TEDIM KHUAPI HAKSATNA TAM SEMSEM

————————————————————-

Zogam Charter

(ZPCC/ZRAEC)

Zomite khuapi Tedim leh Kawlpi kikawmna PDF leh SAC te lam khak kituh teh zel uh a, tua bangin mipi-in khatvei leh khuai bangin dawtzel, koih zel cih pen tualsung mite in nawngkai leh ki ning mahmah sa ta hi. Hih bangin SAC leh NLD thuneihna kituh teh na kallak ah hunbeisa in zong ZPCC makai te sanggam te leh innkuan te vau’ in lai pia a, sum ngenin nong puak kei uh leh na inn uh hal ding a cii thautawi te pen tu’ ni a mipi galkap kicii PDF hon khat ahi uh hi. Zomi Political Coordination Council ZPCC in makai te leh ZRAEC makai te pen min daisakna thuak gige ahih manin lungduai takin Zomi makai teng in ki thuak phot hi.

Zogam sungah mipi-in haksatna tuak beh zel cih thu kiza hi, SAC leh NLD thuneihna ki tuhna hangin Zogam sungah Zomi galkap te thuakna hangin gual zawhna in hong ngak ta cih lametna hong naita hi. CNA pahtah leh Zogam sungah CNA minpua in hong om ten in Zomi Revolutionary Army Eastern Command ZRAEC pen hong sim mawh in a galvan neih sunsun tawh hong kap den uh pen kum nga sungah ki thuak gige ahih manin thuh kikna Zomi galkap te lam panin bang mah kipan kik nailo ahihna pen galkap te khat in general khia hi.

Tedim khuapi ah Zomi tualsung mite in haksatna thuak uh hi, PDF leh SAC in lampi khak thei uh a, amau gelin khat in khak leh khat hong , khat in hong leh khat in khak cih bangin aneih ciangin mipi-in gilkialna haksatna tuak lawh mahmah hi. Tonzang gamah CNA pattah mite abei nadingin Tonzang tualsung mite in ngak lah mahmah uh cih thu gen khia hi. ZPCC in Zogam Charter tungtawn in kalsuanna ah mipi-in thei nuam mahmah ta uhhi.

Zogam khuapi khat ahi Ciikha khuapi ah Zomi Nam Ni thupi takin ki bawl ding ahih manin sak leh khang panin kikai khawm ding ahih manin apai ding khempeuh February 20,2026 ciangin ki zuan ding hi. Cikha khuapi pen Zomite khuapi khat ahih manin mipi leh gam sung mite ading nuam semsem ding hi. CNA khempeuh SAC paulap in Zogam huam sungah om khempeuh abei nadingin Tonzang tualsung mite leh mipi khempeuh in ZPCc/ZRAEC tungah muan na leh lawpna kipuak uhhi.

ZOMI NAM NI FEB 20,2026 Cikha khuapi kibawl ding tukpeng kidemna leh Zomite ngeina tawh kisai laamna tuamtuam om ding ahih manin kidemna sungah gual zawhna ngah khempeuh Kawlsum tengsawm thum tawh khatna te kipia ding ci hi. Zomite ngeina leh Zomite ading ni thupi penpen ahih manin nam kim kimawlna leh tuamtuam huan nuam tak in kizang ding uhhi. Nakzang kuam ah CNA tualbial kai ahih manin abeisa hunin tamvei hong nawk khin uh a, ahi zongin ZPCC/EC in ki thuak phot hi, ahi zongin hin hong pai to zel ahih manin Zomi Revolutionary Army Eastern Command ZRAEC in nih vei van dawn panin nahtang um khiat uh a, tua khiatna in thupiakna dan ahih manin Zogam panin kihem khia ding theih sakna ahi hi.

Tonzang khuapi kuam ah Benglo panin siah kai-in sum leh pai tawh nuamsa in gamta CNA pattah CDF min pua leh mimal pawl khat in mipi haksatna tuak lawh mahmah uhhi. Pa Thang Suan Mungin hun beisa khempeuh ah mipi tung panin ngah nopna leh nuaisiahna pen CNA khemna panin Zogam sungah zou khua sat ding a kipei kum 2021 spring revolution in hong kipei ahi hi. Zogam panin CNA aisa longek zol pen thautawi tuamtuam khempeuh Zogam panin kihem khia dingin tualsung mipi deihna leh lametna ahi hi.

Tu’ hun thuthang tuamtuam tampi lakah Malaysia gam bulphuh in pawi kham dingin ki thawi makai khempeuh lakah ZPCC/ZRAEC a phuk nuam lwh makai te min dai sakin mipi khem bawlin sum bawlna in anei mimal teng ahi hi. Zomi Political Coordination Council ZPCC in Malaysia Zomi International Khawmpi panin thukimna khempeuh amau ki theihsakna tawh abuai sak nuam uh ahih manin mipi-in tel mahmah uh ci hi. Tu’ hun ciangciang ZIUSA sungah makai sungah buai huai na ciang om leh kiza hi, makai nih leh thum te pen mite nungzui vive panin kisin toto hi mah leh ei makaih hun ciangin thukhual leh mipi bangin thugen in mipi a khem sawm bangin makaihna thukhun tawh kituak loin kisem hi.

Zomi Political Coordination Council ZPCC kal suanpih in thu dang thusia om lo uh a, Zomi a pai khawm tengin hoih mahmah hi cih tawh thukimna a neih khempeuh kalsuan pih ahih manin hih kalsuan pih Zogam Charter ZC te zuih ding haksa asa uh hi. Thukhun leh thumeilet tawh kalsuan thei loin makai teng min tuamtuam tawh gensia in kipawlna bawl thak den dingin ki thawi te nungah apai kha dingin na om khak leh ngaihsut huai mahmah ding ci hi.

Zomi State khat ciang din zawh nading leh Zomite ading Zomi tualsuak thuneihna Zomite in i gamah neih zawh nadingin Zomi khempeuh hanciam zel dingin makai teng panin kiza hi. Zogam Cikha khuapi ah ZOMI NAM NI FEB 20 pen khua tuamtuam panin kipai sawm ciat ding hi. Zogam Vaihawm Kipawlna in ZPCC tungah official takin thuzakna a neih uh kiza khia ahih manin gam tuamtuam panin ZOMI NAM NI kibawl ciat ding uh a, Zomite hong kilang semsem ding hi.

www.zbc.news

#Correspondent#Cikha#ZomiNamNi#Tedim#