MI MAL TUNG PANIN KIZA KHIA

———————————————

BYLAWS OF COUNCIL, ZPCC/ZRAEC

(Zogam Charter ZC)

Zomi Political Coordination Council ZPCC han ciamna leh a beisa hunte panin haksa mahmah phial zongin innkuan khuasak leh nek leh tak zonna kawm kal panin mun tuamtuam panin Zomi leh Zogam ading nasem mapang a hi thei khempeuh in Zogam Charter siksan in ZPCC Bylaws of the Council kipsakna leh lungkim tak in khutma lailam kaihna nei khinta cih thu pan mun nei khatin ZBC correspondent tungah pulakna nei hi.

Zomi sungah daihna leh kilemna tu’ ni tu hun ciang a om khinsa ahih manin mailam ah zong ki-itna daihna peace pen hong lian semsem ding cih a nungta Pasian bia hihna hangin upna leh Zomi te thungetna bulpih khat hi den hi. Zomi Political Coordination Council ZPCC/ZRA Eastern Command in minam leh gam ading deihna kalsuanna sungah tupna leh luah nopna thute ki cian takin a neih manin maban pen asep ding leh apai ding bangin semsem uh ci hi. Zogam galkap mangpa leh ZPCC, CFO han ciamna hangin Zogam Charter deihna thute siksan in Malaysia ZIC maban khempeuh thukimna te kal suan pih uh a, kisam te puah khawm in zun toin na sem te uh ahihna leh mi cii tak mahmah ahihna kimu thei uhhi.

Zogam Charter siksan in kasuanna ZPCC/ZRAEC in mipi sapih te hanciam pihna hangin mun leh mual zong ki nei khinta ahih manin SAC ukna i deih loh manin thulehla tawh kal masa kinawk ahihna minam ading nasem thu thei mahmah khatin gen khia hi. Zomi khuapi Tonzang khua zong CNA ukna sungah om sangin abeisa hun a mah bangin Zomi ten i kep siam ding thupi kisa hi. Tonzang khuapi sungah om tual sung mite ahih leh mawk om lel ahih manin minam ading hangsanna gam itna nei cian mel loin khua’sa lel uh cih Tonzang sanggam Zou te khatin gen khia hi.

Tonzang lam kuam khua ta zoukual te in Beenglo hau thei mahmah uh a, sum leh pai hau masasa Tedim leh Kawlpi lal sanin daipam te haksa mahmah uh ci hi. Beenglo panin CNA pattah CDF Pa Thang Suan Mung makaihna in sum tampi ngah thei ahih manin Tonzang khua sungah inn neite thaumuk tawh tawn bawlin Benglo panin sum ngah tetawh a inn lei sak ci hi. Hi bang nasep pen hun hoih hong tun deuh ciangin mipi deihna bangin inn neite thaumuk tawh khempeuh in thu bawl ding cih Tonzang panin Salzang khuami khat in general khia hi.

Zomi khempeuh lakah ZRA/O ahi zongin ZPCC/ZRA Eastern Command te ahi zongin Zomi sungah ki siatpih cih bang omlo cih pen makai zah tak huai khat in gen khia hi. Kum 2019 danin kilemna paulap in mipi kaih khop pen akua teng tawh Peace nei ding cih pen ki thei zolo suak hi. Zomi leh Zogam ading minam makai leh galkap te ahih leh kihel lo ding ci hi, kihel nading hang om loin ko kuamah tawh buaina ka nei kei uh, Peace ka bawl ding uh Zomi leh Zomi kikal ah ki theilo ci hi.

ZPCC/ZRA EC in January 23,2026 hun in ah Thukhun hoih mahmah hong bawl khia zo ta uh a, kipsakna zong bawl zo ta uh hi. Social media panin zong man pawl khat kimu khia uh a, hih bang nasepna pen mipi deih dan tawh kituak sa mahmah hi. Tupna leh thumeilet in sep dan ding hong lak thei a, social media panin Zomi Political Coordination Council ZPCC in bang sem hiam cih pen Zogam Charter tungtawn in Bylaws leh thukhun hong pai khia a, tua sungah thu a sim a thei cian te in ki hilh sawn ngai nawnlo zah in kicing mahmah ci uh hi.

Zomi sungah minam nasem leh makai te khasum piak zawh kuamah om zo nailo ahih manin innkuan zii leh ta tawh nek zong kawmin na sem vive ahih manin amau ading thunget sak ni’ cih pen minam it mahmah khat in gen sawn hi. Zomite pang khawm in thahat theih ding pen haksa a, tua haksa i cih pen thu tawh kima kaih theilo ahih manin ki thei sak tawm mi a tam ciangin Zomite lawng khatin ki hat zo phalo ci hi. Zogam maban hong nuam ding cih kiza hiauhiau ta hi, tua ahih manin Zogam ading mapang khempeuh zong ZNV Corps lamah mapang ding ki lawp mahmah ci uhhi.

Zomi Woman Volunteers ZWV Corps pen kipan khia khin a, amau pai zia ding zong bylaws dik tak nei khinta cih thu hoih kiza hi. Zomi sungah numei te hong thahat leh minam ading lwh cin na lian mahmah ahih manin ZWV Corps pen a gamgam ah hong kipia khia uh a, Zomi numei te kipawlna in maban hong thasak semsem ding ci hi.

Zomi Revolutionary Army Eastern Command ZRAEC maban ZBC correspondent in maban ah hong suak sak ding uh hi. CNA hong bawl siatna hangin Zogam galkap te ki bei ding hileh kuamah ki om nawnlo ding uh hi, nam sungah miten etteh zunteh liangin tai hong cih san phial a, hong thusim kei zongin a nungta Pasian deihna tantan Zogam hong huai ding uh ahih manin ZPCC/ZRA EC hong gensia hong lang pangte na cii uh na dam henla na omna gamte pan un itna nanei kim un cih gen bilbel hi. Zogam sungah mi muan huai sim khat in Zomi State ciangah hong kalsuan pih thei ding leh Zomi leh Zogam ading nasep dan kician thu leh la tawh gatangh kaihin i neih pen Zomi Political Coordination Council ZPCC/EC bek muan huai ci bilbel hi.

http://www.zbc.news

#Correspondent#ZPCC/EC#