina hong bawl makai deihna te a nial nuam mite uh ahi hi. Zogam Charter zah val Zomi Movement a sem nuam te ading thu leh la kicing zaw om tuan lo ding hi. Malaysia KL khawmpi 2019 kum a, Zomi makai kikum khawm thei khempeuh thu kimna hong khangto in mit muh a suah zawh nading Zomi Political Coordination Council ZPCC/ZRA Eastern Command in khut let in kinei den ahi hi.

Zomi sungah thukhun leh Bylaws tawh kima kaih zia pen mipi zuih theih kim nai loh manin a thei nuam leh makai nuam ki tam hi. Dr. Sasa in kha thum sungin SAC kila zo ding uh a, R2P hong pai ding a cih zualzual pen kum nga sungah hong lut pih khitna thute i et ciangin gamvai gelna thusik san aneih loh manin naupang thugen bang sak hi. Zogam Charter siksan in hong makaih pen thupi takin theih cian huai hi. Zuih dingin Thukhun tawh kalsuanna ah zekai cih zong hi khin lo hi, man lang deuh leh cih zong hi thei khin lo ahih manin na Bylaws leh na thukhun te tawh na kalsuan zia kipum tuak hiam cih pen na et masak kul hi.

Zomi Political Coordination Council (Zomite Gam leh Minam Maban Vaihawmkhopna Pawlpi) in hong han ciam in hong neih ding kipsakna Pawlpi Ngeina Dante pen sawt nawn loin meeting nei ding cih ZBC news correspondent in kanna ciangah ki thei khia hi. Bylaws of the Council hong neih zawh nading hun saupi tak i ngak khin a, hih thute khempeuh a kim ciangin Zomite lam et ZPCC in Assembly hong kai khawm ding cih pen minam vai a thei te sansatna tawh kigal muh thei ci hi. Tua ahih manin Chin State sungah Zogam Charter pen hong bei sakin hong nawk den pen namdang thau tawi sung panin hong ki nawk den pen uh ci hi.

CNA te pen minam vai politics ah sum leh pai hatna tawh kalsau suan zo uh a, a makai te zong na han ciam mahmah khin uh hi. Zomite in amau kalsuan zia te panin pilna la thei leng sum leh paitawh minam makai te panpih zo leng Zogam Charter pen mual a suak zo ding ahi hi. Zogam Charter, Zogam Thu Taangko i neih ciangin kalsuan pih dingin Thukhun tawh tupna maban kigel cian thei pan hi. Zogam Charter i neih khit kum sa gih ciangin ah Bylaws of the Council a kipan thei suak pan hi.

ZPCC in sawt loin a neih ding EC leh ZNV Corps tawh mimuh nading pen Zomi te lawp mahmah thu hong suak ta hi. Kalsuan pih te kician ahih manin mipi-in maban ding kingak lah mahmah uh a, Zogam galkap te akipan Zogam Phuhna Ding Zomi te level pen hong kitel cian toto thei ta hi. Hih kip sakna hong neih theih nading tha kipia a, hite hong man ciangin ZPCC/ZRA Eastern Command Zogam zingvai kaallak kivaipuakzia lampi tot dan ding kimu thei ta ci hi.

Malaysia KL 2019 Khawlpi pana thukimna te hong lim ci semsem ding hita hi. Thumimna thu leh late tawh ki makaih zia leh kalsuan zia dan kitel loh manin minam maban sep dan te mipi leh makai kikal ah kal ki suan khawm theilo ahih ziak in ki tha nem tuan lo hi. Tua thute kitel khia mahmah ahih manin ZPCC in kuamah mawh sak lo hi, a sep ding bang a semsem hi lel uhhi. Zogam galkap hong neh thawh leh hong nawk den te zong ki mang ngilh thei sam lo a, ahun zui-in mawh lakna om thei ding uh hi. NLD leh SAC hong ki tuhteh ciangin emotional စိတ်ခံစားမှုဆိုင်ရာ tawh hong kipat ciangin hoihna lam sangin mimal leh minam sungah thu khual lohna hong khangin sihna a tuak tampi ki om hi.

Zogam sungah ZPCC/ZRA Eastern Command in Zogam Charter thumeilet in aneih mah bangin hih tawh kisai Zomi te lam etna hong khak tan sak CNA leh tawsawn thautawi neuneu tengin hong nop nehna hangin tamvei pitak haksatna ki nang zo den hi. Zogam Galkap EC mangpi te theihpihna loin mai lamah Zogam khua neuneuh te sungah siatna lamah kitotna lamah om thei te maban hong puah pha ding uhhi. Zomi Movement sawt nawn loin Zomi te in tha nuam takin Zogam ki zun khawm ding hi.

http://www.zbc.news

#Correspondent#ZPCC/ZRAEC#